Filipi 1:10 - Aŋwaʼanayn Uso Fey

¹⁰ Boʼo mbən chiyə azənə atana boŋ. Mbən bə aghəy nigə, mbən yi chomo uzayn zayn foro kwi cha ba mi ghayn anó iboŋ da ngwən aney zənə Kristo ni wene izaʼa.

Filipi 1:10 Iomraidhean Croise

Matəw 16:23

Yeso gha ma ghayn abú Pita kwi, “Noʼo ayə inyi iyad Satan! Ngwə yə kənə inyi inji, damugə cha iji kono di noʼo ma abú Nwiye, Asɨmə yə noʼ abú wa inyoŋ atəw.”

Matəw 26:33

Pita ghayn abú uŋwən kwi, “Ka mbə məŋə-anó mbi ujum di nod sayn ayə, cha ami inoʼ ighəy nigə.”

Ukən chuŋ da Yeso Kristo anji zənə Jon ŋwaʼanayn 1:47

Yeso zən Nataniel nu yə mə yeŋ zaʼa abú uŋwən, anigə yə́ ghayn abú uŋwən kwi, “Mbən zəw uŋwən amə wa Izre asiʼ, cha unó ingob ungɨŋ ma!”

Ukən chuŋ da Yeso Kristo anji zənə Jon ŋwaʼanayn 3:20

Ba jum mbənə umə ighəy unó iboŋ umbə bana uzayn zayn. Cha umə zaʼa ungɨŋ uzayn zayn da ka ba zən uma unó iboŋ ma.

Afaʼa ba tom Kristo 24:16

Anigə, ayə zi ikay ighəy anó zənə ami aghəy kwi inyi fiŋ zayn ifigi Nwiye nibi zayn ifigi ba.

Roman 12:2

Ka mbən beni ngwən nə unó mbənə ba ungɨŋ isəg mə aghəy. Asɨmə mbən sayn kwi Nwiye beŋe ngwən anji zənə u naʼa ikono fey inen, da mbən kyay anó zənə u kabay. Anigə mbən kyay unó mbənə amə umbi chuŋ, mbən kyay u mbənə u wuʼi nibi kyay u mbənə ukoʼoro.

Roman 12:9

Mbən wuʼe ba akə itən fiŋ jum. Mbə bana unó iboŋ, iyimi anó ni aghəy ichuŋ iku igun.

Roman 16:17

Umbuŋ unya, ayə boʼo ubugə inen kwi mbən iwey ngwən ni ba mbənə umə kaba izi aghaba akaʼa ba Kristo foro kwi ufaba inji. Umbə aghəy nigə da mbən ton unó mbənə mbən si kweme. Ka mbən ŋu ngwən iyad uma,

Roman 2:18

Ngwə kyay anó zənə Nwiye mə kaba kwi ngwə aghəy, ngwə si kweme unoʼo ikyay anó zənə a koʼoro.

Roman 7:16

Numugə amə aghəy amə unó mbənə cha amə kaba ighəy, yə tey kwi mə beni kwi unoʼo boŋ.

Roman 7:22

Mə kaŋa iwuʼ ighəy anó zənə unoʼo Nwiye mə ghayn nə iniy fiŋ ujum,

Roman 8:7

Ayə ney damugə wa ŋunə u zi fiŋ akə ughəy mbənə nyə̂ inyo mə kaba yə ghəy unó mbənə cha Nwiye kaba. Cha umə num ma unoʼo Nwiye. Amə asiʼ kwi cha umi noʼo inum.

1 Korintiyans 1:8

Uŋwən yi aghəy kwi mbə təm ikay iŋu pey akə inwi, da cha umi zən ma anó iboŋ moʼ igun inen anəy zənə umi wene izaʼa.

1 Korintiyans 10:32

Mbən iwe ngwən kwi ka mbən ghəy ngwən anó zənə ami ghəy kwi ba Jû kə ba mbənə akaʼa ma ba Jû kə ba ungɨŋ ufere ba Nwiye ka kən ma úŋwən kwi ka ukyay uma unó Nwiye.

1 Korintiyans 8:13

Anigə, aghəy zənə a jəgə bə ghəy kwi uŋu unya gow anó, cha ami noʼo igha koro aŋu nyə̂, da ka ghəy aŋu uŋu unya u gow.

2 Korintiyans 1:12

Akinine, anó zənə mba mə komo iguwə igun amə kwi, ita fiŋ zayn kwi mba aghəy unó zayn zayn, nibə aghəy unó mbənə amə umbi asiʼ anji zənə mba mə ungɨŋ isəg, amara mə akinine ŋunə mba mə akaʼa injən. Amə ichuŋ zənə Nwiye aghəy ina, akə ma iwe ba nyoŋ atəw aghəy kwi mba aghəy ney.

