Filipi 1:21 - Aŋwaʼanayn Uso Fey

²¹ damugə abə mə ikay, amə da iwumini Kristo. Amə ikuw, yə boŋ chigə

Filipi 1:21 Iomraidhean Croise

1 Korintiyans 1:30

Amə Nwiye aghəy kwi mbən mə akə anó feyn ni Yeso Kristo. Uŋwən amə wa ŋunə Nwiye aghəy kwi mba chigə anjim ma mə ni iwe. Yə aghəy kwi mba təm ikoʼoro ifigi Nwiye, aghəy mba zayn nibi ziya umba utəw.

1 Korintiyans 3:22

Kə amə Pol, kə amə Apolo, kə amə Pita, kə isəg zəŋ, kə itəni, kə iwu, kə akinine, kə amaʼazənə ami zaʼa, Nwiye si naʼ u ghəy mbəŋ ujum inen.

2 Korintiyans 5:1

Mba kyay kwi umbə saʼa usɨgə mbənə mba chomo ungɨŋ akə igun isəg, nu amə ita nyə̂ inyo, anigə mba yə nə ina moʼ azobo nu amə Nwiye chimi, nu akə ma ba inyoŋ atəw chimi. Na wu yi tənə akə ighari feyn.

2 Korintiyans 5:6

Anigə mba yi beni akə fiŋ jum kwi unó mbəŋ amə unó asiʼ. Mba nibi kyay kwi mba bə mə ungɨŋ nyə̂ inyo zəŋ, nji mba yə agha asa abú Asɨyisəg.

2 Korintiyans 5:8

Aŋ, unó mbənə mba beni amə unó asiʼ, anigə mba yə kaba sayn nyə̂ inyo zəŋ da ichomo ungɨŋ nyə̂ inyo fey nə Asɨyisəg.

Galetiya 2:20

Anigə akə ma umugə amə ikay. Wa ŋunə umə ikay mə Kristo ŋunə umə ungɨŋ iniŋ. Itəni zənə imə iniŋ akinine amə da mugə a zi fiŋ igun Ŋwə̂ Nwiye ŋunə u wuʼi aŋu anigə inaʼ inyo ma akə ghəy ifaʼ da aŋu.

Galetiya 6:14

Amə da umugə, cha ami noʼo komo aŋu iguwə, anigə kwi ayə komo da anó iwu ungwa Asɨyisəg Yeso Kristo azad abaʼara ghəy. Umugə Yeso Kristo ku azad abaʼara, anigə cha aghəy moʼ igun isəg amə nə anó moʼ ighəy iniŋ. Cha aŋu nə anó moʼ ighəy nə ughəy igun isəg.

Filipi 1:20

Anó zənə amə kaŋa kaba nibi kyay kwi ayi du akə anó asiʼ nibi niŋi ikono awu amə kwi cha ami noʼ mi mə aŋu ni indere atəw da anó zənə mə́ mə ghayn. Asɨmə akə umaʼ jum amara mə akinine, ayi mə nə fiŋ kaka da iwumini Kristo nə inyi itəni jum. Kanə amə ikuw kə ami ikay,

Filipi 1:22

Mə bə chiyə ichomo ikay, iŋu imbey imə aghəy unó chini nu u boŋo, ighəy kwi inay Nwiye ni kwey iŋuw imbey, asɨmə aba zənə ami chi cha atana kyay.

Filipi 1:23

Unó bigə mbə́ igun iniŋ. Ayə ka iniŋ ichi afeyn. Anó zənə mə́ mə kaŋa kaba ami kwi, a sayn isəg zəŋ ŋu chomo aboʼo Kristo. Zəŋ amə anó nu aboŋo chigə.

Filipi 2:21

Ba jum mbə zi atəw aba akə unó mbənə umə kaba, aka u mbənə Yeso Kristo kaba.

Kolose 3:4

Amaʼazənə Kristo ŋunə amə itəni mi du, mbən yi du nə uŋwən ungɨŋ iwumini ma.

Uney inwi 14:13

Mə zəw igəg moʼ ghayn azobo kwi, “ŋwaʼanayn anó zəŋ: Nwiye zi aborobod igun ba mbənə ukuw imə faʼa abú Asɨyisəg!” Azugə ghayn kwi, “Aŋ, amə kwaʼa nigə. U mbi izwere akə ufaʼa mbənə mbə́ mə́ faʼa damugə unó mbənə mbə́ si aghəy umbi beni nə uŋwən.”