Filipi 2:26 - Aŋwaʼanayn Uso Fey

²⁶ U yə kaba kwi nji yə zaʼa zən ngwən umbən jum. Fiŋ yi toboro uŋwən damugə mbən si zəw kwi uŋwən mə́ sɨgə.

Filipi 2:26 Iomraidhean Croise

Matəw 11:28

Mbən zaʼa iniŋ umbən ujum mbənə mbən si bó imə beʼe u aghəy mbənə umə dere, ayi aghəy kwi mbən zwere.

Matəw 26:37

Amaʼazənə yə́ ghayn nigə, yə́ num Pita ni buŋ Zebedi ubigə iŋu nə úŋwən. Yə mə kaŋa kənə, fiŋ ma ni toboro uŋwən.

Afaʼa ba tom Kristo 21:13

Asɨmə Pol ywiri kwi, “Mbən mə ghəy ney da ngiya? Mbən mə chwey isɨy ichiŋe inyi fiŋ? Mə si tana inyi inyo inyi andəŋ foro iku a Yerusanem da Asɨyisəg.”

Roman 1:11

Ayə kaŋa kaba izənə ngwən da ighəy kwi Azugə Nwiye naʼa uneʼe inen. Uneʼe wu yi ghəy kwi mbən kara.

Roman 12:15

Mbən wuʼe ngwən nə ba mbənə umə wuʼe uma, nibi idey nə ba mbənə umə idey.

Roman 9:2

Akinine ingəʼ nu cha inwi si sugi ungɨŋ inyi fiŋ.

1 Korintiyans 12:26

Asin nyə̂ inyo moʼ bə sə zəw ingəʼ, usin inyo mbi ujum zəw ingəʼ aboʼo uŋwən. U bə naʼa iwumini abú asin inyo moʼ, usin inyo mbi ujum wuʼe uma ni uŋwən.

2 Korintiyans 9:14

Umbi chaʼara Nwiye igun inen nə iwuʼi ungɨŋ fiŋ uma da ichuŋ kyayn zənə Nwiye ghəy inen.

Galetiya 6:2

Wa moʼ bə mə zəw ingəʼ, mbən were uŋwən. Mbən bə ghəy nigə, nji mbən si num noʼo ŋunə Kristo naʼa inen.

Efesus 3:13

Anigə ayə boʼo ubugə inen kwi ka itən fiŋ ibó ma damugə amə zəw ingəʼ da ngwən. Unó mbəŋ jum amə da iwere ngwən.

Filipi 1:3

Ayə naʼa yə beni ayə abú Nwiye akə umaʼ jum mbənə amə kono ngwən.

Filipi 1:8

Nwiye kyay kwi mə wuʼe ngwən foro kwi ayə nibə kaŋa kaba izən ngwən umbən jum. A yə ghəy nigə aba anji zənə Yeso Kristo wuʼi ngwən.

Filipi 2:25

Mə kono kwi yə kaŋa boŋ kwi a tom Epafroditus inen. Uŋwən amə ungwa unya. Uŋwən faʼ nə umugə nibi ghayn ukən chuŋ nə umugə chomo ni sogwi chuŋ. Amə uŋwən nu mbən tom kwi uzaʼa were aŋu.

Filipi 2:27

Amə asiʼ kwi yə mə sɨgə sə baʼa iku. Asɨmə cha Nwiye diri ma aba uŋwən. Yə nibi idiri aŋu nji akənə nu achigə abugə mi sugi ungɨŋ inyi fiŋ.

Filipi 4:1

Umbuŋ unya, mə wuʼe ngwən nibə kaŋa kab kwi a zən ngwən. Mbən yə aghəy kwi inyi fiŋ boŋo. Mbən yə nibə choʼo afaʼa akə afaʼa zənə mə faʼa. Umbuŋ unya nu a wuʼi kwaʼa azəd, mbən təm ikay numugə mbən mə akə anó feyn ni Asɨyisəg.

1 Pita 1:6

Anigə mbən wuʼe ngwən da anó zəŋ nu Nwiye si ghəy. Kə nə di ma kwi akinine mbən yi bugə chigə ungɨŋ akwaʼara akə unó nanaʼ, da mbən yi ŋu zəw ingəʼ akə ukudi inji nanaʼ.