Filipi 2:6 - Aŋwaʼanayn Uso Fey

⁶ Yə́ mə́ nə́ inji Nwiye, Asɨmə cha yə kaba ma itey kwi iyə ichin ichin nə Nwiye.

Filipi 2:6 Iomraidhean Croise

Matəw 1:23

“Mbən zəw! Akwere nu cha u di si kyay ma anó anom yi mə nə ibum ibə́ ŋwə̂ anom, umbi cho ukum ma kwi Imanuel.” Aton akə ukum wu amə kwi, “Nwiye yə nə umba.”

Ukən chuŋ da Yeso Kristo anji zənə Jon ŋwaʼanayn 1:18

Cha wa moʼ di si noʼo zən Nwiye. Aba Ŋwə̂ ma feyn yugə nu umə iyad fiŋ Nwiye, ughəy kwi ba kyay uŋwən.

Ukən chuŋ da Yeso Kristo anji zənə Jon ŋwaʼanayn 10:30

Uŋu Mbaʼ nə umugə, mba yə akə anó feyn.”

Ukən chuŋ da Yeso Kristo anji zənə Jon ŋwaʼanayn 10:33

Mbə́ ywiri abú uŋwən kwi, “Akə ma da anó chuŋ moʼ zənə ngwə aghəy nu mba mə kaba itum ayə. Mba yə kaba itum ayə damugə ngwə jimə Nwiye, damugə ngwə mə wa inyoŋ atəw anigə ngwə ghayn kwi imə Nwiye.”

Ukən chuŋ da Yeso Kristo anji zənə Jon ŋwaʼanayn 10:38

Abə mə ighəy unó wu, kə di ma kwi cha mbən mə beni unó mbənə amə ighəy, asɨmə mbən beni boʼo umbən utəw zayn kwi uŋu Mbaʼ yə akə anó feyn nə umugə, foro kwi ayə akə anó feyn nə uŋu Mbaʼ.”

Ukən chuŋ da Yeso Kristo anji zənə Jon ŋwaʼanayn 14:28

Mbən si zəw amaʼazənə mə ghayn inen kwi, ‘Ayə ŋuw, asɨmə ayi gha zaʼa inen.’ Abə mə kwi mbən kaŋa wuʼ aŋu, nji mbən yi wuʼe gwən kwi ayə ŋuw abú Mbaʼ damugə Mbaʼ chigə aŋu.

Ukən chuŋ da Yeso Kristo anji zənə Jon ŋwaʼanayn 14:9

Yeso ywiri kwi, “Mə si chomo aboʼo injən akə agha sá, asɨmə cha ngwə Filip, kaŋa kyay aŋu? Ba jum mbənə u zən aŋu si nibi zən Mbaʼ. Ngwə si chigə ingiya ighayn iniŋ kwi, ‘tey Mbaʼ ina?’

Ukən chuŋ da Yeso Kristo anji zənə Jon ŋwaʼanayn 17:5

Uŋu Mbaʼ, akinine wumini aŋu asin zənə ngwə mə akuŋ. Wumini aŋu anji zənə ngwə mə́ wumini ki ngwə sə tana isəg.”

Ukən chuŋ da Yeso Kristo anji zənə Jon ŋwaʼanayn 20:28

Tomas ghayn abú uŋwən kwi, “Uŋu Asɨyisəg nə uŋu Nwiye!”

Ukən chuŋ da Yeso Kristo anji zənə Jon ŋwaʼanayn 5:18

Inayn zənə Yeso ghayn aghəy kwi, ba kyayn ungɨŋ abey ba Jû ni kaba inji jum ni zwere uŋwən. Cha mbə kaba izwere uŋwən aba da umugə yə gow anó aney aku, mbə́ mə́ nibi kaba izwere uŋwən damugə yə tiya Nwiye kwi Mbaʼ ma. Anigə u yə kaba itey kwi iyə ichin ichin nə Nwiye.

