Filipi 2:1 - Aŋwaʼanayn Uso Fey

¹ Umugə mbən mə akə anó feyn nə Kristo, Yə zi ikay inen. Umugə u wuʼi ngwən inigere ngwən. Mbən yə akə ibumi nə Azugə Nwiye. Mbən yə nibə ghəy ichuŋ abú umbən unya. Mbən ni kənə abú wa feyn feyn akaʼa injən.

Filipi 2:1 Iomraidhean Croise

Ukən chuŋ da Yeso Kristo anji zənə Luk ŋwaʼanayn 2:25

Amaʼa wu, anóm moʼ mə́ a Yerusanem ni ukum ma mə simeon. Yə́ mə aghəy anó ni akəʼərə, yə zi fiŋ ma inoy Nwiye yə mə nəmə aney zənə Nwiye mi chi ba izreal angəʼ anigə Azugə zayn zayn mə ni uŋwən.

Ukən chuŋ da Yeso Kristo anji zənə Jon ŋwaʼanayn 14:18

Cha ami sayn ngwən ni buŋ uti, asɨmə ayi gha wene zaʼa inen.

Ukən chuŋ da Yeso Kristo anji zənə Jon ŋwaʼanayn 14:27

Mə sayn aborobod inen, mə nibi naʼ inyi aborobod inen. Cha amə naʼa anji zənə isəg mə naʼa. Ka itən fiŋ mə toboro ma ngwən. Ka mbən mə goro ngwən.

Ukən chuŋ da Yeso Kristo anji zənə Jon ŋwaʼanayn 17:13

“Akinine ayə zaʼa inigə. Mə ghayn unó mbəŋ amaʼazənə amə ungɨŋ isəg boʼo iwuʼi sugi ungɨŋ fiŋ uma anji zənə isugi ungɨŋ inyi fiŋ.

Afaʼa ba tom Kristo 2:46

Uney ujum, mbə́ mə́ ŋuw fere ambəŋ Nwiye. Mbə́ mə́ bɨʼere ingəŋ ungɨŋ na uma iŋuw fere jəgə ni iwuʼi foro nə fiŋ chuŋ,

Afaʼa ba tom Kristo 4:32

Ba mbənə mbə́ beni Kristo mə aba nə fiŋ feyn foro nə ikoni feyn. Cha wa moʼ yə ghayn ma kwi u aghəy mbənə umə iniy amə umbi mbə foro u aghəy ma ujum akə feyn.

Roman 5:5

Ka ba numugə mba siy ikono, cha imi chigə ma ibuw damugə Nwiye si tey kwi yə wuʼe ngwa anigə yə si zi iwuʼi ungɨŋ ita fiŋ anjim Azugə zayn zayn zənə u naʼa ina.

Roman 8:26

Amə nibi ichin ichin nu azugə zaʼa iywere ngwa anji zənə mba mə ibó damugə cha mba kyay umugə ichaʼara Nwiye anji zənə mba mi chaʼara. Asɨmə amaʼazənə cha anó ina ighayn, azugə wu yə chaʼara Nwiye akə inja ighari.

1 Korintiyans 12:13

Mba num uney anjim azugə feyn. Anigə mba si bumə akə nyə̂ inyo feyn. Nwiye zi aba Azugə feyn ungɨŋ ita fiŋ, Kə mba mə ba Jû, kə ba mbənə akaʼa ma ba Jû. Kə mba mə sob, kə ba mbənə akə ma sob.

1 Korintiyans 15:31

Umbəŋ unya, ayə uchəw iwu ighari ujum, amə nigə damugə ayə komo iguwə da ngwən. Akə umugə mba mə akə ibumi nə Asɨyisəg Yeso Kristo.

1 Korintiyans 3:16

Mbən ki kyay ngwən kwi mbən mə ambəŋ Nwiye foro kwi Azugə Nwiye yə ungɨŋ inen?

2 Korintiyans 13:14

Ichuŋ Asɨyisəg Yeso Kristo, iwuʼi Nwiye nə ibumi zənə imə abú Azugə zayn zayn mə nə umbən jum.

