Filipi 1:27 - Aŋwaʼanayn Uso Fey

²⁷ Akinine anó kyayn amə kwi, mbən ni aghəy unó akə inji zənə ikoʼoro numugə ukən chuŋ da Kristo mə itey, da abə tey kwi a zaʼa zən ngwən kə kwi cha adi zaʼa, a yi zəw kwi mbən təm ikay nə fiŋ feyn foro nə ikono feyn nibi zəw kwi mbən yə zoŋo unoŋ izən kwi ba niŋi fiŋ igun Kristo anji zənə ukən chuŋ mə itey.

Filipi 1:27 Iomraidhean Croise

Efesus 4:1

Umugə amə wa ndəŋ damugə amə faʼa abú Asɨyisəg, ayə boʼo ubugə inen kwi mbən chomo akə nji zənə ikoʼoro nu amə nji zənə Nwiye tiya ngwən kwi mbən chomo.

1 Korintiyans 1:10

Umbuŋ unya, ayə boʼo ubugə inen akə ukum ungwa Asɨyisəg Yeso Kristo kwi mbən chomo akə anó feyn da ka aghaba nyi ma injən akaʼa. Asɨmə, mbən zi itən fiŋ aba akə anó feyn, anigə ibeni aba akə uchəw feyn.

2 Pita 3:14

Anigə umbəŋ unya nu a wuʼi kwaʼa azəd, umugə mbən mə nəmə unó mbəŋ, mbən zi ikay izən kwi mbən chomo akə uzayn zayn da ka Nwiye zən ma anó iboŋ moʼ igun inen. Mbən chomo akə aborobod nə Nwiye.

Kolose 1:10

Mba yə chaʼara nigə da mbən chomo akə inji zənə Asɨyisəg kabay, nibə aghəy amə unó mbənə uwuʼi. Akə inji zəŋ, mbən yi mə aghəy ikudi unó chuŋ jum anigə mbən yi mə bə ŋuw imbey imə tana ikyay Nwiye.

Aŋwaʼanayn zənə Jud aŋwaʼanayn 1:3

Umbəŋ unya nu a wuʼi kwaʼa azəd, mə́ mə kaŋa kaba iŋwaʼanayn inen da inji zənə umba jum mi du angəʼ. Asɨmə mə zən kwi yə boŋ kwi a ŋwaʼanayn izi ikay inen kwi mbən zoŋo ni ŋu imbey da ibeni zənə Nwiye si zi ungɨŋ ubugə umbi ba akə ighari feyn.

1 Tesaloniyans 4:1

Umba unya, iŋu imbey, mba si tey inji zənə mbən mi mə chomo da fiŋ Nwiye boŋo. Amə asiʼ kwi mbən yə chomo nigə. Akinine, mba yə boʼo ubugə nibə ghayn inen akə ukum Asɨyisəg Yeso Kristo kwi, mbən ŋuw imbey ni ghəy nigə chigə umugə mbən mə ghəy.

Filipi 2:12

Umbəŋ unya nu a wuʼi kwaʼa azəd, umugə mbən mə wumine Nwiye amaʼazənə mə́ mə ni umbən, akinine nu cha aŋu ni umbən, mbən tana i wumini uŋwən. Nwiye si chi ngwən angəʼ, mbən ki faʼa abú uŋwən nə igoro foro iwumini.

Filipi 3:18

Mə si ghayn inen ighari nanaʼ, anigə ayə nibə ghayn inen akinine nə asɨy inyi aghɨ kwi ba nanaʼ mbə awu nu u chomo ni ba abana Kristo nu cha umə beni ni zəw aton zənə yə kuw azəd abaʼaray.

2 Korintiyans 13:11

Iŋu mara, umbəŋ unya, mbən chomo anji chuŋ. Mbə kweme izən kwi mbən ni aghəy aba unó mbənə u boŋo. Mbən zəw unó mbənə amə boʼo ubugə ghayn inen. Mbən siy injən anó aba akə anó feyn nibi chomo akə aborobod. Mbən bə aghəy nigə, nji Nwiye ŋunə umə naʼa aborobod yi mə nə umbən.

Afaʼa ba tom Kristo 4:32

Ba mbənə mbə́ beni Kristo mə aba nə fiŋ feyn foro nə ikoni feyn. Cha wa moʼ yə ghayn ma kwi u aghəy mbənə umə iniy amə umbi mbə foro u aghəy ma ujum akə feyn.

