Filipi 3:12 - Aŋwaʼanayn Uso Fey

¹² Cha amə ghayn aŋu kwi mə si ghəy unó mbəŋ jum, kə kwi mə si boŋ imara, asɨmə ayə faʼa da imə nə úŋwən. Yeso Kristo yi ghəy kwi amə wa uma da imə nə ughəy mbəŋ ujum.

Filipi 3:12 Iomraidhean Croise

Matəw 5:48

Anigə mbən ni aghəy unó nu u boŋo mara numugə ungwen Mbaʼ ŋunə umə azobo məŋi.”

Afaʼa ba tom Kristo 9:15

Anigə Asɨyisəg ghayn abú uŋwən kwi, “Ŋuw damugə mə si choʼ uŋwən kwi u yi faʼ ineŋ u yi saŋa aŋu ukum abú ba mbənə akaʼa ba Jû, abú ifon foro abú ba Izral”

Roman 8:39

kə ughəy mbənə umə azobo, kə ughəy mbənə umə ungɨŋ isəg, kə ughəy moʼ chini akaʼa ughəy mbənə Nwiye tana, amə ghəy ughaba ngwa akə inji zənə Nwiye wuʼi ngwa numugə mba mə akə ibumi nə Yeso Kristo ungwa Asɨyisəg.

1 Korintiyans 13:10

Amaʼazənə ghəy zənə aboŋo chigə abə zaʼa, ghəy zənə amə aba atin atin ayi nim.

1 Korintiyans 13:12

Ghəy zənə mba mə zən ə akinine a chomo ni kwi amə aziŋ ungɨŋ maneŋ, Asɨmə akə amaʼazənə Kristo mi wene izaʼa, mba yi zəŋ uŋwən akə ifigi. Akinine, mba kyay Nwiye amə atin atin. Asɨmə amaʼazənə Kristo mi wene izaʼa, mba yə kyay uŋwən imara, aba nji zənə uŋwən mi kyay ngwa imara.

1 Korintiyans 9:24

Cha mbən kyay kwi, akə inoro ba jum mbə noro asɨmə aba wa ufeyn mə num uneʼe? Anigə, mba noro akə ukudu inji ŋunə mbən mi mə nə uneʼe wu.

2 Korintiyans 13:9

Mba yə wuʼe ngwa kwi amaʼazənə mba mə ibo, mbən yi ika. Mba yə chaʼara Nwiye kwi mbən təm imara nu cha anó iboŋ moʼ ungɨŋ inen.

2 Korintiyans 7:1

Umbəŋ buŋ nu awuʼi kwaʼa azəd, umugə Nwiye kaʼa unó mbəŋ ina, anigə mba ton unó iboŋ mbənə umə ighəy kwi ka nyə̂ inyo nə azugə zayn ma ichomo akə uzayn zayn. Mba chomo akə anó zayn zayn ŋu mara numugə mba mə wumini Nwiye.

Galetiya 5:17

Ayə ghayn ney damugə, unó mbənə nyə̂ inyo mə kaba mə u mbənə cha Azugə mə kaba. Umbənə Azugə mə kaba, amə u mbənə cha nyə̂ inyo mə kaba. Úŋwən uma ubigə mbə zoŋo da mba aghəy unó mbənə u kaba.

Efesus 1:4

Ki Nwiye sə ŋu tana isəg yə si choʼo ngwa umugə mba mə akə anó feyn ni Kristo kwi mba mə ba uzayn zayn ifigi ma, nu amə ba nu cha ngwa ni unó iboŋ. Yə choʼo nigə damugə yə wuʼ ngwa.

Efesus 4:12

Yə aghəy ney da itana ba Nwiye kwi u faʼa abú uŋwən da nyə̂ inyo Kristo ikwey.

Filipi 1:1

Amə umə Pol ni Timoti nu mba mbə ba afaʼa Yeso Kristo mba ŋwaʼanayn aŋwaʼanayn zəŋ. Mba yə Ŋwaʼanayn abú umbən ba Nwiye jum mbənə umə Filipi, nu mbən mə akə anó feyn nə Kristo. Mba yə ŋwaʼanayn abú mbən mbənə amə atəw umə cha ba Kristo. Mba yə nibi ŋwaʼanayn inen umbən mbənə mbən mə were úŋwən.

