Filipi 3:6 - Aŋwaʼanayn Uso Fey

⁶ Mə zi atəw akə unó moʼ, mə́ mə nwini inya ughəw ba Kristo. I təm akə inji zənə unoʼo tey, cha wa di si noʼo ghayn ma anó iboŋ moʼ da aŋu.

Filipi 3:6 Iomraidhean Croise

Matəw 23:25

Ingəʼ kyayn yi nyi igun inen u mbən ataʼa ba akə unoʼo nibi nyi igun inen u mbən ba Farasay, umbən ba figə unó! Iyi nyi damugə mbən yə səw injim itoʼ nibə səw injim ukaŋ asɨmə u aghəy mbənə usugi ungɨŋ u aghəy mbəŋ amə u aghəy nu mbən feyn akə ikay nə u aghəy nu mə num akə adoʼ.

Matəw 5:20

Ayə ghayn asiʼ inen kwi mbən bə kə aghəy ngwen unó chuŋ chigə umugə mbə́ taʼa ba akə unoʼo foro ba Farasay mə aghəy, nji cha mbən mi noʼo nyi ungɨŋ anó ufon azobo.”

Ukən chuŋ da Yeso Kristo anji zənə Luk ŋwaʼanayn 1:6

Uŋwen mə́ aghəy unó ni ukəʼə ifigi Nwiye. Mbə́ mə́ sɨyi ikɨy nə unoʼo Nwiye anji chuŋ. Cha mbə́ gow ma anó moʼ.

Afaʼa ba tom Kristo 21:20

Amaʼazənə mbə́ zəw unó mbəŋ, mbə yere Nwiye ighayn abú Pol kwi, “Unya anóm, zən ichuʼ ba Jû zənə ú si beni Kristo. Úŋwen uma ujum si zi atəw inum ikɨy Mose.

Afaʼa ba tom Kristo 22:5

Atəw kyayn abú ba mbənə umə́ faʼa ambəŋ Nwiye nə mbə́ saʼa abey ujum nibi beni kwi anó zənə amə ghayn amə anó asiʼ. Mə́ num á ŋwaʼanayn abú úŋwən iŋu naʼ abú ba Jû mbənə umə Damaskos. Anigə mə ŋu awu da ibiya ba mbənə u beni Kristo ikod inum zaʼa a Yerusanem da u nyiyə úŋwən.

Afaʼa ba tom Kristo 26:5

Amə aghəy mbə́ iwuʼ ighayn asiʼ, nji mbə mi kyayn kwi, inoʼ imbey, amə wa ungɨŋ aghaŋ ba Farasay nu amə ufere ŋunə ukay akə inja anó Nwiye.

Afaʼa ba tom Kristo 8:3

Sol kaba nji iney ba Kristo. Anigə yə mə́ ŋúw ana feyn feyn yə chiyə ba mbənə u bəni Kristo, anóm nə ayey ŋúw zi adəŋ.

Roman 7:9

Mə́ mə chomo ikay Amaʼazənə amə cha unoʼo, asɨmə Amaʼazənə unoʼo zaʼa unó iboŋ gha noʼ anigə aku.

1 Korintiyans 10:32

Mbən iwe ngwən kwi ka mbən ghəy ngwən anó zənə ami ghəy kwi ba Jû kə ba mbənə akaʼa ma ba Jû kə ba ungɨŋ ufere ba Nwiye ka kən ma úŋwən kwi ka ukyay uma unó Nwiye.

1 Korintiyans 15:9

Ayə nigə damugə akaʼa ba tom Kristo ujum, amə u ŋunə u kweʼe chigə umbi ujum. Cha adi koʼo aŋu kwi u tiya aŋu kwi wa tom, damugə mə́ mə nwine inya ughəw ba mbənə bə mə ungɨŋ ufere ba Kristo.

Filipi 2:15

da ka ba ghayn uma unó iboŋ da ngwən, foro da mbən zayn chomo ni buŋ Nwiye nu cha ifana anó moʼ igun inen. Ifana unó yə akaʼa ba mbənə umə ghəy unó iboŋ nibə ighəy unó nu cha ukoʼoro. Mbən chomo akaʼa úŋwən ni bigə numugə itənə mə bigə ungɨŋ isəg.

Filipi 3:9

anigə bumə si məŋi akə anó feyn nə uŋwən. Cha adi təm ikoʼoro aŋu damugə ghəy unó mbənə umə ungɨŋ unoʼo. Mə tem ikoʼoro anjim mugə a niŋi fiŋ igun Kristo. Nwiye ghəy kwi atəm ikoʼoro anjim mugə a niŋi fiŋ igun Kristo.

1 Timoti 1:13

Kanə mə́ mə ghayn unó iboŋ da uŋwən, inwine inya ughəw ba mbənə mbə́ beni uŋwən nibə jimə úŋwən, asɨmə yə diri aŋu damugə cha mə kyay aŋu anó zənə mə́ mə ighəy, cha mə di nibə beni aŋu uŋwən.