Filipi 3:14 - Aŋwaʼanayn Uso Fey

¹⁴ A yi mə yimə ŋuw imbey akə nwi da imə nə uneʼe ŋunə Nwiye chigə anjim Yeso Kristo isey iniŋ azobo.

Filipi 3:14 Iomraidhean Croise

Ukən chuŋ da Yeso Kristo anji zənə Luk ŋwaʼanayn 16:16

“Ikɨy Mose nə unó mbənə ba ukən Nwiye aŋwaʼanayn mbə́ mə́ saʼa ba wu iŋú pey amaʼa Jon ŋunə yə mə naʼa une. I noʼ amaʼ wu, u mbə ghayn ukən uchuŋ da anó fon Nwiye. Anigə ba jum mbə kaba inyi ungɨŋ anó ufon wu nə ikay.

Roman 11:29

Ayə ney damugə Nwiye si naʼa uneʼe abú ba nibi tiya úŋwən akə umbi. Cha umi gha kyaba fiŋ ma.

1 Korintiyans 9:24

Cha mbən kyay kwi, akə inoro ba jum mbə noro asɨmə aba wa ufeyn mə num uneʼe? Anigə, mba noro akə ukudu inji ŋunə mbən mi mə nə uneʼe wu.

2 Korintiyans 4:17

Cha ingəʼ kukuŋe zəŋ nu mba mə zəw mi tənə. I yə tana ngwa kwi u naʼa iwumini zənə itənə koŋ i na. Iwumini wu yi chigə ingəʼ zəŋ jum.

Filipi 3:3

Amə umba nu u ney ikad akə asiʼ. Azugə Nwiye yə were ngwa kwi mba wumini Nwiye. Mba yə wuʼe ngwa numugə mba mə akə ibumi nə Yeso Kristo. Anigə cha ba zi ngwa ita fiŋ akə unó mbənə ba nyoŋ atəw umə ighəy.

Kolose 2:18

Ka mbən beni ngwən kwi wa moʼ aghəy kwi mbən nim uneʼe ŋunə Nwiye kaʼa inen. Umugə umə mbə tinə ngwən kwi mbən swiʼiri inyo nibə num ngwən kwi mbən yə wumini mbə angəd. Ba mbəŋ mbə́ aghəy ney da ighayn kwi mbi yə zən ə unó ungɨŋ ukaŋ. Umbə beʼere inyo da ighəy kwi mbən beni kwi mbə kyay. Asɨmə cha aton abú úŋwən ibeʼere inyo.

1 Tesaloniyans 2:12

Mba mə́ zi ikay inen, inigere itən fiŋ nibə ghayn inen kwi mbən chomo akə nji zənə imi ghəy kwi fiŋ Nwiye boŋo. Amə uŋwən yə tiya ngwən kwi mbən zaʼa inyi ungɨŋ anó ufon ma, foro ungɨŋ iwumini ma.

2 Timoti 1:9

Nwiye chi ngwa angəʼ anigə itiya ngwa kwi mba mə umbi ba da mba chomo akə uzayn zayn. Cha mba ghəy ngwa anó chuŋ moʼ ki yə sə tiya ngwa. Yə tiya ngwa damugə yə si num nigə. Yə nibi tiya ngwa da ichuŋ ma zənə yə si ghəy ina imbey anjim Yeso Kristo.

Hibru 3:1

Umbəŋ unya zayn zayn nu Nwiye nibi tiya, mbən tana ikono Yeso nu mba beni kwi uŋwən amə wa tom foro atəw igun ba mbənə umə faʼa ambəŋ Nwiye.

Hibru 6:1

Mba sayn unó mbənə mba sí dey kweme da Kristo, anigə ŋu imbey ni kweme u mbənə usi kara. Mba sayn anó imə ghayn abú ba kwi u beŋe fiŋ uma akə unó mbənə umə zwere ba nibi izi fiŋ igun Nwiye.

1 Pita 1:13

Mbən tana itən fiŋ da ighəy unó mbənə Nwiye kaba. Mbən yimə inyo kwaʼa anji chuŋ. Mbən tana niŋi itən ikono aba igun ichuŋ zənə Nwiye mi ghəy inen amaʼazənə Yeso Kristo mi wene izaʼa.

1 Pita 5:10

Mbən bə zəw ingəʼ akə ŋwə̂ amaʼ moʼ, Nwiye ŋunə umə ighəy ichuŋ abú ba jum yi were itana ughəy jum inen. U yi aghəy kwi injən ibeni kara nibi aghəy kwi mbən təm ikara. Asɨmə yə chigə anjim Kristo itiya ngwən kwi mbən zaʼa nyi ungɨŋ zayn zayn ma ŋunə cha umi noʼo imey.

2 Pita 1:3

Nwiye chigə anjim ikay ma inaʼ u ghəy ujum mbənə mba mə kaba da mba chomo ikay ni wumine uŋwən. Yə si naʼa nigə damugə mba kyay uŋwən. Yə tiya ngwa kwi mba mə nə aba ungɨŋ iwumini ma foro ungɨŋ ichuŋ ma.

Uney inwi 3:21

Ayi beni kwi wa ŋunə u waʼ unó iboŋ uchomo igun atən ufon inyi iyad, aba anji zənə mə nyaba umbəŋ ba bana anigə ichomo iyad uŋu mbaʼ igun atən ufon ma.”