Filipi 2:3 - Aŋwaʼanayn Uso Fey

³ Ka mbən ghəy ngwən anó chomo ni kwi aba umbən mi mə nə ughəy. Ka mbən nibi ghəy ngwən anó chomo ni kwi mbən yə beʼere inyo. Asɨmə mbən ki swiʼiri inyo kono kwi ba chini chigə ngwən.

Filipi 2:3 Iomraidhean Croise

Ukən chuŋ da Yeso Kristo anji zənə Luk ŋwaʼanayn 18:14

A yə ghayn asiʼ inen kwi, “Amaʼazənə a fere ukab tag wu wene ŋu unuʼ, yə aghəy anó nu akəʼərə ifigi Nwiye chigə ma akə wa Farasay wu. Mbən kyay kwi wa ŋunə umə beʼere inyo Nwiye yi swiʼiri uŋwən asey anigə wa ŋunə umə swiʼiri inyo ma asey Nwiye yi beʼere uŋwən.”

Roman 12:10

Mbən wuʼ umbən unya nə itən fiŋ jum. Mbən wumine umbən unya anji zənə mbən mə wumine itən inyo.

Roman 13:13

Mba ni ghəy umba unó akə inji zənə ikoʼoro aba numugə ba mə ghəy unó zayn zayn. Ka mba mə ghəy ngwa adoʼ kə nugə unoʼ ibigə, ka mba mə jəgə ngwa isəg, kə ighəy ufibiri unoʼ, ka wa mə taŋara ma kə ighəy adey.

Roman 2:8

Nwiye yi siyə itəm nibi zi usaʼa igun ba mbənə umə kaba u aghəy aba abú inyo ma, umbə́ tono unó mbənə amə unó asiʼ, da isə aghəy amə unó iboŋ.

1 Korintiyans 15:9

Ayə nigə damugə akaʼa ba tom Kristo ujum, amə u ŋunə u kweʼe chigə umbi ujum. Cha adi koʼo aŋu kwi u tiya aŋu kwi wa tom, damugə mə́ mə nwine inya ughəw ba mbənə bə mə ungɨŋ ufere ba Kristo.

1 Korintiyans 3:3

Ayə ney damugə mbən yə ghəy nó ni ba mbənə umə ungɨŋ isəg. Amaʼazənə mbən mə́ ghəy imbəw nibə taŋara, aka mbən mbə́ ghəy numugə ba ungɨŋ isəg mə ghəy? Ka mbən mə ighəy ni ba mbənə cha u di kyay Kristo?

2 Korintiyans 12:20

Ayə goro kwi amaʼazənə ami zaʼa, cha ami zən ngwən akə nji zənə mə́ mə kaba kwi mbən məŋi. Ayə nibə goro kwi cha mbən mi zən aŋu akə inji zənə mbən mə kaba kwi a məŋi. Ayə goro kwi amaʼazənə ami zaʼa ba mbi mə nə ataŋara, umbi mə ighəy adey, umbi mə isə itəm, umbi mə tono inaʼ aghəy abú ba, umbi mə jimə uma, umbi mə iweŋ ukwey, umbi mə ibeʼere inyo, umbi mə nibə ighəy abúri.

Galetiya 5:15

Ka mbən chomo ngwən ni nyə̂ nya nya nu imə nomo nibə koro nyə̂ chini. Mbən weŋ ngwən nji mbən yi niy ngwən umbən umbən.

Galetiya 5:26

Ka mba mə komo ngwa iguwə, kə ghəy kwi ba chini usɨy itəm, kə ighəy adey.

Efesus 4:2

Mbən num inyo asey, iboro inyo, mbən yimə fiŋ, itey ijən iwuʼi abú wa feyn feyn akə anji zənə cha mbən mi mə yimə ba fiŋ.

Efesus 5:21

Mbən ni wumine ngwən umbən umbən da itey kwi mbən yə wumine Kristo.

Filipi 2:14

Mbən ghəy unó jum nu cha mbən mə zuʼe kə nu cha mbən mə taŋara,

Kolose 3:12

Anigə umbən mbənə Nwiye si choʼo kwi amə umbi ba, mbən mə ba zayn zayn nu u wuʼi kwaʼa azəd. Mbən ni idiri ba chini. Mbən mə nə fiŋ chuŋ. Mbən ni boro inyo. Mbən mə nə iboro fiŋ nibi mbə nə iyimi fiŋ.

Kolose 3:8

Asɨmə akinine mbən yi waʼ unó imbəŋ jum, amə anó ni isə itəm, anó ni bəŋe, anó ni jimə ba nə anó ni imə ghayn unyimi unó.

1 Timoti 6:4

U yi beʼere inyo. Cha u kyay ma anó moʼ. U yə ni fiŋ iboŋ. Fiŋ wu yə ghəy kwi u ni toŋo unó, nibə taŋa da inayn ukow moʼ. Itaŋara zəŋ yi zaʼa nə adey, nibə zaʼa nə anó ni ghaba ba, nibə zaʼa nə anó ni ghayn anó iboŋ abú ba chini, nibə zaʼa nə anó ni ikono anó iboŋ da ba chini.

1 Pita 3:8

Iŋu nwi, umbən jum mbən chomo aba akə anó feyn. Mbən kənə abú umbən unya, iwuʼ umbən unya ighəy ichuŋ abú umbən unya, nibi num inyo asəy ama zənə mbən mə akaʼa umbən unya.

1 Pita 5:5

Ingwaʼ ba mbən wumini ba mbənə usi kara chigə ngwən. Mbən jum swiʼiri inyo ifaʼ abú umbən unya damugə,” Nwiye yə bana ba mbənə umə beʼere inyo, Asɨmə u yə aghəy ichuŋ abú umbənə umə swiʼiri inyo.