2 Pita 3:11

Umugə Nwiye mi iniy ughəy mbəŋ jum akə inji zəŋ, mba si məŋə ukudu ba ingiya? Mbən chomo uzayn zayn nibi naʼ injən inyo abú Nwiye,

1 Korintiyans 15:58

Anigə umbəŋ unya nu a wuʼi kwaʼa azəd, mbən təm ikay. Ka mbən beni aŋwən kwi ghəy moʼ chigə ngwən. Mbən faʼa afaʼa zənə Asɨyisəg naʼa inen. Mbən faʼa nigə ni ŋuw aba imbey. Mbən kyay kwi cha anó moʼ zənə mbən mə ghəy abú Asɨyisəg mə chigə ma ibuw.

Roman 1:16

Cha amə aŋu nə indere atəw da ukən uchuŋ, damugə ukən uchuŋ amə ikay Nwiye ichi ba ujum mbənə u beni angəʼ. U yi dey chiyə ba Jû, noʼo akuŋ ichiyə ba mbənə akə ma ba Jû.

Jems 3:18

Ba mbənə umə ghəy kwi ba chomo akə aborobod, umbi kon aborobod ungɨŋ ba, umbi ijaŋ ughəy chuŋ.

Filemon 1:5

Ayə ghəy nigə damugə mə zəw umugə ngwə wuʼi ba Nwiye ujum, nibi zəw umugə ngwə zi fiŋ igun Asɨyisəg Yeso.

Titus 2:10

Ka umə ijiyə uma aghəy moʼ. Úŋwən tey kwi mbi mə ba chuŋ nibi tey kwi mbi yə faʼa akə iti fiŋ jum. Umbi aghəy nigə da itey kwi akə unó jum mbi yə aghəy ba wuʼ ni zəw inayn Nwiye ŋunə yə́ chi ngwa angəʼ.

2 Timoti 4:7

Mə si kaŋa zoŋ anji chuŋ anji zənə a faʼa abú Kristo. Mə si nod ŋu pey akə inwi. Mə si niŋi inyi fiŋ igun Kristo ŋu pey akə inwi.

1 Timoti 1:19

Amaʼazənə ngwə bə ghəy nigə, ngwə yi yimə ibeni zənə ikara nibi mə nə fiŋ zənə izayn. Umugə cha ba moʼ zwaray uma unó mbənə fiŋ uma ghayn, mbə si sam ibeni zənə yə mə abú úŋwən.

1 Timoti 1:11

nu amə ungɨŋ ukən chuŋ ŋunə Nwiye zi ungɨŋ itəŋ inya ubugə. Uŋwən amə Nwiye ŋunə ba mə yere nibə iwumini.

Afaʼa ba tom Kristo 2:46

Uney ujum, mbə́ mə́ ŋuw fere ambəŋ Nwiye. Mbə́ mə́ bɨʼere ingəŋ ungɨŋ na uma iŋuw fere jəgə ni iwuʼi foro nə fiŋ chuŋ,

Matəw 12:25

Yeso kyay anó zənə mbə́ mə́ kono anigə ighayn abú úŋwen kwi, “Abey bə ghaba akə uba uba sə zoŋo uma uma, abey wu yi saʼa. Asin moʼ kə unebey moʼ bə ghaba akə uba sə zoŋo, cha asin wu kə unebey wu mi təm.

1 Tesaloniyans 3:6

Akinine, Timoti si wene zaʼa ina nə ukən chuŋ numugə mbən zi fiŋ igun Kristo foro mugə mbən mə wuʼe umbən unya. Yə ghayn ina kwi mbən yə kono ngwa ighari jum akə fiŋ chuŋ. Yə nibi ghayn kwi, mbən yə kaba izən ngwa aba anji zənə mba mə kaba izən ngwən.

Kolose 1:4

Mba yə ghəy nigə damugə mba si zəw umugə mbən zi fiŋ igun Yeso Kristo, nibi zəw umugə mbən mə akə iwuʼi ni ba Nwiye jum.

Filipi 2:24

Mə kyay kwi Asɨyisəg bə beni, a yi yabi zaʼa inen umugə mboŋ.

