Filipi 3:8 - Aŋwaʼanayn Uso Fey

⁸ Asiʼ ŋunə umə awu amə kwi unó jum wu nim da anó kyay zənə a boŋo chigə. Anó kyay wu amə umugə a kyay uŋu Asɨyisəg Yeso Kristo. Mə si zən kwi unó wu jum amə indoro da a chomo ni Kristo. Da uŋwən mə waʼ ughəy jum,

Filipi 3:8 Iomraidhean Croise

Ukən chuŋ da Yeso Kristo anji zənə Luk ŋwaʼanayn 1:43

Anó kyayn zəŋ aduw ineŋ da ngiya, kwi ingwo mbə uŋu Asɨyisəg zaʼa ichaʼara aŋu?

Ukən chuŋ da Yeso Kristo anji zənə Luk ŋwaʼanayn 11:20

Abə mə chiyə uzugə iboŋ amə akə ikay yi amə Nwiye naʼa ineŋ anigə zigə tey kwi anó ufon Nwiye si zaʼa inen.

Ukən chuŋ da Yeso Kristo anji zənə Jon ŋwaʼanayn 14:20

Amaʼazənə anəy wu yi bə pey, mbən yi kyay kwi ayə akə anó feyn nə uŋu Mbaʼ, foro kwi mbən yə akə anó feyn nə umugə. Mbən yi nibi kyay kwi ayə akə anó feyn nə umbən.

Ukən chuŋ da Yeso Kristo anji zənə Jon ŋwaʼanayn 14:7

Mbə bə kaŋa kyay wa ŋunə amə uŋwən, nji mbən yi nibi kyay wa ŋunə amə uŋu Mbaʼ mə uŋwən. Inoʼ akinine, mbən si kyay uŋwən anigə mbən si nibi zən uŋwən.”

Ukən chuŋ da Yeso Kristo anji zənə Jon ŋwaʼanayn 16:3

Umbi aghəy unó mbəŋ inen damugə cha udi kyay Mbaʼ kə nibi kyay aŋu.

Ukən chuŋ da Yeso Kristo anji zənə Jon ŋwaʼanayn 17:3

Itəni nu cha imi noʼo mey amə kwi ba kyay ayə, ngwə mə aba feyn yugə nu ngwə mə Nwiye asiʼ. Itəni nu cha imi noʼo mey amə nibə ikyay Yeso Kristo ŋunə ngwə tomo.

Ukən chuŋ da Yeso Kristo anji zənə Jon ŋwaʼanayn 17:8

Mə si ghayn ukən ŋunə ngwə ghayn iniŋ kwi aghayn abú úŋwən. Mbə si zəw nibi kyay akə asiʼ kwi amə ngwə tomo aŋu. Mbə́ si nibi beni kwi amə ngwə tomo aŋu.”

Ukən chuŋ da Yeso Kristo anji zənə Jon ŋwaʼanayn 20:13

Mbə́ biri abú uŋwən kwi, “Ayey ngwə mə idey ingiya?” Yə ywiri abú úŋwən kwi, “Mbə́ si chi awu uŋu Asɨyisəg anigə cha a kyay aŋu asin zənə unum uŋwən ŋu akuŋ.”

Ukən chuŋ da Yeso Kristo anji zənə Jon ŋwaʼanayn 20:28

Tomas ghayn abú uŋwən kwi, “Uŋu Asɨyisəg nə uŋu Nwiye!”

Afaʼa ba tom Kristo 20:24

Asɨmə cha amə num aŋu inyi tənə kwi amə aghəy moʼ ineŋ. Ayə kaba aba kwi amara afaʼa zənə Asɨyisəg Yeso naʼa ineŋ kwi a faʼa. Afaʼa wu amə kwi a ghayn ukən uchuŋ da ichuŋ Nwiye.”

Roman 8:18

Mə kyay kwi cha ingəʼ zənə mba mə zəw akinine koʼo ma akə uzayn zayn ŋunə Nwiye mi itey ina.

Roman 8:39

kə ughəy mbənə umə azobo, kə ughəy mbənə umə ungɨŋ isəg, kə ughəy moʼ chini akaʼa ughəy mbənə Nwiye tana, amə ghəy ughaba ngwa akə inji zənə Nwiye wuʼi ngwa numugə mba mə akə ibumi nə Yeso Kristo ungwa Asɨyisəg.

1 Korintiyans 2:2

Amaʼazənə mə́ mə ni umbən, mə num ungɨŋ inyi fiŋ kwi cha ami ghayn anó chini chigə akə anó da Yeso Kristo foro anó da umugə mbə́ komo uŋwən azad abaʼaray.

1 Korintiyans 9:10

Aka yə́ mə́ ghayn amə da ngwa? Mbə́ ŋwaʼanayn amə da ngwa, damugə wa ŋunə umə iwuw abon uyə iwuw nəmə ama mə aba akə ughəy mbənə umi jaŋ. Wa ŋunə umə məʼə ikywi u yə məʼə nəmə ama mə aba akə ughəy mbənə umə jaŋa.

2 Korintiyans 4:4

Mbən kyay kwi Nwiye ŋunə umə unɨŋ isəg zəŋ si kən fiŋ ba mbənə cha u beni Kristo boʼo ka u zən uma uzayn zayn akə ukən chuŋ da Kristo. Kristo chomo aba ni Nwiye.