2 Korintiyans 2:17

Cha mba di chomo ngwa ni ba nanaʼ mbənə u num inayn Nwiye ni aghəy iwe awu da ijəg injəm. Mba yə ghayn asiʼ akə ita fiŋ jum ifigi Nwiye numugə mba mə akə anó feyn nə Kristo. Amə Nwiye ma ambuŋ tomo ngwa kwi mba ghayn.

2 Korintiyans 6:3

Cha mba mə kənə inji abú wa moʼ boʼo ka ughayn ma anó iboŋ da afaʼa zənə mba mə faʼa.

2 Korintiyans 8:8

Cha amə ghayn aŋu anó zəŋ inen ni kwi ayə sobo isobo. Ayə kaba iməg amə inji zənə mba wuʼi ba akə ita fiŋ jum akə inji zənə ba chini wuʼe anó ni were.

Galetiya 5:11

Umbuŋ unya, a bə ghayn kwi mbən ney ikad ba, nji aton nu ba mə inwini itəŋ inya ughəw amə da ingiya? A bə mə kwi mə kaŋa ighəy nigə, nji cha anó zənə amə ghayn da mugə Yeso ku azad abaʼaray mə ma nə anó moʼ ighəy.

Efesus 4:15

Asɨmə amaʼazənə mba mə ghayn asiʼ nə iwuʼi, mba yi kwey akə inji jum si chomo nə Kristo ŋunə amə atəw.

Efesus 5:10

Mbən kweme imə aghəy unó mbənə u boŋo abú Asɨyisəg.

Efesus 5:27

Yə aghəy nigə da inum ifere wu ichomo anji chuŋ ifigi ma nu imə meŋene, cha indoro moʼ igun, kə anó moʼ nu aghəy kwi ka izayn uma, asɨmə imə nə uzayn zayn nu cha anó amə aghəy u ghayn da iŋwən.

Efesus 6:24

Nwiye aghəy ichuŋ abú ba jum mbənə u wuʼi Asɨyisəg Yeso Kristo nə iwuʼi zənə cha imi noʼo imey.

Filipi 1:16

Umbənə umə ghayn nə fiŋ chuŋ umbə aghəy nigə nə iwuʼi damugə mbən kyay kwi ayə ghayn damugə Nwiye naʼa afaʼa iniŋ kwi a tey kwi ukən chuŋ amə anó asiʼ akə ma unó figi.

Filipi 1:6

Mə kaŋa kyay kwi Nwiye ŋunə yə ti afaʼa chuŋ zəŋ ungɨŋ inen u yi ighəy kwi mbən faʼa ŋu mara aney zənə Yeso Kristo mi wene izaʼa.

Filipi 2:16

Mbən yimə inayn zənə imə naʼa itəni boʼo ami mə komo iguwə da ngwən aney zənə Kristo mi wene zaʼa kwi cha a di nod aŋu ibuw, cha inyi afaʼa di chigə ma ibuw.

1 Tesaloniyans 3:13

Mba yə chaʼara kwi u ghəy itən fiŋ kara da cha umi zi ma anó igun inen, foro da mbən chomo akə uzayn zayn ifigi Nwiye ungwa mbaʼ amaʼazənə ungwa Asɨyisəg Yeso mi wene zaʼa ni ba zayn zayn uma.

1 Tesaloniyans 5:21

asɨmə mbən zweʼe ikən wu jum yimə uŋunə u boŋo.

1 Tesaloniyans 5:23

Nwiye ŋunə umə naʼa aborobod u ghəy ma amboŋ kwi mbən zayn. Nwiye ghəy kwi azugə nə itən fiŋ foro itən nyə̂ inyo ghəy unó mbənə ukoʼoro da ka wa moʼ zən ma anó iboŋ igun inen akə amaʼazənə ungwa Asɨyisəg Yeso Kristo mi wene izaʼa.

1 Jon 4:1

Umbuŋ uzi nu a wuʼi kwaʼa azəd, ka mbən beni ngwən ba ujum mbənə ughayn kwi Azugə Nwiye yə ungɨŋ uma. Asɨmə mbən zweʼe uzugə ujum wu izən kwi mbə noʼ abú Nwiye kə indəʼe. Ayə ghayn ney damugə ba ukən Nwiye afigə unó unanaʼ si saŋa ungɨŋ isəg.

Uney inwi 2:2

mə kyayn unó mbənə ngwə mə aghəy. Mə kyayn umugə ngwə mə faʼa akə ikay nibi kyay umugə ngwə si yimə fiŋ ungɨŋ ingəʼ. Mə kyay kwi cha ngwə di iwuʼ izən ba mbənə umə aghəy unó iboŋ. Mə kyay kwi ngwə si zweʼe ba mbənə umə ghayn kwi mbi mə ba tom nu cha umə uma ba tom anigə izən kwi úŋwən mə ba figə unó.