Filipi 1:12 - Aŋwaʼanayn Uso Fey

¹² Umbuŋ unya, ayə kaba kwi mbən kyay kwi anó zənə aghəy iniŋ yə were ighəy kwi ukən chuŋ u ŋuw imbey.

Filipi 1:12 Iomraidhean Croise

Ukən chuŋ da Yeso Kristo anji zənə Luk ŋwaʼanayn 21:13

Amə apan zigə inen ighayn ukən uchuŋ.

Afaʼa ba tom Kristo 8:4

Ba Kristo mbənə mbə́ saŋa mə́ yeŋ yə ghayn inayn Nwiye usin ujum.

Roman 8:28

Mba kyay kwi akə unó ujum, Nwiye yə faʼa kwi ba mbənə u wuʼi uŋwən u zən ichuŋ. Anigə amə ba mbənə u tiya kwi amə umbi ba anjim zənə yə si isiy.

Roman 8:37

Indəʼ, ungɨŋ unó mbəŋ ujum, mba chigə uŋwən ŋunə uwuʼi ngwa.

Filipi 1:5

damugə mbən were aŋu ni saŋa ukən chuŋ da Kristo. Mbən ti ni ghəy nigə inoʼo akə amaʼazənə mbən zəw ukən chuŋ wu ibeni. Mbən yə bugə ghəy nigə izaʼa pey akinine.

Filipi 1:7

Yə kaŋa koʼ kwi a kono nigə da umbən jum damugə mə kaŋa wuʼe ngwən ungɨŋ inyi fiŋ azəd. Nwiye yə aghəy ichuŋ ina uma jum akə inji zənə mba mə faʼa abú uŋwən. U yə aghəy nigə akinine ŋunə amə andəŋ, numugə amə ghayn kwi ukən chuŋ amə asiʼ akə ma unó figi. Foro akə Amaʼazənə mə́ mə aghəy kwi ba beni unó mbənə umə ungɨŋ ukən chuŋ.

Filipi 2:22

Mbən kyay kwi Timoti tey kwi imə wa faʼa chuŋ. Chomo ni ŋwə̂ nə mbaʼ, yə si faʼ nə umugə ighayn ukən chuŋ.

Filipi 4:15

Umbən ba Filipi kaŋa kyay kwaʼa anji chuŋ kwi amaʼazənə mə́ noʼo Masedoniya imə ghayn ukən chuŋ, cha ufere chini were ma aŋu, aba umbən mbən were aŋu.

Filipi 4:3

Ayə nibə ghayn inigə, ungwə ŋunə ngwə faʼa nə umugə akə fiŋ jum, kwi ngwə were ayey mbəŋ u chomo akə aborobod, damugə úŋwən, Klemen foro ba chini si faʼ akə ikay nə umugə ighayn ukən chuŋ. Ikum uma itə ungɨŋ aŋwaʼanayn zənə uŋwaʼanayn ikum ba mbənə umi jəgi itəni.

1 Timoti 2:8

A yə kaba kwi usin jum mbənə ba Kristo fere akuŋ iwumini Nwiye, anóm mbənə u si naʼa fiŋ uma jum abú Nwiye u beʼere ubugə ma aneŋ ichaʼara Nwiye. U aghəy nigə nu cha umə isəy itəm foro nu cha umə taŋara.

2 Timoti 2:9

Amə da ukən chuŋ awu nu amə zəw ingəʼ pey umugə u si kod aŋu akə indəŋ ibəw təŋ, a chomo ni wa ŋunə u gow ikɨy. Asɨmə cha nji amə ghəy u kod inayn Nwiye akə indəŋ.

2 Timoti 4:17

Mbə́ aghəy nigə, asɨmə Asɨyisəg təm inyi iyad inaʼ ikay iniŋ kwi a ghayn inayn Nwiye jum, da ba jum mbənə akə ma ba Jû u zəw. Amaʼazənə mə ghayn nigə, Asɨyisəg chi aŋu uchəw iwu, akə inji zənə mbə́ mə́ kaba kwi u zwere aŋu.