Filipi 2:9 - Aŋwaʼanayn Uso Fey

⁹ Anigə Nwiye si beʼere uŋwən ŋu sey asin zənə a chigə usin jum. Yə́ si nibi naʼa ukum abú uŋwən nu u chigə ikum jum.

Filipi 2:9 Iomraidhean Croise

Matəw 11:27

Uŋu Mbaʼ si naʼ ughəy ujum iniŋ, cha wa moʼ awu nu u tana kyay ŋwə̂ chigə akə Mbaʼ. Cha wa moʼ awu u tana kyay Mbaʼ chigə akə ŋwə̂ foro wa moʼ ŋunə Ŋwə̂ choʼo kwi itey mbaʼ abú uŋwən.

Matəw 28:18

Yeso ŋu abú úŋwən pey yi ghayn kwi, “Nwiye si naʼ ikay ujum iniŋ itumə azobo foro isəy.

Ukən chuŋ da Yeso Kristo anji zənə Luk ŋwaʼanayn 10:22

“Uŋu mbaʼ si naʼ u aghəy ujum iniŋ cha ma wa moʼ kyayn ma ŋwə̂ anji chuŋ chigə akə mbaʼ, cha ma wa moʼ kyayn ma mbaʼ inji chuŋ chigə akə ŋwə̂ foro wa ŋunə ŋwə̂ choʼo itey uŋwən abugə.”

Ukən chuŋ da Yeso Kristo anji zənə Jon ŋwaʼanayn 13:3

Yeso kyay kwi Mbaʼ si naʼa unó jum ungɨŋ inya ubugə ma. Yə nibi kyay kwi amə Nwiye tomo uŋwən foro kwi u yə ŋuw abú Nwiye.

Ukən chuŋ da Yeso Kristo anji zənə Jon ŋwaʼanayn 17:11

Akinine ayə ŋu sayn úŋwən izaʼa inigə. Asɨmə umbə bugə ungɨŋ isəg. Uŋu Mbaʼ nu Uzayn mara, nəmə úŋwən akə ikay zənə imə akə ungwə ukum, ungwə ukum ŋunə ngwə naʼa iniŋ. Nəmə úŋwən da umə akə anó feyn, numugə amə akə anó feyn nə ngwə.

Ukən chuŋ da Yeso Kristo anji zənə Jon ŋwaʼanayn 17:12

Amaʼazənə mə́ mə nə úŋwən, mə́ mə nəmə úŋwən kwi ka aghəy moʼ aghəy ma abú úŋwən. Mə́ mə aghəy nigə akə ikay zənə imə akə ngwə ukum, nu amə ukum ŋunə ngwə naʼa iniŋ. Mə́ mə nəmə nigə anigə cha wa moʼ akaʼa úŋwən nimə ma chigə akə uŋunə yə mi nim. Yə nim boʼo anó zənə uŋwaʼanayn ungɨŋ aŋwaʼanayn Nwiye duw akə asiʼ.”

Ukən chuŋ da Yeso Kristo anji zənə Jon ŋwaʼanayn 17:5

Uŋu Mbaʼ, akinine wumini aŋu asin zənə ngwə mə akuŋ. Wumini aŋu anji zənə ngwə mə́ wumini ki ngwə sə tana isəg.”

Afaʼa ba tom Kristo 5:31

Nwiye num uŋwən isiy aba bugə jəgi ma kwi u chomo nə atəw abú ba foro ni wa ŋunə umi chi ba angəʼ da ighəy kwi ba Izre waʼ unó iboŋ ma Nwiye nyaba unó iboŋ ma.

Efesus 1:10

Yə num nigə da amaʼa yi koʼ uyi num u ghəy ujum mbənə umə azobo foro u mbənə umə akə igun isəg iforo nə Kristo nu amə atəw igun ughəy jum.

Kolose 1:18

Uŋwən amə atəw akə nyə̂ inyoŋ ma, nu amə ifere ba Kristo. Uŋwən amə iti akə ifere ba Kristo. Uŋwən amə wa imbey izəmə. Anigə amə kwi uŋwən amə wa imbey akə ughəy jum.