2 Korintiyans 4:6

Nwiye ŋunə yə́ ghayn kwi, “Uzayn zayn tey ungɨŋ usin firi,” Mə nibə uŋwən ghəy uzayn zayn tey ungɨŋ ita fiŋ da mba kyay uzayn zayn Nwiye nu utey ifigi Yeso.

Galetiya 1:16

kwi u tey Ŋwə̂ ma iniŋ da aghayn ukən chuŋ da uŋwən abú ba mbənə akəma ba Jû. Cha mə di ŋu aŋu kwi wa moʼ naʼa ikɨy iniŋ.

Efesus 4:13

Anigə umba jum yi bumə si məŋi amə wa feyn akə ibeni, nibi itana ikyay Ŋwə̂ Nwiye, nibi ikwey koʼ chomo ni Kristo.

Filipi 1:1

Amə umə Pol ni Timoti nu mba mbə ba afaʼa Yeso Kristo mba ŋwaʼanayn aŋwaʼanayn zəŋ. Mba yə Ŋwaʼanayn abú umbən ba Nwiye jum mbənə umə Filipi, nu mbən mə akə anó feyn nə Kristo. Mba yə ŋwaʼanayn abú mbən mbənə amə atəw umə cha ba Kristo. Mba yə nibi ŋwaʼanayn inen umbən mbənə mbən mə were úŋwən.

Filipi 3:10

Ayə kaba kyay Kristo. A yə nibə kaba ikyay ikay zənə imə abú Kristo amaʼazənə Nwiye zəmə uŋwən. Ayə kaba i zəw ingəʼ numugə yə nibi zəw. A yə nibə kaba iku numugə yə́ kuw,

Filipi 3:12

Cha amə ghayn aŋu kwi mə si ghəy unó mbəŋ jum, kə kwi mə si boŋ imara, asɨmə ayə faʼa da imə nə úŋwən. Yeso Kristo yi ghəy kwi amə wa uma da imə nə ughəy mbəŋ ujum.

Filipi 3:7

Mə kono kwi mə́ mə jəgə injəm akə unó mbəŋ, asɨmə akinine mə si zən kwi amə inimi. Amə inimi da ichuŋ zənə Kristo ghəy iniŋ,

2 Timoti 4:6

Amə da aŋu, amaʼ si koʼ nu umi naʼ aŋu akə aghəy ifaʼ. Amaʼ si koʼ iniŋ isayn isəg.

Hibru 3:14

Mba yə akə anó feyn nə Kristo amaʼazənə mba bə yimə anó zənə mba beni nibi beni nigə ŋu pey akə inwi.

1 Pita 2:7

Abú umbən mbənə mbən beni, Itəy wu boŋ kwaʼa azəd, asɨmə abú ba mbənə cha udi beni, Itəy zənə mbə chimə na tono Si beŋe akə itəy ijugi na.

2 Pita 1:2

Nwiye ghəy ichuŋ inen nibi naʼ aborobod inen isugi. Yə ghəy nigə anjim umugə mbən kyay uŋwən nibi kyay Yeso ungwa Asɨyisəg.

2 Pita 1:3

Nwiye chigə anjim ikay ma inaʼ u ghəy ujum mbənə mba mə kaba da mba chomo ikay ni wumine uŋwən. Yə si naʼa nigə damugə mba kyay uŋwən. Yə tiya ngwa kwi mba mə nə aba ungɨŋ iwumini ma foro ungɨŋ ichuŋ ma.

2 Pita 1:8

Mbən mə unó mbənə mbən mi ighəy. Mbən ni ghəy nigə ŋuw imbey, da mbən yi sə faʼa anji chuŋ sə ghəy unó chuŋ nanaʼ. Zigə ayi tey kwi akə atəw ukoʼ mbən kyay Asɨyisəg Yeso Kristo.

2 Pita 3:18

Asɨmə mbən ŋu imbey ni kwey ungɨŋ ichuŋ foro ungɨŋ anó ni kyay ungwa Asɨyisəg Yeso Kristo ŋunə yə chiyə ngwa angəʼ. Ba ujum wumini uŋwən akinine iŋu nwi koŋ. Amə nigə.

1 Jon 1:3

Anó zənə mbá zən nibi zəw amə azənə mba mə ghayn inen, da mbən foro akə anó feyn ni uma numugə mba mə akə anó feyn ni mbaʼ foro ni ŋwə̂ ma Yeso Kristo.

1 Jon 2:19

Ba bana mbəŋ mə́ inja akaʼa, asɨmə cha mbə di koʼoro ma iməŋi aboʼo inja, nji mbə́ mi chomo nə umba. Asɨmə bə du da a du zayn kwi cha úŋwən ungɨŋ ungwa ufere.

1 Jon 5:20

Mba kyay kwi Ŋwə̂ Nwiye si zaʼa. Yə sí aghəy kwi mba kyay anó, da mba kyay Nwiye ŋunə amə Nwiye asiʼ. Mba yə akə anó feyn nə Nwiye ŋunə amə Nwiye asiʼ. Mba yə nibə akə anó feyn nə ŋwə̂ ma Yeso Kristo. Uŋwən amə Nwiye asiʼ ŋunə umə aghəy kwi ba jəg itəni nu cha imi noʼo imey.