Filipi 1:26 - Aŋwaʼanayn Uso Fey

²⁶ da Amaʼazənə a wene izaʼa inen, mbən yi mə nə aton iwumini Yeso Kristo da anó zənə u chigə inyi injim ighəy.

Filipi 1:26 Iomraidhean Croise

Ukən chuŋ da Yeso Kristo anji zənə Jon ŋwaʼanayn 16:22

Amə nigə ami məŋi nə umbən. Mbən yə kənə akinine, asɨmə ayi gha zən ngwən, iwuʼi yi sugi ungɨŋ itən fiŋ. Cha wa moʼ awu nu umi chi iwuʼi zənə imə ungɨŋ itən fiŋ.

Ukən chuŋ da Yeso Kristo anji zənə Jon ŋwaʼanayn 16:24

Ipey akinine, cha mbən di si biri gwən anó moʼ abú Mbaʼ akə uŋu ukum. Akinine mbən biri uyi aghəy anó wu inen boʼo iwuʼi sugi ungɨŋ itən fiŋ.”

2 Korintiyans 1:14

Cha mbən di si tana kyay ngwa. Mbən yi tana kyay umbən utəw zayn aney zənə Asɨyisəg Yeso mi gha wene zaʼa, da mbən komo iguwə da ngwa anji zənə mba mə komo da ngwən.

2 Korintiyans 5:12

Cha mba mə kaba igha ighayn inen kwi mba mə ba faʼa chuŋ, asɨmə mba yə naʼa apan inen kwi mbən komo iguwə da ngwa, da mbən mi ywiri inayn abú ba mbənə umə komo iguwə da unó mbənə ba mə zənə, nu akə ma umbənə umə ungɨŋ fiŋ.

2 Korintiyans 7:14

Mə́ mə komo iguwə abú uŋwən da ngwən, anigə cha mbən naʼa ngwən indere atəw iniŋ. Unó jum mbənə mba mə ghayn inen amə unoʼ asiʼ, anigə anó zənə mba komo iguwə ifigi Tayitus da ngwən si nibi du akə asiʼ.

2 Korintiyans 7:4

Inyi fiŋ yə kaŋa igun inen. A yə beʼere inyo da ngwən. Mbən kaŋa zi ikay iniŋ. Ayə noro kwaʼa inji chuŋ ungɨŋ ingəʼ jum, iwuʼi nu ichigə abugə sugi ungɨŋ inyi fiŋ da ngwən.

2 Korintiyans 7:6

Asɨmə Nwiye ŋunə umə nigərə ba mbənə unó mə chigə úŋwən, zi ikay ina umugə Tayitus zaʼa.

Galetiya 6:4

Wa feyn feyn ney inji unó ma. Imə boŋo, uni komo iguwə kwi iyə ghəy unó chuŋ ka umə məgə ma inyo ma boʼo wa chini,

Filipi 3:1

Umbəŋ unya, iŋu nwi, a yə ghayn inen kwi mbən wuʼe ngwən numugə mbən mə akə ibumi nu Asɨyisəg. Cha amə isey ma aŋu igha ŋwaʼanayn unó mbənə mə si dey ŋwaʼanayn inen. A yi ghəy nigə da ka ingəʼ nyi ma igun inen.

Filipi 3:3

Amə umba nu u ney ikad akə asiʼ. Azugə Nwiye yə were ngwa kwi mba wumini Nwiye. Mba yə wuʼe ngwa numugə mba mə akə ibumi nə Yeso Kristo. Anigə cha ba zi ngwa ita fiŋ akə unó mbənə ba nyoŋ atəw umə ighəy.

Filipi 4:10

Iwuʼi kyay yə ungɨŋ inyi fiŋ numugə amə akə anó feyn nə Asɨyisəg, damugə amaʼ si kaŋa sa nu mbən mə iwere aŋu. Mbən kaŋa iwuʼ iwere asɨmə cha apan inen.

Filipi 4:4

Mbən ghaʼa ngwən ighari jum numugə mbən mə akə anó feyn nə Asɨyisəg Kristo. A yə gha ghayn inen kwi: Mbən ghaʼa ngwən.