Filipi 2:11 - Aŋwaʼanayn Uso Fey

¹¹ Ba jum mbi beni asaŋ asaŋ Kwi Yeso Kristo mə Asɨyisəg, Da ba jum wumini Nwiye Mbaʼ.

Filipi 2:11 Iomraidhean Croise

Matəw 10:32

Yeso ŋu imbey ni ghayn kwi, “Wa ŋunə u beni ifigi ba kwi yə kyay aŋu, ayi beni ifigi uŋu Mbaʼ ŋunə umə azobo kwi mə kyay uŋwən.

Ukən chuŋ da Yeso Kristo anji zənə Luk ŋwaʼanayn 2:11

Akə̂choŋ ungɨŋ abey Dafid mbə́ bə́ wa ŋunə umi chi ba angəʼ. Uŋwen amə Asɨyisəg Kristo!

Ukən chuŋ da Yeso Kristo anji zənə Jon ŋwaʼanayn 12:42

Ka aba nigə, ba nanaʼ akaʼa ba kyayn ungɨŋ abey ba Jû beni Yeso, asɨmə cha mbə mə ghayn ma asaŋ asaŋ damugə mbə mə́ goro ba Farasay. Ba Farasay bə kyay, nji umbi fuw úŋwən ungɨŋ na bumi ba Jû.

Ukən chuŋ da Yeso Kristo anji zənə Jon ŋwaʼanayn 13:13

Mbən yə itiya aŋu kwi, ‘Ataʼa ba,’ Nibə itiya kwi, ‘Asɨyisəg.’ Anó zənə mbən aghəy a koʼoro damugə amə kaŋa wa ŋunə amə uŋwən.

Ukən chuŋ da Yeso Kristo anji zənə Jon ŋwaʼanayn 13:14

Akinine numugə úŋwən Asɨyisəg nibə foro úŋwən Ataʼa ba si səw umbən ughəw, mbən nibi səw ughəw umbən unya.

Ukən chuŋ da Yeso Kristo anji zənə Jon ŋwaʼanayn 14:13

Ayi aghəy anó moʼ zənə mbən biri akə uŋu ukum, boʼo ba wumini Mbaʼ anjim Ŋwə̂.

Ukən chuŋ da Yeso Kristo anji zənə Jon ŋwaʼanayn 14:23

Yeso ywiri kwi, “Wa moʼ ŋunə u wuʼi aŋu, uyi zəw inyi inayn nibi num. Uŋu Mbaʼ yi wuʼ uŋwən anigə umugə nə uŋu Mbaʼ mba yi ŋu abú uŋwən pey yi chomo nə uŋwən.

Ukən chuŋ da Yeso Kristo anji zənə Jon ŋwaʼanayn 17:1

Amaʼazənə Yeso si ghayn unó mbəŋ, yə́ ney azobo ighayn kwi, “Uŋu Mbaʼ amaʼ si koʼ. Wumini ungwə Ŋwə̂ boʼo ŋwə̂ nibi iwumini ayə.

Ukən chuŋ da Yeso Kristo anji zənə Jon ŋwaʼanayn 20:28

Tomas ghayn abú uŋwən kwi, “Uŋu Asɨyisəg nə uŋu Nwiye!”

Ukən chuŋ da Yeso Kristo anji zənə Jon ŋwaʼanayn 5:23

Yə ghəy nigə boʼo ba jum wumini Ŋwə̂ anji zənə umə wumini Mbaʼ. Wa ŋunə cha umə wumini Ŋwə̂, cha umə nibə wumini Mbaʼ ŋunə yə cha Ŋwə̂.”

Ukən chuŋ da Yeso Kristo anji zənə Jon ŋwaʼanayn 9:22

Mbaʼ nə ingo anóm wu ghayn ney damugə mbə́ mə́ goro ba kyayn ungɨŋ abey ba Jû damugə mbə si siy kwi umbi fuw wa moʼ ŋunə u beni kwi Yeso mə wa ŋunə Nwiye zoʼo ungɨŋ ina ibomi ba Jû.

