Filipi 4:1 - Aŋwaʼanayn Uso Fey

¹ Umbuŋ unya, mə wuʼe ngwən nibə kaŋa kab kwi a zən ngwən. Mbən yə aghəy kwi inyi fiŋ boŋo. Mbən yə nibə choʼo afaʼa akə afaʼa zənə mə faʼa. Umbuŋ unya nu a wuʼi kwaʼa azəd, mbən təm ikay numugə mbən mə akə anó feyn ni Asɨyisəg.

Filipi 4:1 Iomraidhean Croise

Matəw 10:22

Ba ujum mbi bana ngwən da aŋu. Asɨmə wa ŋunə umi yimə fiŋ iŋu pey akə inwi, Nwiye yi chiyə uŋwən angəʼ.

Ukən chuŋ da Yeso Kristo anji zənə Jon ŋwaʼanayn 8:31

Yeso ghayn abú ba Jû mbənə mbə́ zi fiŋ igun ma kwi, “Mbən bi yimi inyi inayn, anigə mbən yi mə kwaʼa umbəŋ aməŋə-anó asiʼ.

Afaʼa ba tom Kristo 11:23

Amaʼazənə yə́ ŋú pey yi zən umugə Nwiye ghəy ichuŋ abú ba wu, yə wuʼi ma ighayn abú úŋwən uma ujum kwi u tem ikay akə anó Nwiye sə faʼa abú Asɨyisəg ni fiŋ ma ujum.

Afaʼa ba tom Kristo 14:22

Mbə mə́ yeŋ yə zi ikay abú ba mbənə u beni Kristo. Yeŋ yə ghayn kwi u yimə ibeni fiŋ uma ini ka ŋuw aba imbey. Mbə́ ghayn abú úŋwən kwi, “Mba yi zəw ingəʼ nanaʼ ki si inyi ungɨŋ anó fon Nwiye.”

Afaʼa ba tom Kristo 2:42

Mbə́ zi atəw akə unó mbənə ba tom Kristo mə itey. Mbə́ mə́ bumə ijəgə nibə bumə ichaʼara Nwiye.

Roman 2:7

U yi naʼa itəni nu cha imi noʼo imey abú ba mbənə u yimə fiŋ ni aghəy ichuŋ, ni kaba uzayn zayn, ni iwumini foro unó nu cha ba mi noʼo iku.

1 Korintiyans 15:58

Anigə umbəŋ unya nu a wuʼi kwaʼa azəd, mbən təm ikay. Ka mbən beni aŋwən kwi ghəy moʼ chigə ngwən. Mbən faʼa afaʼa zənə Asɨyisəg naʼa inen. Mbən faʼa nigə ni ŋuw aba imbey. Mbən kyay kwi cha anó moʼ zənə mbən mə ghəy abú Asɨyisəg mə chigə ma ibuw.

1 Korintiyans 16:13

Mbə num azom. Mbən zi fiŋ nə ikay igun Kristo ka mbən ibó ngwən, mbən təm akə ikay.

2 Korintiyans 1:14

Cha mbən di si tana kyay ngwa. Mbən yi tana kyay umbən utəw zayn aney zənə Asɨyisəg Yeso mi gha wene zaʼa, da mbən komo iguwə da ngwa anji zənə mba mə komo da ngwən.

Galetiya 5:1

Kristo si chi ngwa aton isob, da ka mba gha chomo ngwa aton isob. Mbən təm ikay da ka wa moʼ gha ghəy ma kwi mba gha beni isob aton unoʼo.

Filipi 1:27

Akinine anó kyayn amə kwi, mbən ni aghəy unó akə inji zənə ikoʼoro numugə ukən chuŋ da Kristo mə itey, da abə tey kwi a zaʼa zən ngwən kə kwi cha adi zaʼa, a yi zəw kwi mbən təm ikay nə fiŋ feyn foro nə ikono feyn nibi zəw kwi mbən yə zoŋo unoŋ izən kwi ba niŋi fiŋ igun Kristo anji zənə ukən chuŋ mə itey.

Filipi 1:8

Nwiye kyay kwi mə wuʼe ngwən foro kwi ayə nibə kaŋa kaba izən ngwən umbən jum. A yə ghəy nigə aba anji zənə Yeso Kristo wuʼi ngwən.

Filipi 2:16

Mbən yimə inayn zənə imə naʼa itəni boʼo ami mə komo iguwə da ngwən aney zənə Kristo mi wene zaʼa kwi cha a di nod aŋu ibuw, cha inyi afaʼa di chigə ma ibuw.

Filipi 2:26

U yə kaba kwi nji yə zaʼa zən ngwən umbən jum. Fiŋ yi toboro uŋwən damugə mbən si zəw kwi uŋwən mə́ sɨgə.

Kolose 4:12

Epafras nu amə wa faʼa Kristo, uŋwən mə nibə wa akaʼa injən yə chaʼara ngwən. U yə chaʼara Nwiye akə ikay ighari jum kono ngwən kwi mbən təm ikay nibi tana kyay unó jum mbənə Nwiye mə kaba.

1 Tesaloniyans 3:13

Mba yə chaʼara kwi u ghəy itən fiŋ kara da cha umi zi ma anó igun inen, foro da mbən chomo akə uzayn zayn ifigi Nwiye ungwa mbaʼ amaʼazənə ungwa Asɨyisəg Yeso mi wene zaʼa ni ba zayn zayn uma.

2 Tesaloniyans 2:15

Anigə umbəŋ unya, mbən təm ikay iyimi unó mbənə mba tey inen, kə amə akə inayn zənə mba ghayn kə ungɨŋ aŋwaʼanayn zənə mba ŋwaʼanayn inen.

2 Timoti 2:1

Amə da yə, ungwə Timoti uŋu ŋwə̂, ngwə təm ikay ungɨŋ ichuŋ zənə Nwiye ghəy ina anjim umugə mba mə akə ibumi nə Yeso Kristo.

Hibru 10:23

Mba zi ita fiŋ ka akə akaʼa zənə Nwiye si kaʼa ina ni cha mba mə goro ngwa damugə wa ŋunə u kaʼa cha umi noʼo tama ma

Hibru 3:14

Mba yə akə anó feyn nə Kristo amaʼazənə mba bə yimə anó zənə mba beni nibi beni nigə ŋu pey akə inwi.

Hibru 4:14

Umugə mba mə nə amede atəw kyayn abú ba mbənə umə faʼa ambəŋ Nwiye nu amə Yeso Ŋwə̂ Nwiye ŋunə yə́ iŋú azobo, mba yimə anó zənə mba ghayn kwi mba beni awu da Yeso akə ikay.

2 Pita 3:17

Anigə umbən umbəŋ unya nu a wuʼi kwaʼa azəd, mbən si nibi kyay anó zəŋ. Mbən weŋ ngwən damugə ba mbənə cha u kyay unoʼo mbə kaba fibiri ngwən, nji mbən yi nim inji anigə isam asin zənə mbən si təm igun ikay.