Filipi 1:13 - Aŋwaʼanayn Uso Fey

¹³ Yə aghəy kwi usogwi jum mbənə umə nəmə itoʼ ni ba chini jum u kyay kwi ayə andəŋ damugə a mə ghayn ukən chuŋ da Kristo.

Filipi 1:13 Iomraidhean Croise

Afaʼa ba tom Kristo 26:29

Pol ywiri kwi, “Ayə chaʼara Nwiye kwi ungwə nə ba mbənə umə zəw anó zənə amə ghayn akə̂choŋ, mbən chomo nu umugə, kə amə akə amaʼ itum kə amaʼa sa. Asɨmə ka mbən mə ngwən wa ndəŋ ni umugə.”

Afaʼa ba tom Kristo 26:31

Amaʼazənə mbə́ mə́ duw, mbə́ ghayn uma uma kwi, “Cha anóm ŋunə aghəy ma anó moʼ amə aghəy u zwere uŋwən, kə kwi u zi uŋwən andəŋ.”

Afaʼa ba tom Kristo 28:17

Amaʼazənə unəy chigə uta, Pol tiya utəw mbənə umə cha ba Jû u zaʼa bumə anigə ughayn abú úŋwen kwi, “Umbuŋ unya anóm, kanə cha mə́ di aghəy aŋu anó moʼ abú umba ba kə da inji unó umba mbaʼ imbey, mbə́ ibiya aŋu a Yerusanem inaʼ abú ba Rom.

Afaʼa ba tom Kristo 28:20

Amə aton zənə mə ghayn kwi mbən zaʼa a zən ngwən nibi inayn inen damugə amə da wa ŋunə ba Izre zi ikono ma awu nu ghəy kwi u kod aŋu akə indəŋ təŋ.”

Afaʼa ba tom Kristo 28:30

Pol chomo awu akə ituʼ abigə. Yə́ mə́ chomo akə na nu yə́ mə́ ituwə. Yə́ mə́ num ə ba ujum mbənə mbə́ mə́ ŋuw abú uŋwen.

Efesus 3:1

Amə da anó zənə Nwiye fere ba akə wa feyn nu numugə Pol amə wa ndəŋ da umbən mbənə akə ma ba Jû. Amə wa ndəŋ damugə amə ghayn ukən chuŋ da Yeso Kristo.

Efesus 4:1

Umugə amə wa ndəŋ damugə amə faʼa abú Asɨyisəg, ayə boʼo ubugə inen kwi mbən chomo akə nji zənə ikoʼoro nu amə nji zənə Nwiye tiya ngwən kwi mbən chomo.

Efesus 6:20

Ayə ana indəŋ damugə a təm akə ukum Yeso Kristo. Mbən chaʼara Nwiye a ghayn ukən wu nə fiŋ kaka akə inji zənə amə kaba ighayn.

Filipi 1:30

Mbən yə zoŋ akinine nə ba abana aba anji zənə mə nibi zoŋ. Anji zənə mbən kyay, amə nigə amə bugə zoŋo.

Filipi 1:7

Yə kaŋa koʼ kwi a kono nigə da umbən jum damugə mə kaŋa wuʼe ngwən ungɨŋ inyi fiŋ azəd. Nwiye yə aghəy ichuŋ ina uma jum akə inji zənə mba mə faʼa abú uŋwən. U yə aghəy nigə akinine ŋunə amə andəŋ, numugə amə ghayn kwi ukən chuŋ amə asiʼ akə ma unó figi. Foro akə Amaʼazənə mə́ mə aghəy kwi ba beni unó mbənə umə ungɨŋ ukən chuŋ.

Filipi 4:22

Ba Nwiye jum chaʼara ngwən, amara mə umbənə umə faʼa ungɨŋ itoʼ Kayisa.

2 Timoti 2:9

Amə da ukən chuŋ awu nu amə zəw ingəʼ pey umugə u si kod aŋu akə indəŋ ibəw təŋ, a chomo ni wa ŋunə u gow ikɨy. Asɨmə cha nji amə ghəy u kod inayn Nwiye akə indəŋ.