Filipi 2:14 - Aŋwaʼanayn Uso Fey

¹⁴ Mbən ghəy unó jum nu cha mbən mə zuʼe kə nu cha mbən mə taŋara,

Filipi 2:14 Iomraidhean Croise

Matəw 20:11

Amaʼazənə mbə́ num ukab wu, mbə ti ni zuʼe wa mbayn wu,

Ukən chuŋ da Yeso Kristo anji zənə Mak ŋwaʼanayn 14:5

Mbə mi fənə ungəd mbəŋ akə ukab nu umi chigə akɨ tosen ta anigə ina ukab wu abú ba ukwaŋ.” Mbə ghayn nigə inya abú ayey wu.

Ukən chuŋ da Yeso Kristo anji zənə Mak ŋwaʼanayn 9:14

Amaʼazənə Yeso nə mbə məŋə-anó mbənə mbə́ mə́ nə uŋwən swiʼi awu igun ugum iŋu kuw mbə məŋə-anó mbi, mbə́ pey yi zən ikwiy ba nu yə kad mbə məŋə-anó wu. Mbə nibi zən mbə ataʼa ba akə unoʼo nu umə taŋa nə úŋwən.

Ukən chuŋ da Yeso Kristo anji zənə Luk ŋwaʼanayn 5:30

Ba Farasay ni mbə ataʼa ba akə unoʼo moʼ ni amə ba akə unóŋ wu mə́ awu. Mbə́ biri abú mbə́ məŋə-anó Yeso kwi, “Mbən mə jəgə nugə ni ba mbənə umə fere ukab tag foro nə ba unó iboŋ da ngiya?”

Afaʼa ba tom Kristo 15:2

Pol nə Banabas nyi akə ataŋa kaka nə ba wu da anó zəŋ. Anigə mbə́ choʼo Pol nə Banabas nə ba Kristo chini kwi u koʼo iŋu á Yerusanem iŋu zən ba tom foro abú ba mbənə umə cha ufere ba Kristo da anó wu.

Afaʼa ba tom Kristo 15:39

Anó zəŋ aghəy uni taŋa kwaʼa akə ikay anigə u ghaba. Banabas num mak ú nyi abaŋ ugwi iŋuw Sayiprus,

Afaʼa ba tom Kristo 15:7

Amaʼazənə mbə́ si taŋ akə amaʼ sá, Pita noʼ təm atey ighayn abú úŋwən kwi, “Umbuŋ unya mbən kyay kwi mə akə amaʼa moʼ nu gha si sá, Nwiye choʼo aŋu injəŋ akaʼa kwi aghayn ukən uchuŋ abú ba mbənə akaʼa ma ba Jû da u zəw ibeni Nwiye.

Afaʼa ba tom Kristo 6:1

Ungɨŋ unəy wu, umugə unun ba ŋunə u beni Kristo mə ikwey ŋu imbey, ba Jû mbənə umə nayn inayn Grik mə́ zuʼe kwi cha ba Jû mbənə u mə nayn inayn Hibru mə́ iney uma ayey uti ma anji chuŋ amaʼazənə umə ghaba u ghəy jəgi igun aney.

Roman 12:18

Mbən aghəy unó ujum izən kwi mbən yə chomo akə aborobod nə ba ujum.

Roman 14:1

Mbən num ba mbənə ibeni fiŋ ma mə ibó, asɨmə ka mbən mə taŋara ngwən nə úŋwən da ikono moʼ zənə imə abú úŋwən.

Roman 16:17

Umbuŋ unya, ayə boʼo ubugə inen kwi mbən iwey ngwən ni ba mbənə umə kaba izi aghaba akaʼa ba Kristo foro kwi ufaba inji. Umbə aghəy nigə da mbən ton unó mbənə mbən si kweme. Ka mbən ŋu ngwən iyad uma,

1 Korintiyans 10:10

Ka mba mə ghama ngwa numugə úŋwən uma moʼ mə ghama. Anigə Nwiye cha angəd ŋunə umə zwere ba kwi uŋuw zwere úŋwən.”

2 Korintiyans 12:20

Ayə goro kwi amaʼazənə ami zaʼa, cha ami zən ngwən akə nji zənə mə́ mə kaba kwi mbən məŋi. Ayə nibə goro kwi cha mbən mi zən aŋu akə inji zənə mbən mə kaba kwi a məŋi. Ayə goro kwi amaʼazənə ami zaʼa ba mbi mə nə ataŋara, umbi mə ighəy adey, umbi mə isə itəm, umbi mə tono inaʼ aghəy abú ba, umbi mə jimə uma, umbi mə iweŋ ukwey, umbi mə ibeʼere inyo, umbi mə nibə ighəy abúri.

Galetiya 5:15

Ka mbən chomo ngwən ni nyə̂ nya nya nu imə nomo nibə koro nyə̂ chini. Mbən weŋ ngwən nji mbən yi niy ngwən umbən umbən.

Galetiya 5:26

Ka mba mə komo ngwa iguwə, kə ghəy kwi ba chini usɨy itəm, kə ighəy adey.

Filipi 2:3

Ka mbən ghəy ngwən anó chomo ni kwi aba umbən mi mə nə ughəy. Ka mbən nibi ghəy ngwən anó chomo ni kwi mbən yə beʼere inyo. Asɨmə mbən ki swiʼiri inyo kono kwi ba chini chigə ngwən.

1 Tesaloniyans 5:13

Mbən wumini úŋwən nibi tey kwi mbən iwuʼ úŋwən da unó ujum mbənə umə ghəy inen. Mbən chomo akə aborobod nə umbən unya.

1 Tesaloniyans 5:15

Mbən zən kwi ka wa moʼ akaʼa injən wiy ma ibɨy igun ibɨy, asɨmə mbən kweme anó imə ghəy ichuŋ abú wa feyn feyn, nibi ghəy abú ba jum.

Hibru 12:14

Mbən zi ikay ighəy kwi mbən chomo akə aborobod ni ba jum nibi zən kwi mbən chomo akə uzayn zayn, damugə cha wa moʼ mi zən Asɨyisəg nu cha umə akə uzayn zayn.

Jems 1:20

damugə Amaʼazənə wa mə isə itəm, cha umi aghəy ma anó zənə Nwiye mə kaba.

Jems 3:14

Asɨmə ngwə mbə mə nə ibuw iboŋ, kaba imə numə ughəy jum abú inji inyo, i ton ayə unó asiʼ da imə komo iguwə da inji iwe.

Jems 5:9

Umbəŋ unya, mbən mə inayn ngwən da unya mbi da ka Nwiye saʼa ma ngwən. Mbən zəw, wa ŋunə umi saʼa isəg yə sə baʼa pey.

1 Pita 3:11

U waʼ unó iboŋ beŋe sə aghəy amə unó chuŋ. U kaba inji jum da ichomo akə aborobod ni ba jum.

1 Pita 4:9

Mbən num umbən unya ungɨŋ itən na. Asɨmə mbən bə num, ka mbən mə zuʼe ngwən.

Aŋwaʼanayn zənə Jud aŋwaʼanayn 1:16

Ba mbəŋ mbə́ zuʼe, cha anó moʼ boŋo abú úŋwən. U mbə beni aboʼo unó mbənə nyə̂ inyo uma mə fana. Umbə num ichəw uma komo iguwə da inyo uma. Ubə nibə ghayn inayn nəmə nəm da imə nə ughəy mbənə ukaba.