Filipi 2:22 - Aŋwaʼanayn Uso Fey

²² Mbən kyay kwi Timoti tey kwi imə wa faʼa chuŋ. Chomo ni ŋwə̂ nə mbaʼ, yə si faʼ nə umugə ighayn ukən chuŋ.

Filipi 2:22 Iomraidhean Croise

Afaʼa ba tom Kristo 16:2

Ba Kristo ujum mbənə mbə́ mə́ Listra nə Ikonium mə inayn unó uchuŋ da Timoti.

Roman 5:4

Iyimi fiŋ yi ghəy kwi mba mə nə ichomo chuŋ, ichomo chuŋ yi ghəy kwi mba mə nə ikono kwi Nwiye yi ghəy anó zənə u kaʼa.

1 Korintiyans 16:10

Timoti yə zaʼa inen, mbən ghəy u chomo uchuŋ uchuŋ injən akaʼa. Uŋwən yə faʼa abú Asɨyisəg numugə amə faʼa.

1 Korintiyans 4:17

Amə aton zənə amə tomo Timoti inen. Uŋwən amə uŋu ŋwə̂ nu a wuʼi kwaʼa azəd. Uŋwən yə faʼa abú Asɨyisəg nə fiŋ ma ujum. Uŋwən yi beʼere umbən utəw da unó mbənə mə́ mə aghəy Amaʼazənə mə́ beni Yeso Kristo, nu amə unó mbənə amə itey ungɨŋ ufere ba Kristo usin ujum.

2 Korintiyans 2:9

Mə ŋwaʼanayn aŋwaʼanayn zəŋ da izweʼe ngwən izən kwi mbən mə wumine aŋu akə unó jum.

2 Korintiyans 8:22

Anigə, mba yi nibi cha ungwa unya anóm nə úŋwən. Unya anóm ŋunə mba si zweʼe uŋwən ighari nanaʼ zən kwi yə kaŋa wuʼ anó ni were akə unó nanaʼ. Yə wuʼ anó ni were chigə umugə yə dey wuʼ. U yə aghəy nigə damugə yə si zi fiŋ igun inen.

2 Korintiyans 8:24

Anigə mbən tey anwini abú ba mbəŋ kwi mbən wuʼ úŋwən, nibi tey a ton zənə mba mə komo iguwə da ngwən, boʼo ifere ba Kristo izən.

2 Korintiyans 8:8

Cha amə ghayn aŋu anó zəŋ inen ni kwi ayə sobo isobo. Ayə kaba iməg amə inji zənə mba wuʼi ba akə ita fiŋ jum akə inji zənə ba chini wuʼe anó ni were.

Filipi 1:12

Umbuŋ unya, ayə kaba kwi mbən kyay kwi anó zənə aghəy iniŋ yə were ighəy kwi ukən chuŋ u ŋuw imbey.

Filipi 1:16

Umbənə umə ghayn nə fiŋ chuŋ umbə aghəy nigə nə iwuʼi damugə mbən kyay kwi ayə ghayn damugə Nwiye naʼa afaʼa iniŋ kwi a tey kwi ukən chuŋ amə anó asiʼ akə ma unó figi.

Filipi 1:5

damugə mbən were aŋu ni saŋa ukən chuŋ da Kristo. Mbən ti ni ghəy nigə inoʼo akə amaʼazənə mbən zəw ukən chuŋ wu ibeni. Mbən yə bugə ghəy nigə izaʼa pey akinine.

Filipi 1:7

Yə kaŋa koʼ kwi a kono nigə da umbən jum damugə mə kaŋa wuʼe ngwən ungɨŋ inyi fiŋ azəd. Nwiye yə aghəy ichuŋ ina uma jum akə inji zənə mba mə faʼa abú uŋwən. U yə aghəy nigə akinine ŋunə amə andəŋ, numugə amə ghayn kwi ukən chuŋ amə asiʼ akə ma unó figi. Foro akə Amaʼazənə mə́ mə aghəy kwi ba beni unó mbənə umə ungɨŋ ukən chuŋ.

Filipi 2:20

Cha wa chini iniŋ ni uŋwən nu u mə kaŋa kaba kwi mbən chomo anji chuŋ.

1 Timoti 1:18

Ayə ghayn inigə, ungwə Timoti uŋu ŋwə̂, kwi ngwə ghəy unó mbəŋ, ibeni aboʼo unó mbənə wa ukən Nwiye ghayn da ngwə. Ngwə bə beni aboʼo unó mbəŋ, ngwə yi zoŋ akə inji zənə ikoʼoro da ukən chuŋ ŋunə amə uyi asiʼ.

1 Timoti 1:2

Ayə ŋwaʼanayn inigə ungwə Timoti, nu amə uŋu ŋwə̂ asiʼ anji zənə mba beni Kristo. Nwiye Mbaʼ ni Asɨyisəg Yeso Kristo ghəy ichuŋ inen, idiri ngwən nibi naʼ aborobod inen.

1 Timoti 4:6

Ngwə bə aghəy unó mbənə a ghayn inigə da ba Kristo nibi beni aboʼo inayn zəŋ nu ighəy kwi ibeni kara nibi beni aboʼo asiʼ ŋunə ngwə si zəw, nji ngwə yi mə kaŋ wa afaʼa Yeso Kristo chuŋ.

2 Timoti 1:2

Ayə ŋwaʼanayn inigə u ngwə Timoti, nu amə uŋu ŋwə̂ nu awuʼi kwaʼa azəd. Nwiye Mbaʼ nə ungwa Asɨyisəg Yeso Kristo ghəy ichuŋ inigə, diri ayə nibi naʼ aborobod inigə.

2 Timoti 3:10

Amə da ayə, u ngwə Timoti, ngwə si kyay unó mbənə mə tey. Ngwə si kyay umugə mə mə́ aghəy unó. Ngwə si kyay unó mbənə mə́ mə kaba ighəy. Ngwə si kyay inji zənə mə́ zi fiŋ igun Nwiye. Ngwə si kyay inji zənə mə́ mə yimə fiŋ. Ngwə si kyay inji zənə mə́ mə iwuʼe ba. Ngwə si kyay unugə mə yimə aton ingəʼ.

Titus 1:4

Ayə ŋwaʼanayn inigə Tayitus nu amə uŋu wa asiʼ anji zənə umugə nə uŋwən mba beni Kristo. Nwiye Mbaʼ nə Yeso Kristo ŋunə yə chi ngwa angəʼ aghəy chuŋ inigə nibi naʼa aborobod inigə.