Filipi 1:6 - Aŋwaʼanayn Uso Fey

⁶ Mə kaŋa kyay kwi Nwiye ŋunə yə ti afaʼa chuŋ zəŋ ungɨŋ inen u yi ighəy kwi mbən faʼa ŋu mara aney zənə Yeso Kristo mi wene izaʼa.

Filipi 1:6 Iomraidhean Croise

Ukən chuŋ da Yeso Kristo anji zənə Jon ŋwaʼanayn 6:29

Yeso ywiri abú úŋwən kwi, “Anó zənə Nwiye kaba amə kwi mbən beni wa ŋunə uŋwən tomo.”

Afaʼa ba tom Kristo 11:18

Amaʼazənə mbə́ zəw anó zəŋ mbə kəbərə uchəw ma anigə mbə́ iyere Nwiye ighayn kwi, “Anigə Nwiye si naʼ apan abú ba mbənə akaʼa ma ba Jû kwi kyay ma Nwiye kwi u beŋe fiŋ ma ijəg itəni.”

Afaʼa ba tom Kristo 16:14

Wa feyn akaʼa ba mbənə mbə́ zəw anó zənə mba mə́ ghayn amə Lidiya, nu yə noʼo Tiyatira. Yə mə fənə ndwi aka unun. Uŋwen mə ayey nu yə mə́ wumine Nwiye, anigə Asɨyisəg fiʼi fiŋ kwi u zi atəw akə anó zənə Pol mə́ ghayn.

1 Korintiyans 1:8

Uŋwən yi aghəy kwi mbə təm ikay iŋu pey akə inwi, da cha umi zən ma anó iboŋ moʼ igun inen anəy zənə umi wene izaʼa.

2 Korintiyans 1:15

Amaʼazənə mə zən kwi anó zəŋ yi məŋi ney, ayə kaba kwi ayi nibi zaʼa inen boʼo mbən mə nə aborobod ighari bigə.

2 Korintiyans 2:3

Mə ŋwaʼanayn aŋwaʼanayn zəŋ akə inji zənə a ŋwaʼanayn, damugə abə zaʼa, ka ba mbənə umi ghəy kwi iwuʼi sugi ungɨŋ inyi fiŋ beŋe gha ghəy uma akənə mə ungɨŋ inyi fiŋ. Mə kyay asiʼ da umbən jum kwi iwuʼi bə sugi ungɨŋ inyi fiŋ, iyi nibi sugi ungɨŋ itən.

2 Korintiyans 7:16

Mə kaŋa wuʼe aŋu damugə mə niŋi inyi fiŋ igun inen akə unó jum!

2 Korintiyans 9:4

Abə mə kwi cha mbən kyay itana inyo, nji ba moʼ Masedoniya mbi zaʼa nə umugə pey yi zən kwi cha mbən kyay tana inyo, umba utəw mbi ided. Umba utəw bə dere, nji ami si məŋi ingiya nu umbə mbənə mba zi ita fiŋ igun inen?

Galetiya 5:10

A yə bugə zi fiŋ igun inen numugə mba mə akə anó feyn nə Asɨyisəg kwi cha mbən mi num ikono chini chigə akə izənə a naʼa inen. Nwiye yi saʼ wa ŋunə umə bure ngwən. Izi usaʼa igun ma, ka nə di ma ngwa.

Efesus 4:12

Yə aghəy ney da itana ba Nwiye kwi u faʼa abú uŋwən da nyə̂ inyo Kristo ikwey.

Filipi 1:10

Boʼo mbən chiyə azənə atana boŋ. Mbən bə aghəy nigə, mbən yi chomo uzayn zayn foro kwi cha ba mi ghayn anó iboŋ da ngwən aney zənə Kristo ni wene izaʼa.

Filipi 1:29

Nwiye si na aza inen kwi mbən faʼa abú Kristo akə ma aba ibeni uŋwən, amə nibə da izəw ingəʼ nə uŋwən.

