Filipi 1:7 - Aŋwaʼanayn Uso Fey

⁷ Yə kaŋa koʼ kwi a kono nigə da umbən jum damugə mə kaŋa wuʼe ngwən ungɨŋ inyi fiŋ azəd. Nwiye yə aghəy ichuŋ ina uma jum akə inji zənə mba mə faʼa abú uŋwən. U yə aghəy nigə akinine ŋunə amə andəŋ, numugə amə ghayn kwi ukən chuŋ amə asiʼ akə ma unó figi. Foro akə Amaʼazənə mə́ mə aghəy kwi ba beni unó mbənə umə ungɨŋ ukən chuŋ.

Filipi 1:7 Iomraidhean Croise

Afaʼa ba tom Kristo 20:23

Anó zənə a kyay amə kwi, Azugə zayn zayn yə ghayn ineŋ usin ujum kwi indəŋ nə ingəʼ yə nəmə aŋu.

Afaʼa ba tom Kristo 21:33

Atəw kyayn abú usogwi wu, ŋú ibiya Pol ghayn u kod akə ndəŋ bigə. Yə biri kwi, “Wa ŋunə amə ngwa? Amə anó ngiya u aghəy?”

1 Korintiyans 13:7

Iwuʼi yə kaba kwi, ba yimə fiŋ akə unó ujum. Iyə aghəy kwi ba zi fiŋ inyo Nwiye. Iyə aghəy kwi ba niŋi ikono ba ujum igun unó mbənə ubeni, iwuʼ yə aghəy kwi ba num inyo asəy.

1 Korintiyans 9:23

A yə aghəy unó mbəŋ ujum da ukən uchuŋ. A yə aghəy ney da ami mə nə aborobod zənə ukən uchuŋ mə aghəy kwi amə abú ba.

2 Korintiyans 3:2

Umbən mboŋ mə umba uŋwaʼanayn nu u ŋwaʼanayn ungɨŋ ita fiŋ boʼo ba jum bə foŋ u kyay anó zənə amə ungɨŋ.

2 Korintiyans 7:3

Cha mba mə ghayn ngwa anó zəŋ da izi usaʼa igun inen damugə mə si nibi ney ghayn kwi mbən yə ungɨŋ ita fiŋ. Mba yi ku unoŋ nibi tənə unoŋ.

Galetiya 5:6

Numugə ma mə akə anó feyn nə Kristo, anigə cha anó iney ikad wa kə anó ni cha udi ney ikad wa mə ma nə anó moʼ ighəy. Anó kyayn amə umugə mba zi fiŋ igun Kristo iwuʼ uŋwən.

Efesus 3:1

Amə da anó zənə Nwiye fere ba akə wa feyn nu numugə Pol amə wa ndəŋ da umbən mbənə akə ma ba Jû. Amə wa ndəŋ damugə amə ghayn ukən chuŋ da Yeso Kristo.

Efesus 4:1

Umugə amə wa ndəŋ damugə amə faʼa abú Asɨyisəg, ayə boʼo ubugə inen kwi mbən chomo akə nji zənə ikoʼoro nu amə nji zənə Nwiye tiya ngwən kwi mbən chomo.

Efesus 6:20

Ayə ana indəŋ damugə a təm akə ukum Yeso Kristo. Mbən chaʼara Nwiye a ghayn ukən wu nə fiŋ kaka akə inji zənə amə kaba ighayn.

Filipi 1:12

Umbuŋ unya, ayə kaba kwi mbən kyay kwi anó zənə aghəy iniŋ yə were ighəy kwi ukən chuŋ u ŋuw imbey.

Filipi 1:13

Yə aghəy kwi usogwi jum mbənə umə nəmə itoʼ ni ba chini jum u kyay kwi ayə andəŋ damugə a mə ghayn ukən chuŋ da Kristo.

Filipi 1:14

Numugə amə andəŋ, yə si ghəy kwi unya nanaʼ akaʼa umbənə u beni Asɨyisəg tana ghayn inayn Nwiye akə fiŋ kaka foro kwi cha umə goro.

Filipi 1:5

damugə mbən were aŋu ni saŋa ukən chuŋ da Kristo. Mbən ti ni ghəy nigə inoʼo akə amaʼazənə mbən zəw ukən chuŋ wu ibeni. Mbən yə bugə ghəy nigə izaʼa pey akinine.

