Filipi 1:14 - Aŋwaʼanayn Uso Fey

¹⁴ Numugə amə andəŋ, yə si ghəy kwi unya nanaʼ akaʼa umbənə u beni Asɨyisəg tana ghayn inayn Nwiye akə fiŋ kaka foro kwi cha umə goro.

Filipi 1:14 Iomraidhean Croise

Ukən chuŋ da Yeso Kristo anji zənə Mak ŋwaʼanayn 3:3

Yeso ghayn abú anóm ŋunə abugə ma kuw kwi, “duw zaʼa imbey akəŋ”

Ukən chuŋ da Yeso Kristo anji zənə Luk ŋwaʼanayn 1:74

Kwi uyi chi ngwa ungɨŋ ikyə́ ubugə umba ba bana Inaʼ inji kwi mba faʼa abú uŋwən ni cha mba mə goro ngwa anó moʼ.

2 Korintiyans 3:12

Umugə mba niŋi ita ikono igun anó zəŋ, mba yə ghəy unó akə fiŋ kaka.

2 Korintiyans 7:4

Inyi fiŋ yə kaŋa igun inen. A yə beʼere inyo da ngwən. Mbən kaŋa zi ikay iniŋ. Ayə noro kwaʼa inji chuŋ ungɨŋ ingəʼ jum, iwuʼi nu ichigə abugə sugi ungɨŋ inyi fiŋ da ngwən.

Efesus 3:13

Anigə ayə boʼo ubugə inen kwi ka itən fiŋ ibó ma damugə amə zəw ingəʼ da ngwən. Unó mbəŋ jum amə da iwere ngwən.

Filipi 1:20

Anó zənə amə kaŋa kaba nibi kyay kwi ayi du akə anó asiʼ nibi niŋi ikono awu amə kwi cha ami noʼ mi mə aŋu ni indere atəw da anó zənə mə́ mə ghayn. Asɨmə akə umaʼ jum amara mə akinine, ayi mə nə fiŋ kaka da iwumini Kristo nə inyi itəni jum. Kanə amə ikuw kə ami ikay,

Filipi 1:7

Yə kaŋa koʼ kwi a kono nigə da umbən jum damugə mə kaŋa wuʼe ngwən ungɨŋ inyi fiŋ azəd. Nwiye yə aghəy ichuŋ ina uma jum akə inji zənə mba mə faʼa abú uŋwən. U yə aghəy nigə akinine ŋunə amə andəŋ, numugə amə ghayn kwi ukən chuŋ amə asiʼ akə ma unó figi. Foro akə Amaʼazənə mə́ mə aghəy kwi ba beni unó mbənə umə ungɨŋ ukən chuŋ.

Filipi 4:1

Umbuŋ unya, mə wuʼe ngwən nibə kaŋa kab kwi a zən ngwən. Mbən yə aghəy kwi inyi fiŋ boŋo. Mbən yə nibə choʼo afaʼa akə afaʼa zənə mə faʼa. Umbuŋ unya nu a wuʼi kwaʼa azəd, mbən təm ikay numugə mbən mə akə anó feyn ni Asɨyisəg.

Kolose 4:4

Mbən chaʼara Nwiye kwi a ghayn unó mbəŋ u duw zayn, aba anji zənə mə mi ighayn.

Kolose 4:7

Tayikikus ungwa unya nu mba wuʼi kwaʼa azəd, yi ghayn unó jum inen da ngwa. Uŋwən amə nibə ungwa unya faʼa akə inji zənə mba mə faʼa abú Asɨyisəg.

1 Tesaloniyans 2:2

Mbən kyay umugə ba mbənə umə Filipi ghəy mba zəw ingəʼ nibi jimə ngwa. Asɨmə Nwiye naʼa ikay ina kwi mba ghayn ukən chuŋ inen. Ka di ma kwi cha ba nanaʼ kaba uma kwi mba ghayn ukən chuŋ wu.

2 Timoti 2:9

Amə da ukən chuŋ awu nu amə zəw ingəʼ pey umugə u si kod aŋu akə indəŋ ibəw təŋ, a chomo ni wa ŋunə u gow ikɨy. Asɨmə cha nji amə ghəy u kod inayn Nwiye akə indəŋ.