Filipi 3:1 - Aŋwaʼanayn Uso Fey

¹ Umbəŋ unya, iŋu nwi, a yə ghayn inen kwi mbən wuʼe ngwən numugə mbən mə akə ibumi nu Asɨyisəg. Cha amə isey ma aŋu igha ŋwaʼanayn unó mbənə mə si dey ŋwaʼanayn inen. A yi ghəy nigə da ka ingəʼ nyi ma igun inen.

Filipi 3:1 Iomraidhean Croise

Matəw 5:12

Mbən ki wuʼe ngwen damugə Nwiye yi naʼa uneʼe kyayn inen azobo. Amə nibə anji zənə ba nwine inya ughəw ba ukən Nwiye mbənə mbə́ mə́ awu ki u mbən.”

Ukən chuŋ da Yeso Kristo anji zənə Luk ŋwaʼanayn 1:47

Ayə wuʼe aŋu umugə Nwiye chi aŋu angəʼ

Roman 5:11

Ka ba nigə, mba yə nibə komo iguwə da Nwiye anjim Asɨyisəg Yeso Kristo. Uŋwən ghəy mba mə uzi nə Nwiye.

2 Korintiyans 13:11

Iŋu mara, umbəŋ unya, mbən chomo anji chuŋ. Mbə kweme izən kwi mbən ni aghəy aba unó mbənə u boŋo. Mbən zəw unó mbənə amə boʼo ubugə ghayn inen. Mbən siy injən anó aba akə anó feyn nibi chomo akə aborobod. Mbən bə aghəy nigə, nji Nwiye ŋunə umə naʼa aborobod yi mə nə umbən.

Efesus 6:10

Anó zənə ami nwi ghayn inen amə kwi, mbən chomo akə anó feyn nə Asɨyisəg da ikay ma yə chigə ikay jum tənə imə aghəy ita fiŋ kara.

Filipi 3:3

Amə umba nu u ney ikad akə asiʼ. Azugə Nwiye yə were ngwa kwi mba wumini Nwiye. Mba yə wuʼe ngwa numugə mba mə akə ibumi nə Yeso Kristo. Anigə cha ba zi ngwa ita fiŋ akə unó mbənə ba nyoŋ atəw umə ighəy.

Filipi 4:4

Mbən ghaʼa ngwən ighari jum numugə mbən mə akə anó feyn nə Asɨyisəg Kristo. A yə gha ghayn inen kwi: Mbən ghaʼa ngwən.

Filipi 4:8

Umbuŋ unya, anó nu asi nwi amə kwi, anó moʼ be boŋ, anó moʼ bə mə awu amə tey kwi ba yere, mbən niŋi itən ikono igun unó wu. Ano nu amə iyi asiʼ, anó nu ba mi wumini, anó nu a koʼoro, anó nu azayn, anó nu ba wuʼi, anó nu aboŋo chigə, anó nu atey kwi ba yere, mbən niŋi itən ikono igun unó wu.

1 Tesaloniyans 4:1

Umba unya, iŋu imbey, mba si tey inji zənə mbən mi mə chomo da fiŋ Nwiye boŋo. Amə asiʼ kwi mbən yə chomo nigə. Akinine, mba yə boʼo ubugə nibə ghayn inen akə ukum Asɨyisəg Yeso Kristo kwi, mbən ŋuw imbey ni ghəy nigə chigə umugə mbən mə ghəy.

1 Tesaloniyans 5:16

Mbən chomo akə iwuʼi akə umaʼ ujum,

Jems 1:2

Umbəŋ unya, mbən ni wuʼe ngwən akə umaʼa jum mbənə ikudi ikwaʼara nanaʼ nyi igun inen.

1 Pita 3:8

Iŋu nwi, umbən jum mbən chomo aba akə anó feyn. Mbən kənə abú umbən unya, iwuʼ umbən unya ighəy ichuŋ abú umbən unya, nibi num inyo asəy ama zənə mbən mə akaʼa umbən unya.

1 Pita 4:13

Asɨmə mbən wuʼ ngwən numugə mbən mə zəw ingəʼ anji zənə Kristo nibi zəw. Iwuʼi yi sugi ungɨŋ itən fiŋ amaʼazənə umi zaʼa ungɨŋ uzayn zayn ma.

2 Pita 3:1

Umbuŋ unya nu awuʼi kwaʼa azəd, aŋwaʼanayn zəŋ nu amə ŋwaʼanayn inen akinine amə aŋwaʼanayn nu aŋu pey akə ubigə. Ungɨŋ uŋwaʼanayn mbəŋ ubigə, mə si kaŋa ibeʼere umbən utəw da unó mbənə mbən si nibi kyay boʼo mbən kono unó wu umbən utəw zayn.