Filipi 2:8 - Aŋwaʼanayn Uso Fey

⁸ Umugə yə́ mə́ wa inyoŋ atəw nigə, Yə swiʼiri inyo, Wumini ŋu pey amaʼazənə yə beni iŋu ku. Yə ku azad abaʼara.

Filipi 2:8 Iomraidhean Croise

Matəw 17:2

Amaʼazənə mbə́ pey awu, inyo ma kyaba ifigi uma. Ifigi ma mə məŋərə ni nyamachugi, ndwi ma ni fuw peŋ.

Matəw 26:39

Amaʼazənə yə ghayn nigə, yə yeŋ ŋu imbey kere pey yi zum ifigi asəy chaʼara Nwiye ghayn kwi, “Uŋu Mbaʼ inji bə mə awu, ngwə ghəy ingəʼ zəŋ chigə igun iniŋ. Asɨmə ghəy amə anoʼ zənə ngwə kaba akə ma zənə a kaba.”

Matəw 26:42

Amaʼazənə Yeso aghəy nigə, yə gha ŋu chaʼara Nwiye ghayn kwi, “Uŋu Mbaʼ abə mə kwi cha nji ighəy kwi ingəʼ zəŋ chigə igun iniŋ, aghəy anó zənə ngwə wuʼi.”

Ukən chuŋ da Yeso Kristo anji zənə Luk ŋwaʼanayn 9:29

Umugə yə mə chaʼara Nwiye, ifigi ma kaba ndwi ma sə ifuw məŋərə.

Ukən chuŋ da Yeso Kristo anji zənə Jon ŋwaʼanayn 10:18

Akə ma wa moʼ mi num inyi itəni, amə umugə a kaŋa beni kwi ayi ku. Ayə ni ikay iku, ayə nibə nə ikay ichomo ikay. Amə uŋu Mbaʼ ghəy kwi aghəy nigə.”

Ukən chuŋ da Yeso Kristo anji zənə Jon ŋwaʼanayn 14:31

asɨmə ayə ghəy aba anji zənə Mbaʼ ghayn iniŋ boʼo isəg kyay kwi mə wuʼe Mbaʼ. Mbən zaʼa mba noʼo akəŋ.”

Ukən chuŋ da Yeso Kristo anji zənə Jon ŋwaʼanayn 15:10

Mbən mbə num itəŋ ikɨy, ayə wuʼe ngwən aba anji zənə a si num ikɨy uŋu Mbaʼ anigə uŋwən nibi wuʼe aŋu.

Ukən chuŋ da Yeso Kristo anji zənə Jon ŋwaʼanayn 4:34

Anigə Yeso ghayn abú úŋwən kwi, “Inyi aghəy jəgi amə kwi aghəy unó mbənə wa ŋunə u tom aŋu kabay, foro kwi amara unó mbənə yə naʼa iniŋ.

Afaʼa ba tom Kristo 8:33

Mbə naʼ idere atəw abú uŋwən cha mbə saʼ uma usaʼa ma akə inji zənə yə kəʼə amə ngwə amə aghəy ughayn anó da aghaŋ ma? Anigə ba aki igun isəg zwere uŋwən.

Roman 5:19

Anji zənə anjim izəw wa feyn ghəy ba nanaʼ ghəy unó iboŋ, amə nibə anjim mugə wa feyn mə iwumini, nu ba nanaʼ mi təm ikoʼoro.

2 Korintiyans 8:9

Mbən kyay ichuŋ zənə Asɨyisəg Yeso Kristo ghəy nu kaba kwi yə mə nə imbon asɨmə yə beŋe akə wa ukwaŋ da ngwən, da anjim umugə umə wa ukwaŋ mba yi mə nə imbon.

Galetiya 3:13

Kristo ziya umba utəw akə indon zənə unoʼo zi igun ina. Yə ghəy nigə inji zənə yə beʼe indon da ngwa. A yə ungɨŋ Aŋwaʼanayn Nwiye kwi, “Indon yə igun ba jum mbənə u tiŋe akə azad.

Titus 2:14

Yeso Kristo naʼa inyo ma da iziya umba utəw akə unó iboŋ jum. Yə nibi naʼ da ighəy kwi mba zayn boʼo mba mə ba nu u zi atəw ni aghəy unó chuŋ.

Hibru 12:2

Mba niŋe inja aghɨ aba igun Yeso ŋunə inji ibeni ti nibi nwi aba igun ma. Yə nyiʼi fiŋ azad abaʼara damugə yə kyay iwuʼi zənə yə mə imbey abú uŋwən. Cha yə di num ma indere atəw zənə mbə́ kom uŋwən azad baʼara kwi amə anó moʼ, anigə uŋwən yə aba abugə jəgi Nwiye u chomo.

Hibru 12:4

Umugə mbən mə maʼa iberd nə unó iboŋ, cha mbən di si maʼ ŋu pey ngwən asin zənə imi zwere ngwən.

1 Pita 2:24

Kristo ma ambuŋ beʼe umba unó iboŋ ungɨŋ inyo ma ŋu azad abaʼaray. Yə aghəy nigə da mba bə ku ungɨŋ unó iboŋ mba si chomo aba akə inji zənə ikoʼoro. Una mbənə mbə́ mə́ inyo ma si aghəy mbən boro.

1 Pita 3:18

Kristo ku da unó iboŋ ighari feyn akə umaʼ jum. Yə́ mə aghəy unó chuŋ, iku igun atəw ba mbənə umə ighəy unó iboŋ, da inum ngwən iŋu abú Nwiye. Mbə zwere nyə̂ ma asɨmə Azugə Nwiye aghəy kwi imə ikay.