Filipi 2:15 - Aŋwaʼanayn Uso Fey

¹⁵ da ka ba ghayn uma unó iboŋ da ngwən, foro da mbən zayn chomo ni buŋ Nwiye nu cha ifana anó moʼ igun inen. Ifana unó yə akaʼa ba mbənə umə ghəy unó iboŋ nibə ighəy unó nu cha ukoʼoro. Mbən chomo akaʼa úŋwən ni bigə numugə itənə mə bigə ungɨŋ isəg.

Filipi 2:15 Iomraidhean Croise

Matəw 10:16

Yeso ŋu imbəy ighayn kwi, “Mbən zəw! Ayə cha ngwən isəg mbən chomo ni injəg akaʼa ifuŋ. Mbən iwe ngwən ni ijugə, ni nara ni buŋ.

Matəw 17:17

Amaʼazənə yə ghayn nigə, Yeso wyiri kwi, “Cha umbən ba kinine mə ngwən ni ibeni fiŋ, mbən yə aghəy unó ni cha udi koʼoro. Amə unun amaʼ ngiya ami chomo nə umbən? Ami yimi fiŋ nu mbəŋ akə unun amaʼ ngiya? Mbən num ŋwə̂ anom yugə zaʼa naʼ iniŋ.”

Matəw 5:45

da mbən mi mə buŋ abú úŋwen Mbaʼ ŋunə umə azobo. Damugə u yə aghəy achugi bigə abú ba mbənə umə aghəy unó iboŋ foro abú ba mbənə umə aghəy unó chuŋ. Uyə aghəy imbəŋ choʼo abú ba mbənə umə aghəy unó iboŋ foro abú ba mbənə umə aghəy unó chuŋ.

Matəw 5:48

Anigə mbən ni aghəy unó nu u boŋo mara numugə ungwen Mbaʼ ŋunə umə azobo məŋi.”

Ukən chuŋ da Yeso Kristo anji zənə Luk ŋwaʼanayn 1:6

Uŋwen mə́ aghəy unó ni ukəʼə ifigi Nwiye. Mbə́ mə́ sɨyi ikɨy nə unoʼo Nwiye anji chuŋ. Cha mbə́ gow ma anó moʼ.

Ukən chuŋ da Yeso Kristo anji zənə Luk ŋwaʼanayn 6:35

Anigə mbən ni wuʼ umbən ba abana sə ighəy ichuŋ abú úŋwən. Mbən ni choʼo ukab inaʼ abú ba mbənə mbən kono kwi cha umi gha inaʼ uma inen, mbən bə aghəy nigə, mbən yi mə nə u choʼo afaʼa kyayn. Anigə mbən yi mə buŋ Nwiye ŋunə ukwey chigə isəg damugə u yi aghəy ichuŋ abú ba mbənə cha umə naʼa uma yə mbeni ayə abú uŋwən foro abú ba mbənə umə íkyúgə.

Ukən chuŋ da Yeso Kristo anji zənə Jon ŋwaʼanayn 5:35

Jon chomo ni anam amə bəŋə. Mbən wuʼ i chomo ungɨŋ uzayn zayn ŋunə yə ghəy kwi u tey. Anigə mbən chomo aba akə ŋwə̂ maʼa moʼ.

Afaʼa ba tom Kristo 2:40

Pita ghayn inayn chini nanaʼ abú úŋwən chede úŋwən ghayn kwi, “Mbən chi itən inyo ungɨŋ ingəʼ zənə imi inyi igun ba mbənə umə́ aghəy unó iboŋ.”

Afaʼa ba tom Kristo 20:30

Amaʼ yi zaʼa nu ba mi du injən kaʼa, ni figə unó, da ighəw ba mbənə u beni Kristo, kwi u ŋuw aboʼo úŋwən.

Roman 16:19

Ba ujum si zəw numugə mbən mə wumine Asɨyisəg. Amə aton zənə iwuʼi sugi ungɨŋ inyi fiŋ da ngwən. Ayə kabay kwi mbən mə nə iwe imə aghəy aba unó chuŋ foro kwi mbən chomo ni ba nu cha udi kyay ighəy anó iboŋ.

1 Korintiyans 1:8

Uŋwən yi aghəy kwi mbə təm ikay iŋu pey akə inwi, da cha umi zən ma anó iboŋ moʼ igun inen anəy zənə umi wene izaʼa.

2 Korintiyans 6:17

Asɨyisəg ghayn kwi, “Mbən duw akaʼa uma Anigə ighaba aboʼo úŋwən. Ka mbən mə ngwən nə anó moʼ ighəy nə aghəy zənə cha adi zayn Anigə ayi num ngwən.

Efesus 5:27

Yə aghəy nigə da inum ifere wu ichomo anji chuŋ ifigi ma nu imə meŋene, cha indoro moʼ igun, kə anó moʼ nu aghəy kwi ka izayn uma, asɨmə imə nə uzayn zayn nu cha anó amə aghəy u ghayn da iŋwən.

Filipi 1:10

Boʼo mbən chiyə azənə atana boŋ. Mbən bə aghəy nigə, mbən yi chomo uzayn zayn foro kwi cha ba mi ghayn anó iboŋ da ngwən aney zənə Kristo ni wene izaʼa.

