Filipi 3:2 - Aŋwaʼanayn Uso Fey

² Mbən wey ngwən ni ba mbənə u mə ghəy unó iboŋ. Mbə chomo ni bəw. U mbə yeŋ yə ghayn kwi uni iney ikad ba.

Filipi 3:2 Iomraidhean Croise

Matəw 24:10

Akə amaʼ wu, ibeni fiŋ ba nanaʼ iyi bó. Ba umbi fənə unya uma nibə bana unya uma.

Matəw 7:15

Yeso ghayn abú úŋwən kwi, “Mbən weŋ ngwən da ba ukən Nwiye figə unó, umbi zaʼa inen ungɨŋ igob injəg, asɨmə ungɨŋ fiŋ uma, umbə nə ifuŋ ŋunə injəy mə zaŋa.

Matəw 7:6

Inum ayə aghəy wumine na abú ibəw nji iti kumə zaʼa aboʼo injigə inom ayə. Mbən maʼa ngwən umbən u pels abú ingwey nji iti yeŋ igun.”

Roman 2:28

Cha wa mə ma wa Jû asiʼ aba da mugə amə wa Jû ubə́ uŋwən. Cha anó ni iney ikad anóm di tey ma kwi uŋwən mə wa Jû asiʼ.

2 Korintiyans 11:13

Ikudi ba təŋ amə ba tom afigə unó. Umbə tama ba akə unó mbənə umə ighayn. U mbə nibi beŋe chomo ni ba Kristo asiʼ.

Galetiya 5:13

Umbuŋ unya, Nwiye tiya ngwən kwi mbən mə umbi ba. Da ka mbən gha beni ngwən isob abú unoʼo. Cha anó zənə cha mbən beni aboʼo isob tey kwi mbən yə aghəy unó mbənə nyə̂ inyoŋ kaba. Ayə kaba amə kwi iwuʼi aghəy kwi mbən faʼa abú umbən unya,

Galetiya 5:15

Ka mbən chomo ngwən ni nyə̂ nya nya nu imə nomo nibə koro nyə̂ chini. Mbən weŋ ngwən nji mbən yi niy ngwən umbən umbən.

Galetiya 5:6

Numugə ma mə akə anó feyn nə Kristo, anigə cha anó iney ikad wa kə anó ni cha udi ney ikad wa mə ma nə anó moʼ ighəy. Anó kyayn amə umugə mba zi fiŋ igun Kristo iwuʼ uŋwən.

Filipi 3:19

Ba mbəŋ umbi nwi ungɨŋ uwəd nu cha umi nimə, anigə unwiye uma amə ughəy mbənə nyə̂ inyo uma mə fana. Cha indere atəw mə ibiya úŋwən, umbə wuʼi uma anə unó mbənə mbə mi naʼ amə indere atəw abú uŋwən. Umbə kono aba unó igun isəg.

Filipi 3:3

Amə umba nu u ney ikad akə asiʼ. Azugə Nwiye yə were ngwa kwi mba wumini Nwiye. Mba yə wuʼe ngwa numugə mba mə akə ibumi nə Yeso Kristo. Anigə cha ba zi ngwa ita fiŋ akə unó mbənə ba nyoŋ atəw umə ighəy.

1 Timoti 1:19

Amaʼazənə ngwə bə ghəy nigə, ngwə yi yimə ibeni zənə ikara nibi mə nə fiŋ zənə izayn. Umugə cha ba moʼ zwaray uma unó mbənə fiŋ uma ghayn, mbə si sam ibeni zənə yə mə abú úŋwən.

Titus 1:16

U mbə ghayn kwi, mbə kyay Nwiye, asɨmə unó mbənə umə aghəy tey kwi mbə ton uŋwən. U mbə aghəy izəw. Cha umə wumini Nwiye. Cha umə aghəy anó chuŋ moʼ.

2 Pita 2:22

Anó zənə aduw abú úŋwən atey kwi inayn maʼa zəŋ si du akə asiʼ kwi, “Ibəw ba zəŋa, iyi wene ŋu jəg izəŋa wu.” Foro kwi, “Umbə səw ingwey, iyi gha wene ŋu zoʼ inyo ma ungɨŋ achaʼ.”

Aŋwaʼanayn zənə Jud aŋwaʼanayn 1:4

A yə ghayn ney damugə ba moʼ nu cha umə wumine Nwiye si nyaʼa zaʼa nyi injəŋ akaʼa. Umbə beŋe ukən da ichuŋ ungwa Nwiye da ighəy unyimi unó. Mbə nibi ton Yeso Kristo nu aba uŋwən mə ungwa Mbaʼ afaʼa nibə mə ungwa Asɨyisəg. Aŋwaʼanayn Nwiye si ghayn agha sa kwi Nwiye yi zi usaʼa igun uma.

Uney inwi 2:9

Mə kyay kwi ngwə yə zəw ingəʼ nibi kyay umugə ngwə mə akə ukwaŋ, asɨmə ngwə mə wa imbon. Mə kyay unó mbənə ba mbənə umə ghayn kwi mbi mə ba Jû nu cha umə uma ba Jû mə ghayn da ichiŋe uŋu ukum. Úŋwən mbə ungɨŋ ufere Satan.

Uney inwi 21:8

Asɨmə ba mbənə fiŋ mə bó, ba mbənə cha u di beni uma Kristo, ba mbənə umə ghəy uyere unó iboŋ, ba mbənə umə zwere ba chini, ba mbənə umə niŋe anom kə uyey wa chini, u mbənə umə ghəy ikwa, ba mbənə umə iwumini unwiye ibuw ibuw, ni ba mbənə umə figə unó, asin ma ayə ungɨŋ uwəd kyayn ŋunə sofur mə bəŋe awu. Zəŋ amə iwu nu iŋu pey akə ibigə.”

Uney inwi 22:15

Isəg asin wu, amə ba mbənə cha inji ma di koʼoro. Amə ba mbənə umə kwaba ikwa, amə ba mbənə umə ijəgə isəg, amə ba mbənə umə izwere ba chini, amə ba mbənə umə wumini unwiye ibuw ibuw, amə ba mbənə umə figə unó. Akə unó mbənə umə ighəy, foro akə unó mbənə umə ghayn.

Uney inwi 3:9

Zəw, a yi aghəy kwi ba figə unó mbənə umə́ ungɨŋ ufere ba Satan zaʼa guni asəy inji ifigə anigə ibeni kwi mə wuʼ ayə. Úŋwən mbə ghayn kwi umə ba Jû, asɨmə cha umə ma ba Jû.