Filipi 1:17 - Aŋwaʼanayn Uso Fey

¹⁷ Cha ba mbənə umə aghəy adey mə ghayn uma ukən chuŋ nə fiŋ nu izayn. U mbə ghayn amə damugə umə kaba kwi ba nanaʼ beni aboʼo úŋwən. Mbə kono kwi unó mbənə umə ighəy umbi aghəy a tana inyi angəʼ numugə amə andəŋ.

Filipi 1:17 Iomraidhean Croise

Ukən chuŋ da Yeso Kristo anji zənə Luk ŋwaʼanayn 21:14

Mbən num ungɨŋ itən fiŋ kwi cha mbən mi mə tumə ngwen inyo ichi anó itən igun

Afaʼa ba tom Kristo 22:1

“Umbuŋ unya anóm nə umbuŋ mbaʼ, mbən zwaray anó zənə ami ghayn injən ifigi da ichiyə anó inyə atəw.”

Afaʼa ba tom Kristo 26:1

Agripa ghayn abú Pol kwi, “Aney apan zəŋ, ghayn anó zənə amə inigə ighayn.” Amaʼazənə yə́ ghayn nigə, Pol beʼere ubugə ma aneŋ inayn da ichi anó atəw ma. Yə ghayn kwi,

Afaʼa ba tom Kristo 26:24

Umugə Pol mə inayn da ichi anó atəw ma, Festus kyayn ghayn kwi, “Pol ngwə yə ibigə! Aŋwaʼanayn zənə ngwə kweme ayə aghəy kwi ngwə ibigə!”

Roman 2:8

Nwiye yi siyə itəm nibi zi usaʼa igun ba mbənə umə kaba u aghəy aba abú inyo ma, umbə́ tono unó mbənə amə unó asiʼ, da isə aghəy amə unó iboŋ.

Filipi 1:18

Cha zigə mə ma anó moʼ! Anó kyay zənə amə́ awu amə kwi, kə úŋwən mə ghayn anó da Kristo akə fiŋ chuŋ kə akə fiŋ iboŋ, ayə wuʼ aŋu kwi umbə́ ghayn ukən chuŋ da Kristo akə inji jum.

Filipi 1:7

Yə kaŋa koʼ kwi a kono nigə da umbən jum damugə mə kaŋa wuʼe ngwən ungɨŋ inyi fiŋ azəd. Nwiye yə aghəy ichuŋ ina uma jum akə inji zənə mba mə faʼa abú uŋwən. U yə aghəy nigə akinine ŋunə amə andəŋ, numugə amə ghayn kwi ukən chuŋ amə asiʼ akə ma unó figi. Foro akə Amaʼazənə mə́ mə aghəy kwi ba beni unó mbənə umə ungɨŋ ukən chuŋ.

Filipi 2:3

Ka mbən ghəy ngwən anó chomo ni kwi aba umbən mi mə nə ughəy. Ka mbən nibi ghəy ngwən anó chomo ni kwi mbən yə beʼere inyo. Asɨmə mbən ki swiʼiri inyo kono kwi ba chini chigə ngwən.

1 Timoti 2:7

A mə da anó zəŋ nu Kristo choʼo aŋu kwi a ghayn inayn Nwiye, nibə mə wa tom, nibə mə wa umə itey anó da ibeni, a yə tey asiʼ da Kristo abú ba mbənə akə ma ba Jû. Cha amə figə aŋu unó, a yə ghayn amə asiʼ.

2 Timoti 2:9

Amə da ukən chuŋ awu nu amə zəw ingəʼ pey umugə u si kod aŋu akə indəŋ ibəw təŋ, a chomo ni wa ŋunə u gow ikɨy. Asɨmə cha nji amə ghəy u kod inayn Nwiye akə indəŋ.

2 Timoti 4:16

Akə amaʼ imbey zənə mə́ təm kwi u saʼ aŋu, cha wa moʼ zaʼa ma ikeŋe aŋu, Ba jum waʼ aŋu. Ka Nwiye ŋwaʼanayn ma anó zənə mbə́ aghəy akə ikum uma.