Filipi 3:16

Amə kwi mba yimə unó mbənə mba si dey kyay.

Filipi 3:3

Amə umba nu u ney ikad akə asiʼ. Azugə Nwiye yə were ngwa kwi mba wumini Nwiye. Mba yə wuʼe ngwa numugə mba mə akə ibumi nə Yeso Kristo. Anigə cha ba zi ngwa ita fiŋ akə unó mbənə ba nyoŋ atəw umə ighəy.

Filipi 3:8

Asiʼ ŋunə umə awu amə kwi unó jum wu nim da anó kyay zənə a boŋo chigə. Anó kyay wu amə umugə a kyay uŋu Asɨyisəg Yeso Kristo. Mə si zən kwi unó wu jum amə indoro da a chomo ni Kristo. Da uŋwən mə waʼ ughəy jum,

1 Tesaloniyans 5:15

Mbən zən kwi ka wa moʼ akaʼa injən wiy ma ibɨy igun ibɨy, asɨmə mbən kweme anó imə ghəy ichuŋ abú wa feyn feyn, nibi ghəy abú ba jum.

2 Tesaloniyans 2:13

Umbuŋ unya nu Asɨyisəg wuʼi azəd, mba yə naʼa yə beni ayə abú Nwiye ighari jum da ngwən. Damugə Nwiye choʼo ngwən inoʼo Amaʼazənə isəg ti kwi mbən du angəʼ anjim ikay zənə Azugə Nwiye aghəy mbən zayn foro anjim mugə mbən beni asiʼ.

1 Timoti 5:10

Ba kyay uŋwən da unó chuŋ mbənə umə ighəy. Anji zənə umə iney buŋ ma anji chuŋ, u mə num ba akuw ma, umə faʼa abú ba Nwiye anji chuŋ, umugə umə iywere ba mbənə umə izəw ingəʼ, nu u naʼa inyo ma imə ighəy ichuŋ akə inji jum.

1 Timoti 6:19

U bə ghəy unó mbəŋ, nji mbə si zi atiy kaka da ughəy mbənə umi mə awu amaʼ imbey. Umbi nibi jəg itənə zənə amə iyi asiʼ.

Hibru 12:14

Mbən zi ikay ighəy kwi mbən chomo akə aborobod ni ba jum nibi zən kwi mbən chomo akə uzayn zayn, damugə cha wa moʼ mi zən Asɨyisəg nu cha umə akə uzayn zayn.

Hibru 12:23

Mbən si zaʼa abú ufere buŋ imbey Nwiye mbənə u si ŋwaʼanayn ikum uma azobo. Mbən si zaʼa abú Nwiye ŋunə umə saʼa ba jum, Mbən si zaʼa abú azugə ba mbənə Nwiye si ghəy u təm ikoʼoro iboŋ imara.

Hibru 13:21

u naʼa u ghəy uchuŋ ujum inen da mbən ghəy anó zənə ukaba. Yə chigə anjim Yeso Kristo ighəy unó mbənə u boŋo abú uŋwən ungɨŋ inen. Mba wumine Yeso akə ighari feyn. Amə nigə.

Jems 3:2

Mba kyay umba jum kwi mba yə fana unó akə buŋ inji nanaʼ. Wa moʼ bə mə awu nu cha umə fana akə unó mbənə umə ghayn, nji yə iboŋ imara nibi kyay inji iyimə inyo ma jum.

1 Pita 5:10

Mbən bə zəw ingəʼ akə ŋwə̂ amaʼ moʼ, Nwiye ŋunə umə ighəy ichuŋ abú ba jum yi were itana ughəy jum inen. U yi aghəy kwi injən ibeni kara nibi aghəy kwi mbən təm ikara. Asɨmə yə chigə anjim Kristo itiya ngwən kwi mbən zaʼa nyi ungɨŋ zayn zayn ma ŋunə cha umi noʼo imey.

2 Pita 3:18

Asɨmə mbən ŋu imbey ni kwey ungɨŋ ichuŋ foro ungɨŋ anó ni kyay ungwa Asɨyisəg Yeso Kristo ŋunə yə chiyə ngwa angəʼ. Ba ujum wumini uŋwən akinine iŋu nwi koŋ. Amə nigə.