Filipi 3:10 - Aŋwaʼanayn Uso Fey

¹⁰ Ayə kaba kyay Kristo. A yə nibə kaba ikyay ikay zənə imə abú Kristo amaʼazənə Nwiye zəmə uŋwən. Ayə kaba i zəw ingəʼ numugə yə nibi zəw. A yə nibə kaba iku numugə yə́ kuw,

Filipi 3:10 Iomraidhean Croise

Matəw 20:23

Yeso ghayn abú úŋwən kwi, “Mbən yi kyay zəw ukudu ingəʼ ŋunə ami zəw asɨmə akama inyi asin ichoʼ wa ŋunə umi chomo inyi abugə jəgi akə abugə ikyabay. Usin mbəŋ amə umbi ba mbənə uŋu Mbaʼ si tana isiy abú úŋwən.”

Ukən chuŋ da Yeso Kristo anji zənə Jon ŋwaʼanayn 10:18

Akə ma wa moʼ mi num inyi itəni, amə umugə a kaŋa beni kwi ayi ku. Ayə ni ikay iku, ayə nibə nə ikay ichomo ikay. Amə uŋu Mbaʼ ghəy kwi aghəy nigə.”

Ukən chuŋ da Yeso Kristo anji zənə Jon ŋwaʼanayn 17:3

Itəni nu cha imi noʼo mey amə kwi ba kyay ayə, ngwə mə aba feyn yugə nu ngwə mə Nwiye asiʼ. Itəni nu cha imi noʼo mey amə nibə ikyay Yeso Kristo ŋunə ngwə tomo.

Roman 8:17

Numugə mba mə buŋ ma, mba yi bumə nə Kristo imə nə ughəy mbənə mbaʼ siy abú buŋ ma. Mba ni zəw ingəʼ nə Kristo da mba mi mə nə iwumini zənə Nwiye mi naʼ abú uŋwən.

Roman 8:29

Ba mbənə Nwiye si choʼo, yə siy kwi umbi chomo ni Ŋwə̂ ma da ŋwə̂ yi mə Ŋwə̂ imbey ungɨŋ unebey kyayn.

Roman 8:36

Ayə ungɨŋ Aŋwaʼanayn Nwiye kwi, “Da ayə, ba mbə zwere ngwa uney ujum. Umbə numə ngwa ni injəg zənə umə ŋu kyeme.”

2 Korintiyans 1:10

Uŋwən ŋunə yə chi ngwa ungɨŋ ingəʼ iboŋ zənə yə mə kaba izwere ngwa, uyi ŋu imbey ichi ngwa. Mba si niŋi ita ikono igun ma kwi uyi chi ngwa angəʼ

2 Korintiyans 1:5

Mba yə zəw ingəʼ akə unó nanaʼ anji zənə Kristo nibi zəw. Anigə anjim Kristo, Nwiye yi nigərə ngwa akə nji nanaʼ.

2 Korintiyans 13:4

Mbə́ kom uŋwən azad abaʼaray akə amaʼazənə yə mə ibo, asɨmə uyə ikay akə ikay Nwiye. Akə inji zənə mba mə akə anó feyn nə uŋwən, mba yə nibə ibo. Asɨmə, umugə mba mə faʼa inen, mba yi chomo nə uŋwən akə ikay Nwiye.

Galetiya 2:20

Anigə akə ma umugə amə ikay. Wa ŋunə umə ikay mə Kristo ŋunə umə ungɨŋ iniŋ. Itəni zənə imə iniŋ akinine amə da mugə a zi fiŋ igun Ŋwə̂ Nwiye ŋunə u wuʼi aŋu anigə inaʼ inyo ma akə ghəy ifaʼ da aŋu.

Galetiya 6:17

Inoʼ akə̂choŋ, ka wa moʼ naʼa ingəʼ iniŋ, damugə unwini mbənə umə igun iniŋ tey kwi ubugə amə sob abú Yeso.

Efesus 4:13

Anigə umba jum yi bumə si məŋi amə wa feyn akə ibeni, nibi itana ikyay Ŋwə̂ Nwiye, nibi ikwey koʼ chomo ni Kristo.

Filipi 3:8

Asiʼ ŋunə umə awu amə kwi unó jum wu nim da anó kyay zənə a boŋo chigə. Anó kyay wu amə umugə a kyay uŋu Asɨyisəg Yeso Kristo. Mə si zən kwi unó wu jum amə indoro da a chomo ni Kristo. Da uŋwən mə waʼ ughəy jum,

Kolose 1:24

Ayə wuʼe aŋu akinine numugə amə zəw ingəʼ da ngwən damugə ayə mara mugə Kristo zəw ingəʼ da nyə̂ inyo. Nyə̂ inyo wu amə ufere ba Kristo.

Kolose 2:13

Akə amaʼa moʼ mbən mə uwu ba da umbən unó iboŋ foro damugə mbən mə ba nu cha udi iney ikad. Asɨmə Nwiye si naʼa itəni inen ungɨŋ Kristo. Yə si waʼ umba unoʼ iboŋ jum.

Kolose 3:1

Nwiye si zəmə ngwən nə Yeso anigə mbən ni kaba amə ughəy mbənə umə azobo asin zənə Kristo chomo aba bugə jəgi Nwiye.

1 Pita 1:3

Mba yere Nwiye ŋunə amə Mbaʼ ungwa Asɨyisəg Yeso Kristo, uŋwən yə idiri ngwa kwaʼa inji chuŋ. Yə si ghəy kwi mba jəg itəni fey anji zənə yə zəmə Yeso Kristo. Zəŋ si ghəy kwi mba niŋi ikono ni nəmə unó mbənə Nwiye kaʼa ina.

2 Pita 1:13

Mə kaŋa kono kwi yə koʼ kwi a beʼere umbən utəw da unó mbəŋ akinine nu amə bugə ikay.

1 Jon 2:3

Mba bə mə siyə ikɨy Nwiye, nji yə tey kwi mba kyay uŋwən.

1 Jon 2:5

Wa moʼ ŋunə umə ghəy unó mbənə umə ungɨŋ ikɨy ma, anigə amə kwi iwuʼi da Nwiye sugi ungɨŋ fiŋ ma. Amə nji zənə atey kwi mba yə akə ibumi ni uŋwən,

Uney inwi 1:18

Amə wa nu amə ikay. Mə ku asɨmə akinine ayə ikay akə ighari feyn. Ayə nə ikay igun uwu ba foro igun abey uwu ba.