Efesus 1:15

Iti amaʼazənə mə zəw da ibeni zənə imə inen igun Asɨyisəg Yeso nibi zəw umugə mbən wuʼi ba Nwiye ujum,

Efesus 1:13

Nwiye nibi ghəy kwi mbən mə ba uma amaʼazənə mbən zəw inayn zənə amə ayi asiʼ nu amə ukən chuŋ damugə Nwiye mi chi ngwən angəʼ. Mbən zəw beni, anigə Nwiye zi anwini igun inen nu amə Azugə zayn zayn yə kaʼa ina

Galetiya 1:7

Akə ma kwi, ukən chuŋ chini yə awu, asɨmə ba moʼ mbə́ bure umbən utəw. U mbə kaba ibeŋe ukən chuŋ da Yeso.

2 Korintiyans 9:13

Mbən bə mə ighəy ukudu unó ŋunə, nji mbən si tey ikudi ba ŋunə mbən mə úŋwən. Anigə ba nanaʼ mbi yere Nwiye da nji zənə mbən beni da Kristo. U mbi naʼa yə beni ayə abú Nwiye da ughəy mbənə mbən mə naʼa abú úŋwən foro da u mbənə mbən mə naʼa abú ba chini.

2 Korintiyans 4:4

Mbən kyay kwi Nwiye ŋunə umə unɨŋ isəg zəŋ si kən fiŋ ba mbənə cha u beni Kristo boʼo ka u zən uma uzayn zayn akə ukən chuŋ da Kristo. Kristo chomo aba ni Nwiye.

Roman 15:29

Mə kyay kwi amaʼazənə ami zaʼa izən ngwən, aborobod zənə Kristo naʼa ayi sugi igun inen.

Roman 15:16

kwi amə wa faʼa Yeso Kristo da ba mbənə akə ma ba Jû. Ayə faʼa ni wa faʼa ambəŋ Nwiye imə ghayn ukən chuŋ da Nwiye boʼo ba mbənə akə ma ba Jû mə aghəy ifá zənə Nwiye beni, nu Azugə zayn zayn si aghəy kwi u zayn.

Roman 10:8

Aŋwaʼanayn Nwiye mə ghayn kwi ingiya? Inayn wu yə iyad inigə, iyə ungɨŋ uchəw nibə foro ungɨŋ fiŋ. (Amə inayn zənə mba mə ghayn inen izi fiŋ inyo Nwiye).

Roman 1:9

Nwiye ŋunə amə faʼa abú uŋwən nə inyi fiŋ ujum akə inji zənə amə ghayn ukən uchuŋ da Ŋwə̂ ma, amə uzənə iniŋ kwi akə umaʼ ujum mbənə amə chaʼara uŋwən ayə kono ngwən.

Roman 1:5

Nwiye ghəy ichuŋ iniŋ anjim ŋwə̂ ma wu. Mba mə nibə ba tom da isaŋa ukum ma akaʼa ba jum ungɨŋ usin jum da u zəw i zi fiŋ igun ma iwumini uŋwən.

Afaʼa ba tom Kristo 24:24

Amaʼazənə unəy moʼ chigə, Feliz zaʼa nə uyey ma nu ukum ma mə Drusila. Uyey ma mə wa Jû. Mbə zaʼa nigə cha wa uŋu tiya Pol izəw unó mbənə yə mə ghayn da nji zənə amə aghəy wa zi fiŋ igun Yeso Kristo.

Filipi 1:5

damugə mbən were aŋu ni saŋa ukən chuŋ da Kristo. Mbən ti ni ghəy nigə inoʼo akə amaʼazənə mbən zəw ukən chuŋ wu ibeni. Mbən yə bugə ghəy nigə izaʼa pey akinine.

Filipi 3:20

A mə da ngwa, inja abey ayə azobo. Mba yə nəmə kwi Asɨyisəg Yeso Kristo nu umi chi ngwa angəʼ mi zaʼa akuŋ.

Filipi 4:1

Umbuŋ unya, mə wuʼe ngwən nibə kaŋa kab kwi a zən ngwən. Mbən yə aghəy kwi inyi fiŋ boŋo. Mbən yə nibə choʼo afaʼa akə afaʼa zənə mə faʼa. Umbuŋ unya nu a wuʼi kwaʼa azəd, mbən təm ikay numugə mbən mə akə anó feyn ni Asɨyisəg.