Filipi 2:16 - Aŋwaʼanayn Uso Fey

¹⁶ Mbən yimə inayn zənə imə naʼa itəni boʼo ami mə komo iguwə da ngwən aney zənə Kristo mi wene zaʼa kwi cha a di nod aŋu ibuw, cha inyi afaʼa di chigə ma ibuw.

Filipi 2:16 Iomraidhean Croise

Matəw 10:27

Unó mbənə amə ghayn inen ambiri, mbən ghayn Amaʼazənə usin mə zayn. Unó mbənə amə ijumə inen, mbən təm indəm na isaʼ.

Ukən chuŋ da Yeso Kristo anji zənə Luk ŋwaʼanayn 12:8

“Ayə ghayn inen kwi wa ŋunə ubeni ifigi ba kwi uŋwən mə uŋu wa, Ŋwə̂ Wa yi beni ifigi mbə angəd Nwiye kwi yə kyay uŋwən.

Ukən chuŋ da Yeso Kristo anji zənə Jon ŋwaʼanayn 6:63

Amə Azugə Nwiye amə naʼa itəni. Cha wa inyoŋ atəw mə naʼa ma itəni. Inayn zənə a si nayn inen iyə nə Azugə Nwiye, iyə nibə naʼa itəni.

Ukən chuŋ da Yeso Kristo anji zənə Jon ŋwaʼanayn 6:68

Sayimon Pita ywiri abú uŋwən kwi, “Asɨyisəg, mba mi ŋu abú ingwa? Aba ugwə mə nə inayn zənə imə naʼa itəni.

Afaʼa ba tom Kristo 13:26

U mbəŋ unya anóm boŋ aghaŋ Abraham, nə ba mbənə akaʼa ma ba Jû nu umə wumini Nwiye, ukən ŋunə Nwiye chi ba angəʼ amə ina,

1 Korintiyans 1:8

Uŋwən yi aghəy kwi mbə təm ikay iŋu pey akə inwi, da cha umi zən ma anó iboŋ moʼ igun inen anəy zənə umi wene izaʼa.

1 Korintiyans 9:26

Anigə, cha amə noro ibuw ibuw. Cha amə zoŋo aŋu ni wa ŋunə umə komo usin ka.

2 Korintiyans 1:14

Cha mbən di si tana kyay ngwa. Mbən yi tana kyay umbən utəw zayn aney zənə Asɨyisəg Yeso mi gha wene zaʼa, da mbən komo iguwə da ngwa anji zənə mba mə komo da ngwən.

Galetiya 2:2

Mə ŋu awu damugə amə Nwiye yə tey iniŋ kwi aŋuw. Mə ŋu pey yi toʼoro ukən chuŋ ŋunə mə ghayn abú ba mbənə akə ma ba Jû. Mə toʼoro aba abú ba mbənə umə cha ifere tənə imə Yerusanem. Mə aghəy nigə da afaʼa zənə amə faʼa nə afaʼa zənə mə si faʼ, ka unəy ma kwi amə afaʼa ibuw.

Galetiya 4:11

Ifiŋ yə toboro aŋu da ngwən. Yə chomo ni kwi umbəŋ ufaʼa jum da ngwən ayə chigə atəw ukow.

Filipi 1:10

Boʼo mbən chiyə azənə atana boŋ. Mbən bə aghəy nigə, mbən yi chomo uzayn zayn foro kwi cha ba mi ghayn anó iboŋ da ngwən aney zənə Kristo ni wene izaʼa.

Filipi 1:6

Mə kaŋa kyay kwi Nwiye ŋunə yə ti afaʼa chuŋ zəŋ ungɨŋ inen u yi ighəy kwi mbən faʼa ŋu mara aney zənə Yeso Kristo mi wene izaʼa.

1 Tesaloniyans 2:19

Amə da umbən nu mba mə siyə ita ikono ni nəmə, ni wuʼe ngwa komo iguwə ifigi Asɨyisəg Yeso amaʼazənə umi zaʼa.

1 Tesaloniyans 3:5

Amə cha inji iniŋ igha yimə fiŋ, amə aton zənə a cha Timoti inen kwi u zaʼa zən kwi mbən mə zi fiŋ igun Kristo. Mə ghəy nigə damugə ayə goro kwi ighari moʼ Satan kwaʼara ngwən anigə ighəy afaʼa zənə mba faʼa achigə ibuw.

Hibru 4:12

Inayn Nwiye yə ikay. I yə aghəy anó zənə Nwiye kaba. I yə inya chigə ubey injim ibugə. Uyə wa inyi ungɨŋ iŋú pey asin zənə Azugə mə ŋuw bumə ni itəni. Uyə nibi ŋuw pey asin zənə ungəd awu mə kuŋ. Uyə saʼa ikoni ba nibə saʼa unó mbənə umə ungɨŋ fiŋ ma.

1 Pita 1:23

Mbə si ibə́ ngwən ighari chini da mbən jəg itəni fey anjim inayn Nwiye zənə imə ikay. Cha itəni zənə imə abú mbaʼ nu umə kuw. I yə noʼo abú mbaʼ nu cha umi noʼo iku.

1 Jon 1:1

Mba yə ŋwaʼanayn aŋwaʼanayn zəŋ inen da Inayn zənə imə aghəy kwi ba jəg itəni. Inayn wu mə́ awu ki Nwiye sə tana isəg. Mba si zəw uŋwən u nayn ina. Mba si kaŋa zən uŋwən ni inja aghɨ. Mba zən uŋwən nigə, nibi bira akə umba ubugə.

Uney inwi 22:17

Azugə nə Ugən ghayn kwi, “Zaʼa!” Ba jum mbənə u zəw u ghayn kwi, “Zaʼa!” Ba jum mbənə adoʼ zomo abú úŋwən nu u zaʼa kaba une, zaʼa nugə une mbənə umə naʼa itəni nu cha ngwə mi naʼa ukab.