Filipi 3:13 - Aŋwaʼanayn Uso Fey

¹³ Umbəŋ unya, cha adi ghayn aŋu kwi ayə nə ughəy wu, asɨmə anó zənə ami ghəy amə kwi: Mə si waʼa unó mbənə usi chigə anigə ayə kaba iyimi umbənə umə zaʼa imbey.

Filipi 3:13 Iomraidhean Croise

Ukən chuŋ da Yeso Kristo anji zənə Luk ŋwaʼanayn 10:42

abəma anó feyn umə kaba Mari chi aba chuŋ nu cha amə aghəy u num abú uŋwən.”

Ukən chuŋ da Yeso Kristo anji zənə Luk ŋwaʼanayn 9:62

Yeso ghayn abú uŋwən kwi, “Cha wa ŋunə u yimi asugə mə faʼa ni gha ma ney anjim ukəʼərə inyi ungɨŋ anó ufon Nwiye.”

2 Korintiyans 5:16

Anigə inoʼo akinine, cha mba mə gha ney wa anji zənə ba inyoŋ atəw mə iney. Ka nə di ma kwi mba si noʼo ney Kristo anji zənə ba nyoŋ atəw mə ney, asɨmə cha mba mə gha iney uŋwən nigə.

Filipi 2:12

Umbəŋ unya nu a wuʼi kwaʼa azəd, umugə mbən mə wumine Nwiye amaʼazənə mə́ mə ni umbən, akinine nu cha aŋu ni umbən, mbən tana i wumini uŋwən. Nwiye si chi ngwən angəʼ, mbən ki faʼa abú uŋwən nə igoro foro iwumini.

Filipi 3:12

Cha amə ghayn aŋu kwi mə si ghəy unó mbəŋ jum, kə kwi mə si boŋ imara, asɨmə ayə faʼa da imə nə úŋwən. Yeso Kristo yi ghəy kwi amə wa uma da imə nə ughəy mbəŋ ujum.

Filipi 3:8

Asiʼ ŋunə umə awu amə kwi unó jum wu nim da anó kyay zənə a boŋo chigə. Anó kyay wu amə umugə a kyay uŋu Asɨyisəg Yeso Kristo. Mə si zən kwi unó wu jum amə indoro da a chomo ni Kristo. Da uŋwən mə waʼ ughəy jum,

Hibru 6:1

Mba sayn unó mbənə mba sí dey kweme da Kristo, anigə ŋu imbey ni kweme u mbənə usi kara. Mba sayn anó imə ghayn abú ba kwi u beŋe fiŋ uma akə unó mbənə umə zwere ba nibi izi fiŋ igun Nwiye.

2 Pita 3:8

Umbuŋ unya nu awuʼi kwaʼa azəd, ka mbən nyaba ngwən anó feyn zəŋ. Anó wu amə kwi, abú Asɨyisəg, cha ma ikyaba akə anəy feyn nə ichuʼ atuʼ. Anəy feyn chomo aba ni achuʼ atuʼ, achuʼ atuʼ chomo aba ni anəy feyn.