Filipi 2:7 - Aŋwaʼanayn Uso Fey

⁷ Yə́ sayn ikwey ma, Swiʼiri inyo ma akə isob Mbə ibə́ uŋwən umugə umə ibə́ wa inyoŋ atəw, Yə́ zaʼa chomo ni wa inyoŋ atəw anigə ba zən uŋwən.

Filipi 2:7 Iomraidhean Croise

Matəw 12:18

“Zən! Amə uŋu wa faʼa ŋunə a si choʼo, Mə wuʼi uŋwən kwaʼa ingəʼ, nyi fiŋ yə anji chuŋ da uŋwən. A yi zi inyi azugə igun uŋwən, Anigə uyi ghayn abú usin ujum kwi ayi saʼa úŋwən akə inji zənə ikoʼoro.

Matəw 20:28

Cha Ŋwə̂ Wa di zaʼa ma kwi u faʼa abú uŋwən, yə zaʼa ifaʼ abú ba anigə inaʼ itəni ma iziya utəw ba nanaʼ.”

Ukən chuŋ da Yeso Kristo anji zənə Mak ŋwaʼanayn 9:12

Wə ywiri abú úŋwən kwi, “Elayija yi dey izaʼa boʼo itana unó ujum u chomo anji zənə mbə mi məŋi. Aton zənə u ŋwaʼanayn da Ŋwə̂ Wa kwi u yi zəw ingəʼ azəd u ton uŋwən amə da ngiya?

Ukən chuŋ da Yeso Kristo anji zənə Luk ŋwaʼanayn 22:27

Amə ngwa ukyay chigə. Amə wa uŋunə uchomo mə jəgə kə amə wa uŋunə umə naʼa aghəy jəgi? Ayə injən akaʼa ni wa afaʼa.”

Ukən chuŋ da Yeso Kristo anji zənə Jon ŋwaʼanayn 1:14

Inayn wu beŋe akə wa inyoŋ atəw, ichomo inja kaʼa. Mba zən iwumini ma nu amə iwumini zənə yə mə abú uŋwən numugə uŋwən mə aba Ŋwə̂ feyn ŋunə yə́ mə abú mbaʼ Yə́ mə aghəy ichuŋ nibə ghayn asiʼ da Nwiye abú ba.

Roman 1:3

Ukən chuŋ wu amə da Ŋwə̂ ma nu mbə ibə́ ungɨŋ aghaŋ ufon Dafid.

Roman 15:3

Cha Kristo di ghəy ma kwi aba fiŋ ma boŋo. Ayə ungɨŋ Aŋwaʼanayn Nwiye kwi, “Ijimi tənə ba mə jimə ngwən tə fwayn igun iniŋ.”

Roman 15:8

Ayə ghayn inen kwi Kristo beŋe akə wa faʼa abú ba Jû da itey kwi Nwiye yə ighəy unó mbənə u ghayn, foro kwi uyi aghəy unó mbənə yə kaʼa abú umbaʼ imbey uma.

Roman 8:3

Anó zənə cha noʼo ghəy ma damugə nyə̂ inyo mə ibó, Nwiye si ghəy. Yə ghəy nigə anji zənə yə cha Ŋwə̂ ma u zaʼa chomo ni wa unó iboŋ da iniy unó iboŋ. Anigə yə iniy unó iboŋ anji zənə yə naʼa inyo ma akə ghəy ifá.

2 Korintiyans 13:4

Mbə́ kom uŋwən azad abaʼaray akə amaʼazənə yə mə ibo, asɨmə uyə ikay akə ikay Nwiye. Akə inji zənə mba mə akə anó feyn nə uŋwən, mba yə nibə ibo. Asɨmə, umugə mba mə faʼa inen, mba yi chomo nə uŋwən akə ikay Nwiye.

2 Korintiyans 8:9

Mbən kyay ichuŋ zənə Asɨyisəg Yeso Kristo ghəy nu kaba kwi yə mə nə imbon asɨmə yə beŋe akə wa ukwaŋ da ngwən, da anjim umugə umə wa ukwaŋ mba yi mə nə imbon.

Galetiya 4:4

Asɨmə amaʼazənə amaʼ si koʼ, Nwiye tom Ŋwə̂. Mbə́ ibə́ uŋwən u chomo ni wa inyoŋ atəw. Yə nibi ikwey ungɨŋ unoʼo,

Filipi 2:6

Yə́ mə́ nə́ inji Nwiye, Asɨmə cha yə kaba ma itey kwi iyə ichin ichin nə Nwiye.

Hibru 12:2

Mba niŋe inja aghɨ aba igun Yeso ŋunə inji ibeni ti nibi nwi aba igun ma. Yə nyiʼi fiŋ azad abaʼara damugə yə kyay iwuʼi zənə yə mə imbey abú uŋwən. Cha yə di num ma indere atəw zənə mbə́ kom uŋwən azad baʼara kwi amə anó moʼ, anigə uŋwən yə aba abugə jəgi Nwiye u chomo.

Hibru 13:3

Mbən kono ba mbənə umə na indəŋ ni ki mbən yə na indəŋ aboʼo úŋwən. Mbən kono ba mbənə u mə nyi úŋwən ni ki mbən yə zəw ingəʼ nə úŋwən.

Hibru 4:15

Cha mba mə ngwa amə nə atəw kyayn ambəŋ Nwiye zənə cha amə kənə akə ngwa Amaʼazənə unó si chigə ngwa. Mba yə mə nə uŋunə debere si zweʼe uŋwən akə ikudi inji ujum umugə u mə zweʼe ngwa. Anigə cha u aghəy ma anó iboŋ moʼ.