Filipi 1:15 - Aŋwaʼanayn Uso Fey

¹⁵ A mə asiʼ kwi ba nanaʼ mbə ghayn ukən chuŋ da Kristo anjim adey nibi foro anjim mugə umə ikwey uma. Asɨmə mbi moʼ mbə ghayn da fiŋ chuŋ.

Filipi 1:15 Iomraidhean Croise

Matəw 23:5

“Umbə aghəy unó ujum da ba zən úŋwən. Umbə tana ukubi mbənə umə ŋwaʼanayn inayn Nwiye zi ungɨŋ tiŋe ijene ukwey, umbə ita iti mə ndwi uma tənə umə zi gha iyad isá.

Afaʼa ba tom Kristo 10:36

Mbən kyay ukən ŋunə Nwiye tom abú ba Izre. Inayn wu mə ghayn ukən uchuŋ da aborobod zənə Nwiye mi chigə anjim Yeso Kristo naʼa ina. Yeso Kristo amə Asɨyisəg igun ba ujum.

Afaʼa ba tom Kristo 11:20

Anigə ba chini ni mbə́ beni Kristo nu mbə noʼo Sayipro foro Sirin ŋúw Antiyok sə ghayn ukən uchuŋ da Asɨyisəg Yeso abú ba mbənə akaʼa ma ba Jû.

Afaʼa ba tom Kristo 5:42

Anigə unəy ujum, mbə mə́ ŋuw ambəŋ Nwiye foro ana ba ni tey unó nibi yə ghayn ukən uchuŋ kwi Yeso mə wa ŋunə Nwiye zoʼo.

Afaʼa ba tom Kristo 8:35

Filip a num asin aŋwaʼanayn wu ni ighayn ukən uchuŋ da Yeso abú uŋwən.

Afaʼa ba tom Kristo 8:5

Filip swiʼi iŋú ungɨŋ asin moʼ aba abey a Samariya yə pey awu sə ghayn anó da wa ŋunə Nwiye zoʼo abú ba mbənə u mə asin wu.

Afaʼa ba tom Kristo 9:20

Yə noʼ aba ighara wu iŋú inyi ungɨŋ ana ibumi ba Jû zənə yə́ mə́ awu ni ghayn inayn Nwiye kwi Yeso amə Ŋwə̂ Nwiye.

Roman 2:8

Nwiye yi siyə itəm nibi zi usaʼa igun ba mbənə umə kaba u aghəy aba abú inyo ma, umbə́ tono unó mbənə amə unó asiʼ, da isə aghəy amə unó iboŋ.

1 Korintiyans 1:23

Asɨmə mba yə ghayn da Kristo nu mbə komo azad abaʼaray. Cha ba Jû wuʼ izəw anó zəŋ, amə nibə anó aneŋ abú ba mbənə akaʼa ma ba Jû.

1 Korintiyans 13:3

Abə naʼa u aghəy ujum mbənə umə iniŋ abú ba ukwaŋ, nibi na kaba inyi inyo kwi u toŋe, asɨmə cha a wuʼe ba, cha ami jəg aghəy moʼ awu.

2 Korintiyans 1:19

Damugə kaba Yeso Kristo ŋunə amə Ŋwə̂ Nwiye yugə nu aba ufeyn, nu Silvanus nə Timoti ghayn da uŋwən akaʼa injən yə ghayn kwi, “Aŋ” Igha beŋe ghayn kwi, “Indəʼ” Aba ighari wu. Uŋwən ghayn aba kwi, “Aŋ.”

2 Korintiyans 11:13

Ikudi ba təŋ amə ba tom afigə unó. Umbə tama ba akə unó mbənə umə ighayn. U mbə nibi beŋe chomo ni ba Kristo asiʼ.

2 Korintiyans 12:20

Ayə goro kwi amaʼazənə ami zaʼa, cha ami zən ngwən akə nji zənə mə́ mə kaba kwi mbən məŋi. Ayə nibə goro kwi cha mbən mi zən aŋu akə inji zənə mbən mə kaba kwi a məŋi. Ayə goro kwi amaʼazənə ami zaʼa ba mbi mə nə ataŋara, umbi mə ighəy adey, umbi mə isə itəm, umbi mə tono inaʼ aghəy abú ba, umbi mə jimə uma, umbi mə iweŋ ukwey, umbi mə ibeʼere inyo, umbi mə nibə ighəy abúri.

2 Korintiyans 4:5

Cha mba mə ghayn ngwa amə da ita inyo. Mba yə ghayn amə kwi Yeso Kristo amə Asɨyisəg. Mba yə nibi ghayn kwi mba mə isob inen da Yeso.

Galetiya 2:4

Amə nigə ba moʼ nyaʼa zaʼa nyi ungɨŋ ungwa fere kaba izən inji zənə ma mə chomo numugə ba mə akə ibumi nə Kristo. Mbə mə kaba ghəy ngwa akə isob akə aton unoʼo Mose.

Filipi 2:3

Ka mbən ghəy ngwən anó chomo ni kwi aba umbən mi mə nə ughəy. Ka mbən nibi ghəy ngwən anó chomo ni kwi mbən yə beʼere inyo. Asɨmə mbən ki swiʼiri inyo kono kwi ba chini chigə ngwən.

1 Timoti 3:16

Anó zənə u noy nu Nwiye aghəy mba kyay numugə ba beni Kristo amə kwi: Kristo num nyə̂ inyo wa inyoŋ atəw izaʼa ungɨŋ isəg, Azugə zayn tey kwi uyə aghəy unó mbənə u koʼoro, Amə angəd zən uŋwən, Mbə́ ghayn da uŋwən ungɨŋ ubey jum, Ba umgɨŋ usin jum si zi fiŋ uma igun ma, Nwiye num uŋwən azobo anigə inaʼ iwumini abú uŋwən.