Filipi 3:9 - Aŋwaʼanayn Uso Fey

⁹ anigə bumə si məŋi akə anó feyn nə uŋwən. Cha adi təm ikoʼoro aŋu damugə ghəy unó mbənə umə ungɨŋ unoʼo. Mə tem ikoʼoro anjim mugə a niŋi fiŋ igun Kristo. Nwiye ghəy kwi atəm ikoʼoro anjim mugə a niŋi fiŋ igun Kristo.

Filipi 3:9 Iomraidhean Croise

Matəw 9:13

Mbən ŋuw ikab aton akə inayn zənə ighayn kwi, ‘Ayə kaba amə kwi diri ba umbi. Akaʼa ma kwi ba naʼa u aghəy ifá iniŋ.’ Cha adi zaʼa aŋu i tiya ba mbənə umə aghəy unó mbənə ukoʼoro, mə zaʼa itiya amə ba unoʼ iboŋ.”

Roman 1:17

Ukən chuŋ wu yə tey umugə Nwiye aghəy kwi ba təm akə inji zənə ikoʼoro abú uŋwən. Amə akə inji zənə ba zi fiŋ inyo Kristo iŋu nwi aba akə inji zənə u zi fiŋ inyo Kristo. Ayə ungɨŋ Aŋwaʼanayn Nwiye kwi, “Wa ŋunə unó ma koʼoro uyi təm anjim ibeni ma.”

Roman 10:10

Amə da mugə wa beni nu ghəy kwi u təm ikoʼoro. Amə da mugə wa ghayn akə uchəw ma nu ghəy kwi u duw angəʼ.

Roman 16:7

Mbən chaʼara Andronikus foro Juniyas. Umbuŋ ba Jû nu mba mə andəŋ nə úŋwən. Ba-tom Kristo kyay úŋwən kwaʼa anji chuŋ. Úŋwən dey beni Kristo ki umugə.

Roman 5:21

Umugə unó iboŋ mə tumə isəg anjim iwu, amə nigə ichuŋ Nwiye mə tumə isəg anjim mugə ba təm ikoʼoro. Zigə ayi ghəy kwi, ba jəg itəni nu cha imi noʼo mey anjim Yeso Kristo ungwa Asɨyisəg.

Roman 8:1

Akinine cha wa moʼ awu amə ghəy u zi usaʼa igun ba mbənə umə akə anó feyn nə Yeso Kristo,

Roman 8:3

Anó zənə cha noʼo ghəy ma damugə nyə̂ inyo mə ibó, Nwiye si ghəy. Yə ghəy nigə anji zənə yə cha Ŋwə̂ ma u zaʼa chomo ni wa unó iboŋ da iniy unó iboŋ. Anigə yə iniy unó iboŋ anji zənə yə naʼa inyo ma akə ghəy ifá.

1 Korintiyans 1:30

Amə Nwiye aghəy kwi mbən mə akə anó feyn ni Yeso Kristo. Uŋwən amə wa ŋunə Nwiye aghəy kwi mba chigə anjim ma mə ni iwe. Yə aghəy kwi mba təm ikoʼoro ifigi Nwiye, aghəy mba zayn nibi ziya umba utəw.

2 Korintiyans 5:17

Ayə tey kwi wa moʼ ŋunə umə akə ibumi nə Kristo, uŋwən si məŋi wa fey. Unun unó si chigə, unó fey si zaʼa.

2 Korintiyans 5:21

Nwiye ghə́y kwi Kristo mə wa unó iboŋ nu amə cha anó iboŋ moʼ igun ma boʼo akə ibumi nə uŋwən mba yi təm ikoʼoro ifigi Nwiye.

Galetiya 2:16

Anó zənə mba kyay amə kwi, cha wa u təm ikoʼoro ifigi Nwiye akə nji zənə isiy unoʼo Mose. Wa təm ikoʼoro aba anji zənə u zi fiŋ igun Yeso Kristo. Anigə mba si təm ikoʼoro anjim mugə mba zi fiŋ igun Kristo akə ma umugə mba isiy unoʼo Mose. Cha wa təm ikoʼoro damugə isiy unoʼo Mose.

Filipi 3:6

Mə zi atəw akə unó moʼ, mə́ mə nwini inya ughəw ba Kristo. I təm akə inji zənə unoʼo tey, cha wa di si noʼo ghayn ma anó iboŋ moʼ da aŋu.

2 Timoti 1:9

Nwiye chi ngwa angəʼ anigə itiya ngwa kwi mba mə umbi ba da mba chomo akə uzayn zayn. Cha mba ghəy ngwa anó chuŋ moʼ ki yə sə tiya ngwa. Yə tiya ngwa damugə yə si num nigə. Yə nibi tiya ngwa da ichuŋ ma zənə yə si ghəy ina imbey anjim Yeso Kristo.

Titus 3:5

yə́ chi ngwa angəʼ. Cha yə di ghəy ma nigə da anó chuŋ moʼ mba ghəy. Yə chi ngwa amə damugə yə diri ngwa anigə ichigə anjim Azugə zayn zayn i səw ngwa mba zayn, ibeŋe ngwa mba si məŋi buŋ ubó nibi inaʼ itəni fey ina.

Hibru 6:18

Unó nu cha umi noʼo kyaba umbə ubigə nu cha Nwiye mi noʼo figə ma unó da úŋwən. Anigə u mba mbənə mba nod ŋu paʼa aton ma mba yi yimə fiŋ da imə nə aghəy zənə mba niŋi ikono mə nəmə.

Jems 3:2

Mba kyay umba jum kwi mba yə fana unó akə buŋ inji nanaʼ. Wa moʼ bə mə awu nu cha umə fana akə unó mbənə umə ghayn, nji yə iboŋ imara nibi kyay inji iyimə inyo ma jum.

2 Pita 1:1

Amə umugə Sayimon Pita wa faʼa foro wa tom Yeso Kristo á ŋwaʼanayn aŋwaʼanayn zəŋ. A yə ŋwaʼanayn inen umbən mbənə mbən mə nə ibeni nu imə ichin ichin ni inja, anjim ichuŋ ungwa Nwiye nə Asɨyisəg Yeso Kristo ŋunə u chi ba angəʼ Uŋwən yə ghəy unó nu ukoʼoro.

1 Jon 3:4

Wa ŋunə u ghəy anó iboŋ, yə gow ikɨy damugə anó iboŋ amə anó ni gow ikɨy.