Filipi 2:2 - Aŋwaʼanayn Uso Fey

² Anigə mbən yə́ ghəy kwi iwuʼi sugi ungɨŋ inyi fiŋ akə umugə mbən mə kono aba akə fiŋ feyn, umugə mbən mə wuʼe u mbən unya aba akə fiŋ feyn, chomo aba akə anó feyn nibi kono aba anó feyn.

Filipi 2:2 Iomraidhean Croise

Ukən chuŋ da Yeso Kristo anji zənə Jon ŋwaʼanayn 3:29

Wa ŋunə ugən mə uma, amə unom ugən. Uzi unom ugən mbə təm iyad zəw umugə ugən mə inayn, umbi wuʼ kwaʼa azəd damugə u zəw igəg unom ugən awu. Anigə iwuʼi kaŋa sugi ungɨŋ inyi fiŋ.

Afaʼa ba tom Kristo 1:14

Úŋwen uma ujum mə ka bomə ichaʼara Nwiye nə fiŋ feyn. Mbə́ mə́ bumə ni mbə ayey foro ingwo mbi Yeso foro inya anóm ma.

Afaʼa ba tom Kristo 2:1

amaʼazənə aney pentakos zaʼa, ba jum mbənə u beni Kristo fere asin feyn.

Afaʼa ba tom Kristo 2:46

Uney ujum, mbə́ mə́ ŋuw fere ambəŋ Nwiye. Mbə́ mə́ bɨʼere ingəŋ ungɨŋ na uma iŋuw fere jəgə ni iwuʼi foro nə fiŋ chuŋ,

Afaʼa ba tom Kristo 5:12

Ba-tom Kristo aghəy unwini unó nə uyere unó nanaʼ akaʼa ba wu. Anigə ba mbənə mbə́ beni Kristo ŋu fere abəŋe na zənə mbə́ mə́ tiya akə ina solomon.

Roman 12:16

Mbən chomo akə anó feyn nə umbən unya. Ka mbən mə komo ngwən iguwə, asɨmə mbən ni bumə nə ba kukuŋe. Ka mbən kono ngwən kwi mbən yə nə iwe chigə ba ujum.

1 Korintiyans 1:10

Umbuŋ unya, ayə boʼo ubugə inen akə ukum ungwa Asɨyisəg Yeso Kristo kwi mbən chomo akə anó feyn da ka aghaba nyi ma injən akaʼa. Asɨmə, mbən zi itən fiŋ aba akə anó feyn, anigə ibeni aba akə uchəw feyn.

2 Korintiyans 13:11

Iŋu mara, umbəŋ unya, mbən chomo anji chuŋ. Mbə kweme izən kwi mbən ni aghəy aba unó mbənə u boŋo. Mbən zəw unó mbənə amə boʼo ubugə ghayn inen. Mbən siy injən anó aba akə anó feyn nibi chomo akə aborobod. Mbən bə aghəy nigə, nji Nwiye ŋunə umə naʼa aborobod yi mə nə umbən.

2 Korintiyans 2:3

Mə ŋwaʼanayn aŋwaʼanayn zəŋ akə inji zənə a ŋwaʼanayn, damugə abə zaʼa, ka ba mbənə umi ghəy kwi iwuʼi sugi ungɨŋ inyi fiŋ beŋe gha ghəy uma akənə mə ungɨŋ inyi fiŋ. Mə kyay asiʼ da umbən jum kwi iwuʼi bə sugi ungɨŋ inyi fiŋ, iyi nibi sugi ungɨŋ itən.

2 Korintiyans 7:7

Akə aba da mugə Tayitus zaʼa nu yə zi ikay ina, yə ghayn ina umugə mbən mə kaba i zən aŋu. Yə ghayn da mugə mbən mə nə akənə akə unó mbənə mbən mə ighəy. Yə nibi ghayn da umugə mbən mə zi ikay ighəy unó mbən mə́ ghayn inen. Unó mbəŋ aghəy iwuʼi sugi ungɨŋ inyi fiŋ.

Filipi 1:4

Akə umaʼ jum mbənə amə chaʼara Nwiye da umbən ujum, ayə chaʼara nə iwuʼi ungɨŋ inyi fiŋ,

Filipi 2:16

Mbən yimə inayn zənə imə naʼa itəni boʼo ami mə komo iguwə da ngwən aney zənə Kristo mi wene zaʼa kwi cha a di nod aŋu ibuw, cha inyi afaʼa di chigə ma ibuw.

Filipi 2:20

Cha wa chini iniŋ ni uŋwən nu u mə kaŋa kaba kwi mbən chomo anji chuŋ.

Filipi 4:2

Ayə boʼo ubugə inigə ungwə Eudiya, nibə boʼo inigə ungwə Sintike kwi mbən chomo akə anó feyn numugə mbən mə ba Asɨyisəg.

Kolose 2:5

Ka ney cha aŋu aboʼo injən akə nyə̂ inyo, asɨmə ayə aboʼo injən akə azugə. Anigə ayə wuʼe aŋu izən kwi mbən yə chomo akə inji chuŋ. Mə nibi wuʼe aŋu izən kwi mbən yə nə ibeni kaka igun Kristo.

2 Tesaloniyans 2:13

Umbuŋ unya nu Asɨyisəg wuʼi azəd, mba yə naʼa yə beni ayə abú Nwiye ighari jum da ngwən. Damugə Nwiye choʼo ngwən inoʼo Amaʼazənə isəg ti kwi mbən du angəʼ anjim ikay zənə Azugə Nwiye aghəy mbən zayn foro anjim mugə mbən beni asiʼ.

2 Timoti 1:4

A yə kono isɨy tənə ngwə mə chwey ama zənə mə sayn ayə, anigə ayə kaŋa kaba kwi nji mə wene zaʼa zən ayə da iwuʼi sugi ungɨŋ inyi fiŋ.

Filemon 1:20

Anigə uŋu unya, ayə kaba kwi ngwə ghəy ichuŋ zəŋ iniŋ akə ukum Asɨyisəg. Kaŋa izwuri inyi fiŋ numugə mba mə akə ibumi nə Kristo.

2 Jon 1:4

Mə kaŋa iwuʼ aŋu izəw kwi u mbən buŋ moʼ mbə beni asiʼ aba anji zənə mbaʼ ghayn ina.

3 Jon 1:4

Cha iwuʼi chini ungɨŋ inyi fiŋ chigə akə umugə azəw kwi umbəŋ buŋ mbə yeŋ akə asiʼ.