Filipi 2:22

Mbən kyay kwi Timoti tey kwi imə wa faʼa chuŋ. Chomo ni ŋwə̂ nə mbaʼ, yə si faʼ nə umugə ighayn ukən chuŋ.

Filipi 4:14

Asɨmə mbən ghəy ichuŋ numugə mbən were aŋu akə inyi ingəʼ.

Filipi 4:15

Umbən ba Filipi kaŋa kyay kwaʼa anji chuŋ kwi amaʼazənə mə́ noʼo Masedoniya imə ghayn ukən chuŋ, cha ufere chini were ma aŋu, aba umbən mbən were aŋu.

Filipi 4:3

Ayə nibə ghayn inigə, ungwə ŋunə ngwə faʼa nə umugə akə fiŋ jum, kwi ngwə were ayey mbəŋ u chomo akə aborobod, damugə úŋwən, Klemen foro ba chini si faʼ akə ikay nə umugə ighayn ukən chuŋ. Ikum uma itə ungɨŋ aŋwaʼanayn zənə uŋwaʼanayn ikum ba mbənə umi jəgi itəni.

Kolose 4:18

Amə umugə Pol ŋwaʼanayn aŋwaʼanayn zəŋ akə umbəŋ ubugə. Mbən kono umugə u kod aŋu akə ingəŋ. Nwiye ghəy ichuŋ inen.

Kolose 4:3

Mbən nibi ni chaʼara Nwiye ina, da u naʼa apan ina kwi mba ghayn unó mbənə u noy da Kristo. Amə unó mbənə u aghəy kwi amə ana indəŋ.

1 Tesaloniyans 5:5

Umbən ujum mbən mə ba umə ghəy unó azayn zayn, cha mbən mə ghəy ngwən unó afəb kə ambiri.

2 Timoti 1:8

Ka atəw dere ma inigə ighayn da ungwa Asɨyisəg, kə ighayn da mugə amə wa ndəŋ da uŋwən. Asɨmə tana inyo izəw ukudu ingəʼ ŋunə mə zəw da ukən chuŋ. Ngwə yi kaŋa ghəy nigə anjim ika zənə Nwiye naʼa inigə.

2 Timoti 2:9

Amə da ukən chuŋ awu nu amə zəw ingəʼ pey umugə u si kod aŋu akə indəŋ ibəw təŋ, a chomo ni wa ŋunə u gow ikɨy. Asɨmə cha nji amə ghəy u kod inayn Nwiye akə indəŋ.

Filemon 1:13

Mə mi wuʼ isiy uŋwən akəŋ aboʼo inyi da uni ywere aŋu faʼa iniŋ akə injə asin numugə amə andəŋ da ukən chuŋ ŋunə amə ghayn.

Hibru 3:1

Umbəŋ unya zayn zayn nu Nwiye nibi tiya, mbən tana ikono Yeso nu mba beni kwi uŋwən amə wa tom foro atəw igun ba mbənə umə faʼa ambəŋ Nwiye.

1 Pita 4:13

Asɨmə mbən wuʼ ngwən numugə mbən mə zəw ingəʼ anji zənə Kristo nibi zəw. Iwuʼi yi sugi ungɨŋ itən fiŋ amaʼazənə umi zaʼa ungɨŋ uzayn zayn ma.

1 Pita 5:1

“Amə wa nu amə cha ufere ba Kristo. Amə uzənə anji zənə Kristo zən ingəʼ. Amə nibi wa moʼ akaʼa ba mbənə umi zən uzayn zayn amaʼazənə Kristo mi gha zaʼa. Anigə ayə boʼo ubugə inen umbən mbənə mbən mə cha ifere ba Kristo kwi,

2 Pita 1:13

Mə kaŋa kono kwi yə koʼ kwi a beʼere umbən utəw da unó mbəŋ akinine nu amə bugə ikay.

1 Jon 3:14

Mba kyay kwi, mba chomo ni uwu ba. Asɨmə akinine mba si jəg itəni. Mba kyay nigə damugə mba wuʼ umba unya. Wa ŋunə cha umə wuʼe ma unya ma, u mbə bugə chomo nə uwu ba.