Filipi 3:19 - Aŋwaʼanayn Uso Fey

¹⁹ Ba mbəŋ umbi nwi ungɨŋ uwəd nu cha umi nimə, anigə unwiye uma amə ughəy mbənə nyə̂ inyo uma mə fana. Cha indere atəw mə ibiya úŋwən, umbə wuʼi uma anə unó mbənə mbə mi naʼ amə indere atəw abú uŋwən. Umbə kono aba unó igun isəg.

Filipi 3:19 Iomraidhean Croise

Matəw 16:23

Yeso gha ma ghayn abú Pita kwi, “Noʼo ayə inyi iyad Satan! Ngwə yə kənə inyi inji, damugə cha iji kono di noʼo ma abú Nwiye, Asɨmə yə noʼ abú wa inyoŋ atəw.”

Matəw 25:41

“Anigə u yi ghayn abú ba mbənə umə aba ikyabay ma kwi, ‘Umbən ba ndon, mbən noʼo ngwən inyi iyad iŋu nyi ungɨŋ uwəd nu cha umi noʼo nimə nu Nwiye si tana abú debere nə angəd ma.

Ukən chuŋ da Yeso Kristo anji zənə Luk ŋwaʼanayn 12:19

Abə ghəy nigə, ayi ghayn abú inyi inyo kwi inyi inyo ngwə yə nə ughəy nanaʼ ni umi num ayə akə atuʼ nanaʼ boro ayə sə jəgə nugə sə wuʼe ayə!’

Ukən chuŋ da Yeso Kristo anji zənə Luk ŋwaʼanayn 16:19

“Wa imbon moʼ mə́ awu mə izi ndwi ukab mə ifumə ungɨŋ imbon uney ujum.

Ukən chuŋ da Yeso Kristo anji zənə Luk ŋwaʼanayn 18:4

Asob usaʼa wu ton iywere ayey wu akə amaʼ sa. Anigə yə nwi ghayn ungɨŋ fiŋ ma kwi, ‘ka nə cha amə goro Nwiye kə wumine ba,

Roman 16:18

damugə cha ukudu ba mbəŋ mə faʼa uma amə abú Asɨyisəg Kristo. Umbə faʼa amə da ibum uma. Umbə numə inayn nəmə nəm nibə numə inayn boro boro itama ba mbənə cha ukyay anó.

Roman 6:21

Amə injim ingiya mbən jəgə akə unó mbənə mbən mə nə indiri atəw da úŋwən akinine? Inwi akə unó wu amə iwu.

1 Korintiyans 3:3

Ayə ney damugə mbən yə ghəy nó ni ba mbənə umə ungɨŋ isəg. Amaʼazənə mbən mə́ ghəy imbəw nibə taŋara, aka mbən mbə́ ghəy numugə ba ungɨŋ isəg mə ghəy? Ka mbən mə ighəy ni ba mbənə cha u di kyay Kristo?

1 Korintiyans 5:2

Mbən si mə beʼere inyo da ngiya? Nji akənə mi sugi ungɨŋ itən fiŋ anigə mbən chiyə anóm ŋunə umə aghəy unó mbəŋ injən akaʼa.

1 Korintiyans 5:6

Cha adi iboŋ kwi mbən ni beʼere inyo. Mbən ki kyay ngwən kwi aba ŋwə̂ mbin akə aforo ayə noʼo injəŋ ujum?

2 Korintiyans 11:12

Ayi ŋu imbey imə ighəy unó mbənə amə ighəy, boʼo ichi atən inyi ba mbənə umə ghayn kwi umbə ichin ichin nə umba akə unó mbənə umə komo iguwə da ugwən.

2 Korintiyans 11:15

Anigə akə ma anó isoʼ kwi ba faʼa ma mbi nibi beŋe chomo nu amə ba umə ghayn anó nu akoʼoro. Inwi ma yi zaʼa anji zənə afaʼa uma tey.

Galetiya 6:13

Kaba ba mbənə umə ghayn kwi u ney ikad ba, cha úŋwən mə isiy ma unoʼo. Asɨmə umbə kaba kwi u ney ikad inen boʼo umi mə komo iguwə kwi uŋwən si ghəy uney ikad inen.

Filipi 2:21

Ba jum mbə zi atəw aba akə unó mbənə umə kaba, aka u mbənə Yeso Kristo kaba.

Kolose 3:2

Mbən niŋi ikono aba igun ughəy mbənə umə azobo, akə ma igun ughəy mbənə umə igun isey.

2 Tesaloniyans 1:9

Nwiye yi zi ingəʼ igun uma nu imi tənə akə ighari feyn anigə ichi úŋwen ifigi Asɨyisəg Yeso, nibi chi úŋwən ungɨŋ iwumini ma zənə ikaŋa daba.

2 Tesaloniyans 2:12

Yə nibi aghəy nigə boʼo u zi usaʼa igun ba mbənə cha udi beni asiʼ anigə ni aghəy unó nu cha udi koʼoro.

2 Tesaloniyans 2:8

Amə amaʼa wu nu wa ŋunə umə ikyugə umi du asaŋ. Asɨyisəg Yeso yi zwere uŋwən nə ufey ŋunə umi du ungɨŋ uchəw ma, iniy uŋwən akə uzayn zayn ŋunə umi bigə akə amaʼazənə umi zaʼa.