Filipi 2:12

Umbəŋ unya nu a wuʼi kwaʼa azəd, umugə mbən mə wumine Nwiye amaʼazənə mə́ mə ni umbən, akinine nu cha aŋu ni umbən, mbən tana i wumini uŋwən. Nwiye si chi ngwən angəʼ, mbən ki faʼa abú uŋwən nə igoro foro iwumini.

Filipi 2:13

Mbən kyay kwi, Nwiye yə faʼa ungɨŋ inen ighəy kwi mbən ghəy unó chuŋ mbənə u kaba, nibi iwuʼ imə ghəy unó wu.

Filipi 2:16

Mbən yimə inayn zənə imə naʼa itəni boʼo ami mə komo iguwə da ngwən aney zənə Kristo mi wene zaʼa kwi cha a di nod aŋu ibuw, cha inyi afaʼa di chigə ma ibuw.

Kolose 2:12

Mbə́ si twayn ngwən nə Kristo akə Amaʼazənə mbən num une. Nwiye si nibi zəmə ngwən nə uŋwən anjim umugə mbən beni kwi uyə nə ikay ighəy nigə. Amə uŋwən yə zəmə Kristo.

1 Tesaloniyans 1:3

Amaʼazənə mba mə chaʼara Nwiye ungwa mbaʼ, mba yə kono unó mbənə mbən mə ghəy anji zənə mbən zi fiŋ igun Kristo. Mba yə nibə kono umugə mbən mə faʼa akə ikay iywere ba damugə mbən wuʼi úŋwən. Mba yə nibə kono umugə mbən yimə fiŋ mə nəmə numugə zi fiŋ igun Asɨyisəg Yeso Kristo nu umi chi ngwən angəʼ.

2 Tesaloniyans 1:11

Amə aton zənə mba mə chaʼara Nwiye ighari jum inen kwi ungwa Nwiye ghəy mbən təm koʼoro, ichomo anji zənə yə́ tiya ngwən kwi mbən chomo. Foro kwi anjim ikay ma, mbən mə́ nə u ghəy chuŋ mbənə mbən mə kaba nibi mara afaʼa zənə ibeni ghəy kwi mbən faʼa.

2 Tesaloniyans 3:4

Asɨyisəg si ghəy kwi mba zi ita fiŋ igun inen numugə mbən mə ghəy anigə mbən yi ŋu imbey imə bə ghəy unó mbənə mba ghayn inen.

Filemon 1:21

Mə kyay kwi ngwə yi aghəy unó mbənə a ghayn inigə. A yə ŋwaʼanayn ney kwi ngwə kyay kwi ngwə yi aghəy unó mbəŋ chigə nji zənə a ghayn inigə.

Hibru 10:35

Anigə mbən yimə fiŋ mbən bo aŋwayn damugə uŋwən uchoʼo afaʼa yi mə kyayn.

Hibru 12:2

Mba niŋe inja aghɨ aba igun Yeso ŋunə inji ibeni ti nibi nwi aba igun ma. Yə nyiʼi fiŋ azad abaʼara damugə yə kyay iwuʼi zənə yə mə imbey abú uŋwən. Cha yə di num ma indere atəw zənə mbə́ kom uŋwən azad baʼara kwi amə anó moʼ, anigə uŋwən yə aba abugə jəgi Nwiye u chomo.

1 Pita 5:10

Mbən bə zəw ingəʼ akə ŋwə̂ amaʼ moʼ, Nwiye ŋunə umə ighəy ichuŋ abú ba jum yi were itana ughəy jum inen. U yi aghəy kwi injən ibeni kara nibi aghəy kwi mbən təm ikara. Asɨmə yə chigə anjim Kristo itiya ngwən kwi mbən zaʼa nyi ungɨŋ zayn zayn ma ŋunə cha umi noʼo imey.

2 Pita 3:10

Asɨmə anəy zənə Asɨyisəg mi zaʼa yi chomo numugə uji mə zaʼa. Anəy wu, azobo yi joʼ akə ikay inim, uwəd yi tuŋ ughəy jum mbənə umə azobo u sam. Uwəd yi tuŋ isəg nibi tuŋ ughəy jum mbənə umə igun isəg u nim.