2 Korintiyans 2:14

Mba naʼa yə beni ayə abú Nwiye kwi anji zənə mba mə akə anó feyn nə Kristo, uyə aghəy kwi mba yeŋ nə uŋwen chomo ni ba mbənə u chigə berd. U yə aghəy kwi mba saŋa unó mbənə mba kyay da Kristo ungɨŋ isəg jum. Unó wu chomo ni ifoyi chuŋ.

Galetiya 4:6

Numugə mba mə buŋ, Nwiye si cha Azugə Ŋwə̂ ma ungɨŋ ita fiŋ. Azugə wu yi kaŋa dey ghayn kwi, “Mbaʼ, uŋu Mba!”

Galetiya 5:22

Asɨmə unó mbənə azugə mə kaba amə anó ni iwuʼ ba, anó ni mə ghaʼa ayə, anó ni chomo akə aborobod, anó ni yimə fiŋ, anó ni mə nə iboŋo fiŋ, anó ni mə ighəy ichuŋ, anó ni izi fiŋ igun ba,

Efesus 4:4

Nyə̂ inyo yi feyn, Azugə nibə feyn, anó zənə Nwiye tiya ngwən kwi mbən niŋi ikono igun yə niba feyn.

Filipi 1:8

Nwiye kyay kwi mə wuʼe ngwən foro kwi ayə nibə kaŋa kaba izən ngwən umbən jum. A yə ghəy nigə aba anji zənə Yeso Kristo wuʼi ngwən.

Filipi 3:3

Amə umba nu u ney ikad akə asiʼ. Azugə Nwiye yə were ngwa kwi mba wumini Nwiye. Mba yə wuʼe ngwa numugə mba mə akə ibumi nə Yeso Kristo. Anigə cha ba zi ngwa ita fiŋ akə unó mbənə ba nyoŋ atəw umə ighəy.

Kolose 2:2

Mə́ mə aghəy ney da inigere uŋwən kwi uchomo akə anó feyn, iwuʼi unya uma da umi mə nə imbon zənə imə aghəy kwi umə ni iwe nibi tana kyay unó mbənə mbə́ inoy da Nwiye. Unó mbənə mbə́ inoy amə Kristo ma ambuŋ.

Kolose 3:12

Anigə umbən mbənə Nwiye si choʼo kwi amə umbi ba, mbən mə ba zayn zayn nu u wuʼi kwaʼa azəd. Mbən ni idiri ba chini. Mbən mə nə fiŋ chuŋ. Mbən ni boro inyo. Mbən mə nə iboro fiŋ nibi mbə nə iyimi fiŋ.

Hibru 6:18

Unó nu cha umi noʼo kyaba umbə ubigə nu cha Nwiye mi noʼo figə ma unó da úŋwən. Anigə u mba mbənə mba nod ŋu paʼa aton ma mba yi yimə fiŋ da imə nə aghəy zənə mba niŋi ikono mə nəmə.

1 Pita 1:2

Nwiye Mbaʼ choʼo ngwən kwi mbən mə umbi ba anji zənə yə si numi. Azugə ma si ghəy mbən zayn, da mbən wumini Yeso Kristo nibi ghəy kwi anəm ma zənə yə tuwi a zayn ngwən. Ichuŋ Nwiye nə aborobod ma zaʼa igun inen isugi.

1 Jon 3:24

Ba jum mbənə u num ikɨy Nwiye, u mbə akə anó feyn nə uŋwən. Uŋwən yə nibə akə anó feyn nə úŋwən. Anji zəŋ, mba kyay kwi uŋwən yə akə anó feyn nə umba anjim azugə zənə yə́ naʼa ina.

1 Jon 4:12

Cha wa moʼ di si noʼo zən ma Nwiye. Asɨmə mba bə wuʼ ita inyo umba umba, nji Nwiye yi mə akə anó feyn nə umba. U bə aghəy nigə, iwuʼi yi sugi ungɨŋ ita fiŋ.

1 Jon 4:16

Anigə mba kyay nibi beni kwi, Nwiye wuʼe ngwa. Nwiye wuʼe ba anigə wa ŋunə u wuʼi unya ma, u yə akə anó feyn nə Nwiye. Nwiye yə nibi akə anó feyn nə uŋwən.