Filipi 2:12 - Aŋwaʼanayn Uso Fey

¹² Umbəŋ unya nu a wuʼi kwaʼa azəd, umugə mbən mə wumine Nwiye amaʼazənə mə́ mə ni umbən, akinine nu cha aŋu ni umbən, mbən tana i wumini uŋwən. Nwiye si chi ngwən angəʼ, mbən ki faʼa abú uŋwən nə igoro foro iwumini.

Filipi 2:12 Iomraidhean Croise

Matəw 11:12

Iti Amaʼazənə Jon ŋunə yə́ mə́ naʼa une ghayn ukən uchuŋ izaʼa pey akinine, anó ufon azobo si kaŋa zəw ingəʼ. Ba mbənə umə nə ikay si kab inyi awu akə ikay.

Matəw 11:29

Mbən num uŋu udere anigə ikweme anó iniŋ damugə ayə boro fiŋ nibi swiʼiri inyi inyo asey mbən bə aghəy nigə, itən fiŋ iti zuti.

Afaʼa ba tom Kristo 16:29

Wa ŋunə yə mə́ nəmə ba andəŋ god anigə ikaba anam, nod inyi ungɨŋ na ndəŋ igow igun ughəw Pol nə Silas.

Afaʼa ba tom Kristo 9:6

Anigə noʼo iŋú ungɨŋ Damaskos. Ngwə bə pey awu wa moʼ yi ghayn anó zənə ngwə mi ighəy.

Roman 2:7

U yi naʼa itəni nu cha imi noʼo imey abú ba mbənə u yimə fiŋ ni aghəy ichuŋ, ni kaba uzayn zayn, ni iwumini foro unó nu cha ba mi noʼo iku.

1 Korintiyans 15:58

Anigə umbəŋ unya nu a wuʼi kwaʼa azəd, mbən təm ikay. Ka mbən beni aŋwən kwi ghəy moʼ chigə ngwən. Mbən faʼa afaʼa zənə Asɨyisəg naʼa inen. Mbən faʼa nigə ni ŋuw aba imbey. Mbən kyay kwi cha anó moʼ zənə mbən mə ghəy abú Asɨyisəg mə chigə ma ibuw.

1 Korintiyans 2:3

Umugə mə́ zaʼa inen, mə́ bó. Anigə ibó wu aghəy angəd kwi cha mə kyay ifaʼ inyi afaʼa anji chuŋ.

1 Korintiyans 4:14

Cha amə ŋwaʼanayn ŋu anó mbəŋ inen da inaʼ idere atəw inen. Ayə ŋwaʼanayn da itaʼa ngwən numugə mbən mə umbəŋ buŋ nu awuʼi kwaʼa ingəʼ.

2 Korintiyans 7:15

U yə wuʼe ngwən akinine chigə umugə yə mə wuʼe, amara mə umugə u kono umugə umbən jum mə wumine uŋwən, nibi kono umugə mbən num uŋwən nə ibó foro iwumini kyayn.

Efesus 6:5

Isob, mbən wumini umbən mbaʼ afaʼa mbənə umə akə igun isəg. Mbən guni ngwən asəy abú úŋwən nibi iwumini úŋwən. Mbən ni aghəy nigə nə injən fiŋ jum aba numugə mbən mə iwumini amə Kristo.

Filipi 1:27

Akinine anó kyayn amə kwi, mbən ni aghəy unó akə inji zənə ikoʼoro numugə ukən chuŋ da Kristo mə itey, da abə tey kwi a zaʼa zən ngwən kə kwi cha adi zaʼa, a yi zəw kwi mbən təm ikay nə fiŋ feyn foro nə ikono feyn nibi zəw kwi mbən yə zoŋo unoŋ izən kwi ba niŋi fiŋ igun Kristo anji zənə ukən chuŋ mə itey.

Filipi 1:29

Nwiye si na aza inen kwi mbən faʼa abú Kristo akə ma aba ibeni uŋwən, amə nibə da izəw ingəʼ nə uŋwən.