2 Tesaloniyans 1:12

Mba yə chaʼara Nwiye kwi ba Wumini ungwa Asɨyisəg Yeso da ngwən, anigə uyi aghəy kwi ba wumine ngwən da uŋwən. Anó zəŋ ayi aghəy damugə ungwa Nwiye nə Asɨyisəg Yeso Kristo umbi aghəy ichuŋ inen.

Hibru 1:4

Nwiye aghəy Ŋwə̂ ma mede chigə mbə angəd umugə ukum ŋunə yə naʼ abú uŋwən u chigə ma akə uyi uma.

Hibru 1:9

Ngwə wuʼ unó mbənə ukoʼoro iban unó mbənə cha udi ikoʼoro. Anigə Nwiye ungwə Nwiye si izoʼ ayə ni ugəd da iwuʼi sugi ingɨŋ injə fiŋ. Yə zoʼ chigə inji zənə u zoʼo umbə unya.

Hibru 12:2

Mba niŋe inja aghɨ aba igun Yeso ŋunə inji ibeni ti nibi nwi aba igun ma. Yə nyiʼi fiŋ azad abaʼara damugə yə kyay iwuʼi zənə yə mə imbey abú uŋwən. Cha yə di num ma indere atəw zənə mbə́ kom uŋwən azad baʼara kwi amə anó moʼ, anigə uŋwən yə aba abugə jəgi Nwiye u chomo.

Hibru 2:9

Asɨmə mba yi zən Yeso ŋunə Nwiye ghəy kwi akə ŋwə̂ amaʼ moʼ mbə angəd nyaʼa chigə uŋwən kere. Akinine Nwiye zoʼ uŋwən ni uzayn zayn fori ni iwumini damugə yə́ zəw ingəʼ iku da ngwa boʼo anjim ichuŋ Nwiye u yi iku asin ba jum.

1 Pita 3:22

Yə si ŋu azobo pey yi chomo aba bugə jəgi Nwiye. Uyə sə tumə mbə angəd nibi tumə uzugə jum mbənə umə azobo foro aton azobo.

2 Pita 1:17

Nwiye Mbaʼ naʼa iwumini nibi naʼ uzayn zayn abú uŋwən akə amaʼazənə igəg Nwiye ŋunə mba mə naʼa iwumini kyay abú uŋwən ghayn abú uŋwən kwi, “Ngwə amə uŋu ŋwə̂ nu a wuʼi kwaʼa azəd, inyi fiŋ yə boŋo azəd da uŋwən.”

3 Jon 1:7

Ayə boŋ damugə mbə du iŋu faʼ abú Kristo nu cha umə beni inum aghəy moʼ abú ba mbənə cha u di si beni Kristo.

Uney inwi 1:5

Yeso Kristo ŋunə umə ghayn asiʼ nu amə wa imbey yə zəmə nu amə uŋwən umə tumə ifon jum igun isəg, ughəy ichuŋ inen nibi na aborobod inen. Yeso wuʼe ngwa anigə yə chigə anjim anəm zənə yə tuw azad abaʼaray ichi ngwa akə unó iboŋ.

Uney inwi 11:15

Angəd ŋunə uŋu pey akə isambigə toŋ itaŋa ma, anigə igəg kaka moʼ gham azobo ighayn kwi, “Anó fon igun isəg si beŋe siy anó ufon Asɨyisəg nə wa ma ŋunə uzoʼo, anigə uŋwən yi tumə isəg akə ighari feyn.”

Uney inwi 19:16

Ukum yə igun ndwi ma foro igun ughəw ma. Ukum wu amə kwi, “Ufon igun ifon foro Asɨyisəg igun mbə Asɨyisəg.”

Uney inwi 3:21

Ayi beni kwi wa ŋunə u waʼ unó iboŋ uchomo igun atən ufon inyi iyad, aba anji zənə mə nyaba umbəŋ ba bana anigə ichomo iyad uŋu mbaʼ igun atən ufon ma.”

Uney inwi 5:12

Mbə́ mə́ kyugay ikyi akə igəg kaka ghayn kwi, “Ŋwə̂ injəg ŋunə mbə́ kyeme a koʼ kwi Unaʼa ikay, inaʼ imbon, naʼ iwe naʼ, Iwumini, naʼ uzayn zayn nibi uyere uŋwən!”