Afaʼa ba tom Kristo 10:36

Mbən kyay ukən ŋunə Nwiye tom abú ba Izre. Inayn wu mə ghayn ukən uchuŋ da aborobod zənə Nwiye mi chigə anjim Yeso Kristo naʼa ina. Yeso Kristo amə Asɨyisəg igun ba ujum.

Afaʼa ba tom Kristo 2:36

“Anigə ba Izre ujum u kyay kwaʼa asiʼ kwi Nwiye ghəy Yeso ŋunə mbə komo azad baʼara Akə Asɨyisəg foro kwi uŋwən amə wa ŋunə Nwiye zoʼo.”

Roman 14:11

Ayə ungɨŋ Aŋwaʼanayn Nwiye kwi, “Asɨyisəg ghayn kwi numugə amə ikay, Ba jum umbi zum utəw nwi inyi figi, Ba jum mbi ghayn akə uchəw ma kwi amə Nwiye.”

Roman 14:9

Kristo ku igha izəmə da u mi mə Asɨyisəg igun uwu ba foro igun ba mbənə umə ikay.

Roman 15:9

Yə́ aghəy nigə da ba mbənə akə ma ba Jû u nibi wumini Nwiye da inji zənə yə diri úŋwən. Ayə ungɨŋ aŋwaʼanayn kwi, “Ayi yere ayə akaʼa ba mbənə akə ma ba Jû Nibi kyugway ikiy iyere ayə.”

1 Korintiyans 12:3

Ayə kaba kwi mbən kyay kwi cha wa moʼ awu umə ghayn inayn nu Azugə Nwiye naʼa abú uŋwən amə ghəy ughayn kwi, “Indon nyi igun Yeso.” Ayə nibə kaba kwi mbən kyay kwi, cha wa moʼ awu umə ghayn kwi Yeso mə Asɨyisəg nu akə ma Azugə zayn zayn ghəy kwi ughayn nigə.

1 Korintiyans 15:47

Nwiye tana anom imbey akə isəg. Anigə uŋwən amə isəy. Anom ŋunə u niŋe akuŋ noʼo azobo.

1 Korintiyans 8:6

Asɨmə ina, Nwiye aba feyn nu amə mbaʼ. Amə uŋwən tana u ghəy ujum. Mba yə ikay da uŋwən. Mba yə nibə aba nə Asɨyisəg feyn nu amə Yeso Kristo. Nwiye chigə anjim ma itana u ghəy ujum. Mba yə nibə ikay da uŋwən.

1 Pita 1:21

Mbən si chigə anjim ma beni Nwiye ni wumine uŋwən nibə naʼa iwumini abú uŋwən. Amə aton zənə mba mi niŋi ita fiŋ nibi niŋi ita ikono aba igun Nwiye.

1 Jon 4:15

Wa ŋunə u beni kwi Yeso mə Ŋwə̂ Nwiye, u yə akə anó feyn nə Nwiye. Nwiye yə nibə akə anó feyn nə uŋwən.

1 Jon 4:2

Inji zənə ngwə mi kyay Wa ŋunə Azugə Nwiye mə ungɨŋ ma amə kwi: Wa ŋunə u beni kwi Yeso Kristo zaʼa ungɨŋ isəg ni wa nyoŋ atəw, Azugə Nwiye yə ungɨŋ ma.

2 Jon 1:7

A yə ghayn anó zəŋ damugə, mbə́ tama ba nanaʼ si saŋa ungɨŋ isəg. Cha mbə́ beni uma kwi Yeso Kristo zaʼa ungɨŋ isəg ni nyə̂ inyoŋ atəw. Ukudu wa wu amə a tama ba foro wa bana Kristo.

Uney inwi 3:5

Ba mbənə u waʼa unó iboŋ ma, umbi zi ndwi fuw chomo nə úŋwən. Cha ami chi aŋu ikum uma ungɨŋ aŋwaʼanayn zənə umə ŋwaʼanayn ikum ba mbənə umi jəg itəni. Ayi ghayn ifigi uŋu mbaʼ nibi ghayn ifigi mbə angəd uma kwi, úŋwən kyay aŋu.’”