Filipi 1:9 - Aŋwaʼanayn Uso Fey

⁹ Ayə chaʼara Nwiye kwi mbən ki wuʼe umbən unya ŋuw aba imbey. Ayə nibə chaʼara kwi mbən kyay asiʼ da Nwiye nibi kyay ikyaba akaʼa unoʼ chuŋ nə umbi iboŋ.

Filipi 1:9 Iomraidhean Croise

1 Korintiyans 14:20

Umbuŋ unya, ka itən ikono mə uma ni buŋ kuŋe. Mbən chomo ni buŋ kuŋe mbənə cha ukyay ighəy uma unó iboŋ. Asɨmə mbən mə ni ikono ba ukay

2 Korintiyans 8:7

Akinine nu mbən mə imbey akə unó jum, nu amə akə ibeni, akə inayn, akə ikyay uno, akə fiŋ chuŋ ni iwere ba Nwiye foro akə iwuʼi nu mbən mə wuʼe ngwa, mbən zən kwi mbən mə nibə imbey akə anó imə saŋara ubugə.

Efesus 5:17

Ka mbən chomo ngwən ni uneŋ. Asɨmə mbən kaba ikyay anó zənə Asɨyisəg u kabay.

Kolose 1:9

Amə aton zənə iti Amaʼazənə mba zəw anó da ngwən, cha mba di si waʼ imə chaʼara Nwiye da ngwən. Mba yə chaʼara kwi Azugə ma aghəy mbən tana ikyay unó mbənə u kaba. Umbən utəw tana zəŋ mbən kyay unó wu anjim iwe zənə Azugə naʼa.

Kolose 3:10

Akinine mbən si num nyə̂ inyo fiy. Nwiye yi beŋe nyə̂ inyo fiy wu kwi itana kyay uŋwən nibi chomo ni uŋwən.

1 Tesaloniyans 3:12

Asɨyisəg Yeso ghəy kwi iwuʼi zənə imə akaʼa injən foro akaʼa ba jum ni ka ŋuw imbey numugə inja mə inen.

1 Tesaloniyans 4:1

Umba unya, iŋu imbey, mba si tey inji zənə mbən mi mə chomo da fiŋ Nwiye boŋo. Amə asiʼ kwi mbən yə chomo nigə. Akinine, mba yə boʼo ubugə nibə ghayn inen akə ukum Asɨyisəg Yeso Kristo kwi, mbən ŋuw imbey ni ghəy nigə chigə umugə mbən mə ghəy.

2 Tesaloniyans 1:3

Umba unya, mba yə naʼa yə beni ayə abú Nwiye ighari jum da ngwən. Mba yə aghəy nigə akə nji zənə ikoʼoro damugə ijən ibeni fiŋ mə ikay ŋuw imbey. Mbən yə nibə wuʼe umbən unya ŋuw imbey.

Filemon 1:6

Ayə chaʼara Nwiye kwi numugə ngwə niŋi inji beni igun Kristo nu mba. Zəŋ ayi aghəy kwi injə atəw zayn kwi ngwə tana kyay ichuŋ jum zənə imə ina numugə mba mə akə anó feyn nə Kristo.

Hibru 5:14

Ughəy jəgə mbənə u kara amə abú ba kyayn mbənə u si kweme unó ma anigə ikyay ikoboro unó chuŋ nə umbi iboŋ.

1 Pita 1:22

Mbən si ghəy itən fiŋ zayn anji zənə mbən mə ghəy unó amə umbi asiʼ. Mbən nibi kaŋa iwuʼ umbən unya kwaʼa anji chuŋ. Mbən wuʼe úŋwən kwaʼa ungɨŋ fiŋ.

2 Pita 3:18

Asɨmə mbən ŋu imbey ni kwey ungɨŋ ichuŋ foro ungɨŋ anó ni kyay ungwa Asɨyisəg Yeso Kristo ŋunə yə chiyə ngwa angəʼ. Ba ujum wumini uŋwən akinine iŋu nwi koŋ. Amə nigə.