Filipi 1:5

damugə mbən were aŋu ni saŋa ukən chuŋ da Kristo. Mbən ti ni ghəy nigə inoʼo akə amaʼazənə mbən zəw ukən chuŋ wu ibeni. Mbən yə bugə ghəy nigə izaʼa pey akinine.

Filipi 1:6

Mə kaŋa kyay kwi Nwiye ŋunə yə ti afaʼa chuŋ zəŋ ungɨŋ inen u yi ighəy kwi mbən faʼa ŋu mara aney zənə Yeso Kristo mi wene izaʼa.

Filipi 2:19

Asɨyisəg Yeso bə beni, a yi tom Timoti inen boʼo iwuʼi sugi ungɨŋ inyi fiŋ amaʼazənə u bə wene zaʼa pey yə ghayn unó iniŋ da ngwən.

Filipi 4:1

Umbuŋ unya, mə wuʼe ngwən nibə kaŋa kab kwi a zən ngwən. Mbən yə aghəy kwi inyi fiŋ boŋo. Mbən yə nibə choʼo afaʼa akə afaʼa zənə mə faʼa. Umbuŋ unya nu a wuʼi kwaʼa azəd, mbən təm ikay numugə mbən mə akə anó feyn ni Asɨyisəg.

Filipi 4:15

Umbən ba Filipi kaŋa kyay kwaʼa anji chuŋ kwi amaʼazənə mə́ noʼo Masedoniya imə ghayn ukən chuŋ, cha ufere chini were ma aŋu, aba umbən mbən were aŋu.

1 Tesaloniyans 1:3

Amaʼazənə mba mə chaʼara Nwiye ungwa mbaʼ, mba yə kono unó mbənə mbən mə ghəy anji zənə mbən zi fiŋ igun Kristo. Mba yə nibə kono umugə mbən mə faʼa akə ikay iywere ba damugə mbən wuʼi úŋwən. Mba yə nibə kono umugə mbən yimə fiŋ mə nəmə numugə zi fiŋ igun Asɨyisəg Yeso Kristo nu umi chi ngwən angəʼ.

2 Timoti 2:10

Anigə a yə yimə fiŋ aton unó jum da ba mbənə Nwiye choʼo u duw angəʼ, nibə mə nə iwumini zənə itənə koŋ numugə mba mə akə ibumi nə Yeso Kristo.

Hibru 12:1

Umugə unóŋ uzənə kyayn kad ngwa zi ugha, anigə mba waʼ unó jum mbənə ukən inji ina, nibi waʼ unó iboŋ mbənə ukod ngwa. Mba yimə fiŋ inod inoro zənə imə imbey ina.

Hibru 4:1

Anó zənə Nwiye kaʼa ayə bugə awu. Yə ka kwi ba mbi nyi ungɨŋ asin azwere zənə u mi naʼa abú úŋwən. Anigə ba num azom da ka wa moʼ akaʼa ijən nim ma apan i nyi ungɨŋ asin azwere wu.

Hibru 4:11

Anigə mba zi ikay inyi ungɨŋ asin azwere wu boʼo ka wa moʼ sama numugə ba Izrel aghəy izəw abú Nwiye isam.

Hibru 5:9

Amaʼazənə Nwiye si aghəy jum unó mbənə yə mi ighəy, yə beŋe si aghəy kwi ba jum mbənə u wumini uŋwən u duw angəʼ akə ighari feyn.

1 Pita 2:11

Umbuŋ unya nu a wuʼi kwaʼa azəd, mbən kyay kwi mbən mə ba umə chomo abey ba chini, foro kwi mbən mə ba isoʼ ungɨŋ isəg zəŋ. Ka mbən aghəy ngwən unó mbənə nyə̂ inyo mə fana. Mbəŋ amə unó mbənə umə maʼa berd ungɨŋ itən fiŋ.

2 Pita 3:18

Asɨmə mbən ŋu imbey ni kwey ungɨŋ ichuŋ foro ungɨŋ anó ni kyay ungwa Asɨyisəg Yeso Kristo ŋunə yə chiyə ngwa angəʼ. Ba ujum wumini uŋwən akinine iŋu nwi koŋ. Amə nigə.