Filipi 2:5 - Aŋwaʼanayn Uso Fey

⁵ Mbən ni ghəy unó anji zənə Yeso Kristo mə ighəy.

Filipi 2:5 Iomraidhean Croise

Matəw 11:29

Mbən num uŋu udere anigə ikweme anó iniŋ damugə ayə boro fiŋ nibi swiʼiri inyi inyo asey mbən bə aghəy nigə, itən fiŋ iti zuti.

Ukən chuŋ da Yeso Kristo anji zənə Luk ŋwaʼanayn 22:27

Amə ngwa ukyay chigə. Amə wa uŋunə uchomo mə jəgə kə amə wa uŋunə umə naʼa aghəy jəgi? Ayə injən akaʼa ni wa afaʼa.”

Afaʼa ba tom Kristo 10:38

Mbən kyay anó da Yeso wa Nazared ŋunə Nwiye naʼ a Azugə zayn zayn nə ika abú uŋwən. Mbən nibi kyay umugə yə ŋu usin ujum yeŋ yə aghəy ichuŋ abú ba nibi zwey ba ujum mbənə mbə́ mə ikɨy abugə Debere. Yə mə aghəy unó mbəŋ damugə Nwiye mə nə uŋwən.

Afaʼa ba tom Kristo 20:35

Akə unó ujum, mə si tey inen kwi, yə boŋ kwi mba faʼa akə ikay da iywere ba mbənə umə iyi ma abowyi. Mbən kono inayn Asɨyisəg Yeso umugə yə́ ghayn kwi, ‘Wa ŋunə u mə naʼa yə nə aborobod chigə ma akə wa ŋunə u mə numi.’”

Roman 14:15

Aghəy zənə ngwə mə jəgə bə sə itoy fiŋ ungwə unya, anigə cha ngwə mə ghəy ayə ni wa ŋunə u wuʼi uŋwən. I ghəy yə kwi aghəy jəgi zənə ngwə mə jəgə a chiŋe ibeni fiŋ wa moʼ ŋunə Kristo kuw da uŋwən.

Roman 15:3

Cha Kristo di ghəy ma kwi aba fiŋ ma boŋo. Ayə ungɨŋ Aŋwaʼanayn Nwiye kwi, “Ijimi tənə ba mə jimə ngwən tə fwayn igun iniŋ.”

Roman 15:5

Nwiye ŋunə umə aghəy kwi mba mə nə iyimi fiŋ, foro nə ikay fiŋ aghəy kwi mba chomo akə anó feyn nə umba unya numugə mba beni aboʼo Yeso Kristo,

1 Korintiyans 10:33

Mbən ghəy aba nə umugə damugə ayə kaba kwi fiŋ ba jum boŋo anji zənə amə ghəy unó ujum. Cha amə kaba ghəy aŋu aba unó mbənə u boŋo iniŋ. A yə kaba ghəy amə u mbənə u boŋo abú ba nanaʼ da amə ghəy Nwiye chi úŋwən angəʼ.

Efesus 5:2

Mbən wuʼ umbən unya aba anji zənə Kristo wuʼi ngwən anigə iku igun umba utəw. Uŋwən chomo nə aghəy ifá zənə amə inyoʼoro ifoy chuŋ. Uŋwən nibi chomo nə aghəy ituri Nwiye nu u naʼ abú Nwiye.

Filipi 1:1

Amə umə Pol ni Timoti nu mba mbə ba afaʼa Yeso Kristo mba ŋwaʼanayn aŋwaʼanayn zəŋ. Mba yə Ŋwaʼanayn abú umbən ba Nwiye jum mbənə umə Filipi, nu mbən mə akə anó feyn nə Kristo. Mba yə ŋwaʼanayn abú mbən mbənə amə atəw umə cha ba Kristo. Mba yə nibi ŋwaʼanayn inen umbən mbənə mbən mə were úŋwən.

1 Pita 2:21

Amə da ukudu ingəʼ uŋu nu Nwiye tiya ngwən kwi mbən mə umbi ba. Mbən kyay kwi Kristo nibi zəw ingəʼ da ngwən. Anigə yə tey anwini inen boʼo mbən num inayn ughəw ma.

1 Pita 4:1

Kristo zəw ingəʼ Amaʼazənə mbə komo uŋwən, anigə mbən yə nibə nə ukudu ikono tənə tə́ mə́ abú uŋwən damugə cha wa moʼ ŋunə usi zəw ingəʼ mə ma nə anó moʼ ni aghəy nə unó iboŋ.

1 Jon 2:6

Wa moʼ ŋunə u ghayn kwi i yə akə ibumi nə Nwiye, u ni yeŋ aba akə inya aghəw Yeso Kristo.”