Filipi 2:13 - Aŋwaʼanayn Uso Fey

¹³ Mbən kyay kwi, Nwiye yə faʼa ungɨŋ inen ighəy kwi mbən ghəy unó chuŋ mbənə u kaba, nibi iwuʼ imə ghəy unó wu.

Filipi 2:13 Iomraidhean Croise

Ukən chuŋ da Yeso Kristo anji zənə Luk ŋwaʼanayn 12:32

Buŋ injəg, mbən mə goro ngwən. Mbə́ ghayn kwi ungwə mba yə wuʼe ma inaʼ anó ufon inen.

Ukən chuŋ da Yeso Kristo anji zənə Luk ŋwaʼanayn 2:14

“Mba wumini Nwiye ŋunə umə azobo Aborobod ma a nyi igun ba mbənə u ghuʼi úŋwən Aki igun isəg!”

Ukən chuŋ da Yeso Kristo anji zənə Jon ŋwaʼanayn 3:27

Jon ywiri kwi, “Cha nji amə aghəy wa mə nə aghəy moʼ nigə kwi amə Nwiye naʼa abú uŋwən.

Ukən chuŋ da Yeso Kristo anji zənə Jon ŋwaʼanayn 6:45

Ba ukən Nwiye ŋwaʼanayn kwi, ‘Nwiye yi tey unó abú úŋwen uma jum.’ Ba jum mbənə u zəw anó zənə Nwiye ghayn nibi kweme anó abú uŋwən umbi zaʼa aboʼo inyi.

Ukən chuŋ da Yeso Kristo anji zənə Jon ŋwaʼanayn 6:65

Anigə yə́ ghayn kwi, “Zəŋ amə aton zənə mə ghayn kwi cha wa moʼ amə ghəy u zaʼa iniŋ nu akə ma Mbaʼ u beni kwi u zaʼa.”

Afaʼa ba tom Kristo 11:21

Ika Asɨyisəg mə igun ma ighəy akama ba kyayn beni anó zənə mbə́ mə́ ghayn anigə izi fiŋ ma igun Asɨyisəg.

Roman 12:3

Numugə Nwiye si aghəy ichuŋ iniŋ, ayə ghayn abú ba ujum injən kaʼa kwi, ka ukono ma kwi yə chigə mugə u məŋi, asɨmə wa feyn feyn kono anó da inyo ma akə inji zənə ikoʼoro. Wa feyn feyn kono aba akə iji zənə Nwiye naʼa ibeni fiŋ abú uŋwən.

Roman 9:11

Asɨmə ki Rebeka sə ŋu ibə́ úŋwən, kə buŋ wu sə ŋu ghəy anó chuŋ kə anó iboŋ, anigə amə da anó zənə Nwiye choʼ ba ma ŋu imbey,

Roman 9:16

Anigə amə kwi, cha Nwiye mi diri ma ba anji zənə ba inyoŋ atəw kaba, kə da anó moʼ zənə u ghəy. Nwiye yi idiri ba anji zənə u wuʼi.

1 Korintiyans 12:6

Inji ni ifaʼ itə awu ikudikud, asɨmə aba Nwiye feyn mə ghəy kwi ba jum faʼa afaʼa zənə u naʼa abú úŋwən.

1 Korintiyans 15:10

Amə wa ŋunə amə uŋwən anjim ichuŋ Nwiye. Cha ichuŋ zənə Nwiye ghəy iniŋ chigə ma ibuw. Asɨmə mə faʼ akə ikay chigə úŋwən uma ujum. Akaʼa ma akə inyi ikay nu mə́ mə faʼa, asɨmə Nwiye chigə anjim ichuŋ ma ghəy afaʼ.

2 Korintiyans 3:5

Cha mba mə ghəy unó mbəŋ akə inja ikay. Amə Nwiye naʼa ikay inen kwi ba ghəy.

Efesus 1:11

Nwiye ghəy unó jum anji zənə yə si tana nibi num. Yə choʼo ngwa akə bumi ni Kristo kwi mba mə umbi ba aba anji zənə yə kaba nibi inum.

Efesus 1:5

Nwiye si nibi isiy kwi u yi num ngwa akə umbi buŋ anjim Yeso Kristo. Yə isey nigə anji zənə yə wuʼ a nibi boŋ abú uŋwən.

Efesus 1:9

Nwiye mə nə iwe jum ikyay unó jum ighəy kwi mba kyay unó mbənə mbə noy. Yə ghəy nigə anji zənə yə kaba foro da mugə yə si tana inum akə ibumi nə Kristo.

Efesus 2:8

Numugə mba beni Nwiye, yə aghəy ichuŋ ina ichi ngwa angəʼ akə ma da mugə mba aghəy anó moʼ, amə uneʼe nu unoʼo abú Nwiye.

2 Tesaloniyans 1:11

Amə aton zənə mba mə chaʼara Nwiye ighari jum inen kwi ungwa Nwiye ghəy mbən təm koʼoro, ichomo anji zənə yə́ tiya ngwən kwi mbən chomo. Foro kwi anjim ikay ma, mbən mə́ nə u ghəy chuŋ mbənə mbən mə kaba nibi mara afaʼa zənə ibeni ghəy kwi mbən faʼa.

2 Timoti 1:9

Nwiye chi ngwa angəʼ anigə itiya ngwa kwi mba mə umbi ba da mba chomo akə uzayn zayn. Cha mba ghəy ngwa anó chuŋ moʼ ki yə sə tiya ngwa. Yə tiya ngwa damugə yə si num nigə. Yə nibi tiya ngwa da ichuŋ ma zənə yə si ghəy ina imbey anjim Yeso Kristo.

Hibru 13:21

u naʼa u ghəy uchuŋ ujum inen da mbən ghəy anó zənə ukaba. Yə chigə anjim Yeso Kristo ighəy unó mbənə u boŋo abú uŋwən ungɨŋ inen. Mba wumine Yeso akə ighari feyn. Amə nigə.

1 Pita 1:3

Mba yere Nwiye ŋunə amə Mbaʼ ungwa Asɨyisəg Yeso Kristo, uŋwən yə idiri ngwa kwaʼa inji chuŋ. Yə si ghəy kwi mba jəg itəni fey anji zənə yə zəmə Yeso Kristo. Zəŋ si ghəy kwi mba niŋi ikono ni nəmə unó mbənə Nwiye kaʼa ina.