1 Timoti 6:5

Umbə nibə zaʼa nə anó ni ghəy kwi itaŋara nyi akaʼa ba mbənə cha anó chuŋ ungɨŋ fiŋ uma foro akaʼa mbənə cha umə ighayn asiʼ. Umbə kono kwi anó Nwiye amə nji amə ghəy u chigə da imə nə ukab.

2 Timoti 3:4

U mbi sə fənə ba, sə aghəy unó mbənə ukono, nibi sə beʼere inyo. Umbi sə iwuʼ unó mbənə nyə̂ inyo ma mə fana chigə umugə u wuʼe Nwiye.

Jems 4:16

Asɨmə akinine, mbən yə beʼere inyo nibə komo iguwə. Anó ni mə komo iguwə amə anó iboŋ.

2 Pita 2:1

Ba ukən figə unó mə akaʼa ba imbey aba anji zənə mbə taʼa ba figə unó mi zaʼa injən akaʼa. Umbi nyaʼa zaʼa ni inayn unó figə da Nwiye. Inayn unó figə wu amə inayn nu imi iniy ba. Umbi ton mbaʼ afaʼa uma ŋunə yə ziya utəw uma. Umbə aghəy nigə, Nwiye yi yabi iniy úŋwən.

2 Pita 2:13

Anigə umbi tu úŋwən akə ingəʼ damugə umbə zi ingəʼ igun ba chini. Umbə wuʼi kwi ba aghəy unó mbənə nyə̂ inyo uma kaba angom. U mbə nə indere atəw nibi cheŋe inyo uma Amaʼazənə umə ijəgə nə umbən asɨmə umbə itama ngwən.

2 Pita 2:3

Numugə u wuʼi ni were ughəy, umbi ghayn iboʼ iko inen da iji ngwən. Agha si kaŋa sa nu Nwiye si zi usaʼa igun uma. Nwiye ŋunə umi iniy úŋwən uyə ikyiʼi.

Aŋwaʼanayn zənə Jud aŋwaʼanayn 1:10

Asɨmə ba mbəŋ mbə ghayn inayn iboŋ da unó moʼ mbənə cha utəw uma di zayn da iŋwən. Ano mbənə u kyay nu cha u di kweme mbə aghəy u chomo nə nyə̂ nya nya nu imə ughəy unó ibuw ibuw.

Aŋwaʼanayn zənə Jud aŋwaʼanayn 1:16

Ba mbəŋ mbə́ zuʼe, cha anó moʼ boŋo abú úŋwən. U mbə beni aboʼo unó mbənə nyə̂ inyo uma mə fana. Umbə num ichəw uma komo iguwə da inyo uma. Ubə nibə ghayn inayn nəmə nəm da imə nə ughəy mbənə ukaba.

Aŋwaʼanayn zənə Jud aŋwaʼanayn 1:4

A yə ghayn ney damugə ba moʼ nu cha umə wumine Nwiye si nyaʼa zaʼa nyi injəŋ akaʼa. Umbə beŋe ukən da ichuŋ ungwa Nwiye da ighəy unyimi unó. Mbə nibi ton Yeso Kristo nu aba uŋwən mə ungwa Mbaʼ afaʼa nibə mə ungwa Asɨyisəg. Aŋwaʼanayn Nwiye si ghayn agha sa kwi Nwiye yi zi usaʼa igun uma.

Uney inwi 18:7

Umbi naʼ ingəʼ ighəy ukənə akə anji zənə yə mə gha ma ungɨŋ imbon. Yə mə ghayn ungɨŋ fiŋ ma kwi, ‘A mə ayey nu amə ayey! Akə ŋu ayey uti, Anigə cha ami noʼo idey!’

Uney inwi 19:20

Mbə́ ibiya nyə̂ kyayn wu nibi ibiya wa ukən figə unó ŋunə yə mə ighəy uyere unó akə ukum ma. Amə anjim uyere unó wu nu yə tama ba mbənə mbə́ zi anwini nyə̂ kyayn nya nya wu igun uma nibi tama u mbənə mbə́ mə́ wumini unwiye ibuw ibuw nyə̂ kyayn nya nya wu. Mbə́ maʼ nyə̂ kyayn nya nya wu nibi maʼ ba ukən figə unó wu ungɨŋ asin nu solfo ghəy uwəd kyayn ubəŋ.

Uney inwi 21:8

Asɨmə ba mbənə fiŋ mə bó, ba mbənə cha u di beni uma Kristo, ba mbənə umə ghəy uyere unó iboŋ, ba mbənə umə zwere ba chini, ba mbənə umə niŋe anom kə uyey wa chini, u mbənə umə ghəy ikwa, ba mbənə umə iwumini unwiye ibuw ibuw, ni ba mbənə umə figə unó, asin ma ayə ungɨŋ uwəd kyayn ŋunə sofur mə bəŋe awu. Zəŋ amə iwu nu iŋu pey akə ibigə.”

Uney inwi 22:15

Isəg asin wu, amə ba mbənə cha inji ma di koʼoro. Amə ba mbənə umə kwaba ikwa, amə ba mbənə umə ijəgə isəg, amə ba mbənə umə izwere ba chini, amə ba mbənə umə wumini unwiye ibuw ibuw, amə ba mbənə umə figə unó. Akə unó mbənə umə ighəy, foro akə unó mbənə umə ghayn.