Filipi 4:11 - Aŋwaʼanayn Uso Fey

¹¹ Cha amə ghayn aŋu ney damugə amə kaba ayə moʼ. Ayə ghayn damugə mə si kweme kwi, ka amə akə anó ingiya, ughəy mbənə umə iniŋ mbə koʼ.

Filipi 4:11 Iomraidhean Croise

Ukən chuŋ da Yeso Kristo anji zənə Luk ŋwaʼanayn 3:14

Usogwi moʼ níbí biri abú uŋwən kwi, “Amə umba mba si ghini ngiya?” Wə ghayn abú úŋwən kwi “Ka mbən, mbən num ngwen ukab abú wa moʼ akə ikay kə ifigə unó da wa moʼ. Beni kwi ukab ŋunə umə neʼe ngwen awu yə kəʼ”

2 Korintiyans 11:27

Mə́ mə faʼa akə ikay nibə nyi inyo. Cha mə di buni ufəb nanaʼ, mə́ mə chomo amaʼ injəy, adoʼ nibə zomo. Mə́ mə chomo amaʼ nanaʼ nu cha ajəgə. Mə́ mə chomo ufi nu cha ma ka ndwi.

2 Korintiyans 6:10

Ba moʼ mbə ghəy ina chomo ni kwi mba mə ba nə akənə, asɨmə mba yə wuʼe ngwa ighari jum. Ba moʼ mbə ghəy ina chomo ni kwi mba mə ba ukwaŋ, asɨmə mba yə ghəy kwi ba nanaʼ mə nə imbon. Ba moʼ mbə ney ngwa ni kwi mba mə be mbənə cha ughəy, asɨmə mba yə nə ughəy jum.

2 Korintiyans 8:9

Mbən kyay ichuŋ zənə Asɨyisəg Yeso Kristo ghəy nu kaba kwi yə mə nə imbon asɨmə yə beŋe akə wa ukwaŋ da ngwən, da anjim umugə umə wa ukwaŋ mba yi mə nə imbon.

2 Korintiyans 9:8

Nwiye yi naʼ ughəy jum inen chigə u mbənə mbən mə kaba da mbən mə nə ughəy jum akə umaʼa jum boʼo mbən mi naʼ kwi ughəy unó chuŋ awu.

Filipi 3:8

Asiʼ ŋunə umə awu amə kwi unó jum wu nim da anó kyay zənə a boŋo chigə. Anó kyay wu amə umugə a kyay uŋu Asɨyisəg Yeso Kristo. Mə si zən kwi unó wu jum amə indoro da a chomo ni Kristo. Da uŋwən mə waʼ ughəy jum,

Hibru 10:34

Mbən kə́nə́ akə ba mbənə mbə́ mə́ andəŋ. Mbən beni ni iwuʼi ngwən amaʼazənə mbə́ fene umbən ughəy ujum. Mbən ghəy nigə damugə mbən kyayn kwi mbən yə nə ghəy zənə aboŋo chigə umbi awu ni amə ghəy ami tənə koŋ.