Filipi 3:6

Mə zi atəw akə unó moʼ, mə́ mə nwini inya ughəw ba Kristo. I təm akə inji zənə unoʼo tey, cha wa di si noʼo ghayn ma anó iboŋ moʼ da aŋu.

1 Tesaloniyans 5:23

Nwiye ŋunə umə naʼa aborobod u ghəy ma amboŋ kwi mbən zayn. Nwiye ghəy kwi azugə nə itən fiŋ foro itən nyə̂ inyo ghəy unó mbənə ukoʼoro da ka wa moʼ zən ma anó iboŋ igun inen akə amaʼazənə ungwa Asɨyisəg Yeso Kristo mi wene izaʼa.

1 Timoti 3:10

Ba mbənə u si beni Kristo u mbi nibi dey zweʼe úŋwən. Umbə zweʼe zən kwi cha anó boŋ moʼ igun uma, u si sayn kwi u faʼa ni ba umə ywere ungɨŋ ufere ba Kristo.

1 Timoti 3:2

Anigə atəw ŋunə umə cha ufere ba Kristo amə wa nu cha ba mə ghama uŋwən. Umə aba nə uyey feyn, amə aboroy wa. U kyay umugə iyimi inyo, amə wa umə wumine inyo. U ni num ba isoʼ ingɨŋ na ma. U kyay umugə itey unó.

1 Timoti 5:14

Anigə ayə ikɨy ayey uti mbənə cha udi si nun ugha nam, ibə́ buŋ, ni iney ba mbənə umə ungɨŋ ina uma, da ka ba mə umə nə aza moʼ ighayn anó iboŋ da ngwa,

1 Timoti 5:20

Wa moʼ bə sə aghəy unó iboŋ nu cha umə kaba ibeŋe fiŋ ima, nayn abú uŋwən ifigi ba Kristo jum da abúʼə ba ami igəd imə aghəy unó iboŋ.

1 Timoti 5:7

Ghayn unó mbəŋ a ghayn inigə da ka wa moʼ ghayn ma anó iboŋ moʼ igun uma.

Titus 1:6

Wa ŋunə umə cha ifere ba Kristo amə wa ŋunə cha ugow ma anó moʼ. Amə wa ŋunə umə aba nə uyey feyn. Buŋ ma u beni Kristo. U ka uma buŋ nu umə ighəy abigə kə ighəy izəw.

Titus 2:10

Ka umə ijiyə uma aghəy moʼ. Úŋwən tey kwi mbi mə ba chuŋ nibi tey kwi mbi yə faʼa akə iti fiŋ jum. Umbi aghəy nigə da itey kwi akə unó jum mbi yə aghəy ba wuʼ ni zəw inayn Nwiye ŋunə yə́ chi ngwa angəʼ.

Titus 2:15

Ghayn unó mbəŋ, num ikay jum zənə Kristo naʼa inigə izi ikay abú ba awu, nibi num inayn wu ikyayn abú úŋwən. Ibeni ayə kwi wa moʼ tebe ayə.

Hibru 7:26

Ukudu atəw abú ba faʼa ambəŋ Nwiye ŋunə si kaŋa ko ina. Uŋwən yə zayn, cha ibɨy moʼ igun ma kə cha anó iboŋ moʼ igun ma, cha uŋwən akaʼa ba unó iboŋ. Nwiye si nibi num uŋwən azobo.

1 Pita 2:12

Itən ighəy unó akaʼa ba mbənə akə ma ba Jû ni boŋo, da ka ney udi ghayn ma kwi mbən mə ba mbənə umə ighəy unó iboŋ, umbi zən unó chuŋ mbənə mbən mə ighəy anigə iyere Nwiye anəy zənə umi wene izaʼa isaʼ isəg.

1 Pita 2:9

Amə umbən, mbən mə unebey ba ŋunə Nwiye si choʼo. Mbən mə ba ambəŋ Nwiye nu umə faʼa abú ufon kyayn. Mbən mə abey nu amə zayn. Mbən mə ba Nwiye boʼo ighayn uyere unó mbənə u si aghəy. Amə uŋwən yə tiya ngwən ungɨŋ isəg ifiri anigə izi ungɨŋ isəg zayn zayn zənə u naʼa abú ba.

2 Pita 3:14

Anigə umbəŋ unya nu a wuʼi kwaʼa azəd, umugə mbən mə nəmə unó mbəŋ, mbən zi ikay izən kwi mbən chomo akə uzayn zayn da ka Nwiye zən ma anó iboŋ moʼ igun inen. Mbən chomo akə aborobod nə Nwiye.

Uney inwi 2:5

Kono inji zənə ngwə məŋi ki si gow! Beŋe injə fiŋ sə aghəy unó mbənə ngwə dey aghəy imbey. Ngwə bə ton ighəy nigə, a yi zaʼa inigə pey yi chi aghəy zənə ngwə mə niŋe anam igun asin zənə amə akuŋ.

Uney inwi 3:9

Zəw, a yi aghəy kwi ba figə unó mbənə umə́ ungɨŋ ufere ba Satan zaʼa guni asəy inji ifigə anigə ibeni kwi mə wuʼ ayə. Úŋwən mbə ghayn kwi umə ba Jû, asɨmə cha umə ma ba Jû.