Ukən chuŋ da Yeso Kristo anji zənə Jon ŋwaʼanayn 5:23

Yə ghəy nigə boʼo ba jum wumini Ŋwə̂ anji zənə umə wumini Mbaʼ. Wa ŋunə cha umə wumini Ŋwə̂, cha umə nibə wumini Mbaʼ ŋunə yə cha Ŋwə̂.”

Roman 9:5

Úŋwən mə buŋ akə u mbaʼ imbey inebey Izre. Uŋunə Nwiye zoʼo du ungɨŋ unebey wu. Uŋwən amə Nwiye ŋunə umə tumə ughəy ujum. Mba yere uŋwən koŋ. Amə nigə.

2 Korintiyans 4:4

Mbən kyay kwi Nwiye ŋunə umə unɨŋ isəg zəŋ si kən fiŋ ba mbənə cha u beni Kristo boʼo ka u zən uma uzayn zayn akə ukən chuŋ da Kristo. Kristo chomo aba ni Nwiye.

2 Korintiyans 8:9

Mbən kyay ichuŋ zənə Asɨyisəg Yeso Kristo ghəy nu kaba kwi yə mə nə imbon asɨmə yə beŋe akə wa ukwaŋ da ngwən, da anjim umugə umə wa ukwaŋ mba yi mə nə imbon.

1 Timoti 1:17

Ba wumini nibi yere ufon ŋunə u tənə koŋ, nu cha uni noʼo iku, nu cha ba mə zən uŋwən, nu aba uŋwən mə awu akə ighari feyn, aba uŋwən yugə nu amə Nwiye. Amə nigə.

1 Timoti 3:16

Anó zənə u noy nu Nwiye aghəy mba kyay numugə ba beni Kristo amə kwi: Kristo num nyə̂ inyo wa inyoŋ atəw izaʼa ungɨŋ isəg, Azugə zayn tey kwi uyə aghəy unó mbənə u koʼoro, Amə angəd zən uŋwən, Mbə́ ghayn da uŋwən ungɨŋ ubey jum, Ba umgɨŋ usin jum si zi fiŋ uma igun ma, Nwiye num uŋwən azobo anigə inaʼ iwumini abú uŋwən.

Titus 2:13

Mba zi ikono ni nəmə aborobod zənə Nwiye kaʼa ina. Aborobod wu yi zaʼa akə amaʼazənə ungwa Nwiye kyay nu amə ungwa Asɨyisəg Yeso Kristo mi buw nə iwumini.

Hibru 1:3

Ŋwə̂ wu yə tey umugə uzayn zayn Nwiye ibigə. Unó jum da uŋwən umbə tey umugə Nwiye məŋi. Yə aghəy kwi isəg chomo akə inji zənə i məŋi. Amə anjim inayn kaka ma nu imə aghəy kwi isəg chomo akə inji zənə i məŋi. Amaʼazənə yə́ si aghəy Nwiye səw unó iboŋ ba yə́ chomo aba abugə jəgi Nwiye ŋunə umə ni ikay jum.

Hibru 1:6

Amaʼazənə Nwiye cha ŋwə̂ ma imbey ungɨŋ isəg, ka amə abú angəd nu yə ghayn kwi Angəd Nwiye jum u mbi wumini uŋwən.

Hibru 1:8

Asɨmə abə mə akə ŋwə̂ ma yə ghayn kwi, “Injə́ anó ufon o Nwiye ayə tənə akə ighari feyn, Ngwə yə mə tumə ba akə inji zənə ikoʼoro.”

Hibru 13:8

Yeso Kristo yə ichin ichin umugə yə mə iyugə, umugə umə akə̂choŋ umugə umi tənə akə ighari feyn.

Uney inwi 21:6

Yə ghayn iniŋ kwi, “Unó ujum si məy! Amə wa imbey nibi mə wa ŋunə usi inwi. Amə iti nibə mə inwi. Ayi naʼ une akə ugwi ŋunə umə naʼa itəni abú wa ŋunə adoʼ zomo abú uŋwən nu cha umi naʼ aghəy moʼ iniŋ.