Filipi 1:23 - Aŋwaʼanayn Uso Fey

²³ Unó bigə mbə́ igun iniŋ. Ayə ka iniŋ ichi afeyn. Anó zənə mə́ mə kaŋa kaba ami kwi, a sayn isəg zəŋ ŋu chomo aboʼo Kristo. Zəŋ amə anó nu aboŋo chigə.

Filipi 1:23 Iomraidhean Croise

Ukən chuŋ da Yeso Kristo anji zənə Luk ŋwaʼanayn 12:50

A yi num une moʼ anigə cha inyi fiŋ mi chomo akə aborobod pey amaʼazənə ami chigə!”

Ukən chuŋ da Yeso Kristo anji zənə Luk ŋwaʼanayn 23:43

Yeso ghayn abú uŋwən kwi, “Ayə asiʼ inigə kwi akə̂choŋ ngwə yi mə nə umugə a Paradayis.”

Ukən chuŋ da Yeso Kristo anji zənə Luk ŋwaʼanayn 8:38

Ki yə sə ŋu noʼ, anóm ŋunə uzugə iboŋ du ungɨŋ inyo ma boʼo ubugə iŋu nə uŋwən. Anigə Yeso ton ighayn kwi,

Ukən chuŋ da Yeso Kristo anji zənə Jon ŋwaʼanayn 12:26

Wa ŋunə umə kaba ifaʼ iniŋ, yə beni aboʼo inyi da asin zənə amə awu, uŋu wa faʼa yi mə awu. Uŋu Mbaʼ yi wumini wa moʼ ŋunə u faʼa iniŋ.”

Ukən chuŋ da Yeso Kristo anji zənə Jon ŋwaʼanayn 13:1

Amə anəy zənə amə naʼa abú anəy ufere Izaʼara Chigə Igun, Yeso kyay kwi amaʼ si koʼ abú uŋwən isayn isəg zəŋ iŋu abú Mbaʼ ma. Anji zənə yə wuʼ ba mbənə umə ungɨŋ isəg zəŋ nu amə uma. Yə wuʼ nigə iŋu pey akə inwi.

Ukən chuŋ da Yeso Kristo anji zənə Jon ŋwaʼanayn 14:3

Amaʼazənə asi ŋu tana asin inen, ayi zaʼa pey yi num ngwən kwi mbən zaʼa aboʼo inyi da asin zənə amə awu, mbən yi mə awu.

Ukən chuŋ da Yeso Kristo anji zənə Jon ŋwaʼanayn 17:24

“Uŋu Mbaʼ, ayə kaba kwi úŋwən mbənə ngwə naʼa iniŋ mə nə umugə asin zənə amə awu, boʼo u zən umugə ngwə wumine aŋu damugə ngwə́ wuʼi aŋu ki sə tana isəg.

Afaʼa ba tom Kristo 7:59

Umugə mbə́ mə́ tumə Stifin nigə, yə chaʼara Nwiye ghayn kwi, “Asɨyisəg Yeso num inyi Azugə.”

2 Korintiyans 5:8

Aŋ, unó mbənə mba beni amə unó asiʼ, anigə mba yə kaba sayn nyə̂ inyo zəŋ da ichomo ungɨŋ nyə̂ inyo fey nə Asɨyisəg.

2 Korintiyans 6:12

Cha inwi akə inji zənə mba wuʼi ngwən, asɨmə cha mbən di wuʼe ngwən ngwa anji zənə mba wuʼi ngwən.

Filipi 1:24

Asɨmə yə boŋ kwi a chomo ikyay da iyere ngwən.

1 Tesaloniyans 2:1

Umbəŋ unya, mbən si kyay kwi umugə mba zaʼa ichaʼara ngwən, cha yə chigə ma ibuw.

1 Tesaloniyans 2:13

Mba yə nibə naʼa yə beni ayə abú Nwiye ighari jum da kwi amaʼazənə mba zaʼa inen nə inayn Nwiye, mbən zəw ibeni, akə ma ni kwi amə inayn ba inyoŋ atəw. Mbən kaŋa beni kwi amə inayn Nwiye. Inayn wu yə faʼa ungɨŋ inen umbən mbənə mbən beni Kristo.

1 Tesaloniyans 4:17

Umbə si zəmə, Nwiye si num umba mbənə mba mə ikay nu mba si buʼe igun isəg kwi mba ŋuw bumə nə úŋwən ungɨŋ ipaʼ anigə ibumə nə Asɨyisəg ungɨŋ ufey. Anigə, mba yi sə chomo nə Asɨyisəg akə ighari feyn.

2 Timoti 4:6

Amə da aŋu, amaʼ si koʼ nu umi naʼ aŋu akə aghəy ifaʼ. Amaʼ si koʼ iniŋ isayn isəg.

Uney inwi 14:13

Mə zəw igəg moʼ ghayn azobo kwi, “ŋwaʼanayn anó zəŋ: Nwiye zi aborobod igun ba mbənə ukuw imə faʼa abú Asɨyisəg!” Azugə ghayn kwi, “Aŋ, amə kwaʼa nigə. U mbi izwere akə ufaʼa mbənə mbə́ mə́ faʼa damugə unó mbənə mbə́ si aghəy umbi beni nə uŋwən.”