Filipi 1:1 - Aŋwaʼanayn Uso Fey

¹ Amə umə Pol ni Timoti nu mba mbə ba afaʼa Yeso Kristo mba ŋwaʼanayn aŋwaʼanayn zəŋ. Mba yə Ŋwaʼanayn abú umbən ba Nwiye jum mbənə umə Filipi, nu mbən mə akə anó feyn nə Kristo. Mba yə ŋwaʼanayn abú mbən mbənə amə atəw umə cha ba Kristo. Mba yə nibi ŋwaʼanayn inen umbən mbənə mbən mə were úŋwən.

Filipi 1:1 Iomraidhean Croise

Ukən chuŋ da Yeso Kristo anji zənə Mak ŋwaʼanayn 13:34

Ayi mə ni wa ŋunə unoʼo iŋu igha isayn u ghəy ma abú ba faʼa kwi uni iney anigə inaʼ atəw faʼa wa feyn feyn kwi uni faʼ anigə ighayn abú uŋunə umə nəmə uchəw ukam kwi umə ikyiʼi.

Ukən chuŋ da Yeso Kristo anji zənə Jon ŋwaʼanayn 12:26

Wa ŋunə umə kaba ifaʼ iniŋ, yə beni aboʼo inyi da asin zənə amə awu, uŋu wa faʼa yi mə awu. Uŋu Mbaʼ yi wumini wa moʼ ŋunə u faʼa iniŋ.”

Afaʼa ba tom Kristo 1:20

“Mbə uŋwaʼanayn ungɨŋ aŋwaʼanayn Sâm kwi, ‘I na ma chomo ika Ka wa moʼ chomo ma ungɨŋ’ foro kwi, ‘Wa chini num asin Afaʼa ma.’”

Afaʼa ba tom Kristo 20:28

Anigə mbən ki ney itən inyo umbən umbən, nibə ney ba Kristo mbənə Azugə zayn zayn siy kwi mbən ki ney úŋwən. Mbən ki ney ufere ba Kristo ŋunə u aghəy amə ba ma anjim anəm zənə ŋwə̂ ma turi.

Afaʼa ba tom Kristo 9:13

Ananiyas ywiri kwi, “Asɨyisəg ba nanaʼ si ghayn ineŋ da anóm uŋu. Mbə si ghayn da mugə u si ighəy unó iboŋ nanaʼ abú ba mbənə u beni ayə a Yerusanem”

Roman 1:1

Amə umugə Pol nu amə wa faʼa Yeso Kristo a ŋwaʼanayn aŋwaʼanayn zəŋ. Nwiye tiya aŋu kwi amə wa tom Kristo. Yə nibi choʼo aŋu kwi ani ghayn ukən uchuŋ.

Roman 1:7

Ayə ŋwaʼanayn abú ba ujum mbənə umə á Rom. Nwiye wuʼi ngwən kwaʼa azəd anigə itiya ngwən kwi mbən mə ba ma. Nwiye ungwa Mbaʼ nə Asɨyisəg Yeso Kristo aghəy ichuŋ inen nibi naʼ aborobod inen.

1 Korintiyans 16:10

Timoti yə zaʼa inen, mbən ghəy u chomo uchuŋ uchuŋ injən akaʼa. Uŋwən yə faʼa abú Asɨyisəg numugə amə faʼa.

2 Korintiyans 1:1

Amə umugə Pol nu amə wa tom Yeso Kristo anji zənə Nwiye kabay, ŋwaʼanayn aŋwaʼanayn zəŋ. Ayə ŋwaʼanayn abú ufere ba Nwiye ŋunə umə Koren. Ayə nibi ŋwaʼanayn abú ba Nwiye jum mbənə umə aba abey zənə amə a Akayiya. Umugə ni Timoti nu amə ungwa unya mba yə chaʼara ngwən.

Galetiya 1:10

A waʼa kaba kwi ba ghayn kwi mə boŋo, kə kwi Nwiye ghayn kwi mə boŋo? Mə di mə kaba ighəy kwi ba ghayn kwi mə boŋ, nji cha mə mi mə wa faʼa Kristo.

Galetiya 3:26

U mbən jum amə buŋ Nwiye anjim umugə mbən zi fiŋ igun Yeso Kristo.

Galetiya 3:28

Anigə cha ikyaba akə wa Jû nə wa ŋunə akəma wa Jû. Cha ikyaba akə isob ni wa ŋunə akəma isob. Cha ikyaba akə anóm nə ayey damugə ba jum si məŋi wa feyn numugə mba mə akə anó feyn nə Kristo.

Efesus 1:1

Amə umugə Pol nu amə wa tom Yeso Kristo anjim umugə Nwiye kaba kwi a ŋwaʼanayn aŋwaʼanayn zəŋ. Ayə ŋwaʼanayn inen umbən ba Nwiye mbənə umə Efesus nu umə akə ibumi nə Yeso Kristo.

Efesus 1:15

Iti amaʼazənə mə zəw da ibeni zənə imə inen igun Asɨyisəg Yeso nibi zəw umugə mbən wuʼi ba Nwiye ujum,

Efesus 6:24

Nwiye aghəy ichuŋ abú ba jum mbənə u wuʼi Asɨyisəg Yeso Kristo nə iwuʼi zənə cha imi noʼo imey.

Filipi 2:19

Asɨyisəg Yeso bə beni, a yi tom Timoti inen boʼo iwuʼi sugi ungɨŋ inyi fiŋ amaʼazənə u bə wene zaʼa pey yə ghayn unó iniŋ da ngwən.

Filipi 2:5

Mbən ni ghəy unó anji zənə Yeso Kristo mə ighəy.

Filipi 3:12

Cha amə ghayn aŋu kwi mə si ghəy unó mbəŋ jum, kə kwi mə si boŋ imara, asɨmə ayə faʼa da imə nə úŋwən. Yeso Kristo yi ghəy kwi amə wa uma da imə nə ughəy mbəŋ ujum.

Filipi 3:3

Amə umba nu u ney ikad akə asiʼ. Azugə Nwiye yə were ngwa kwi mba wumini Nwiye. Mba yə wuʼe ngwa numugə mba mə akə ibumi nə Yeso Kristo. Anigə cha ba zi ngwa ita fiŋ akə unó mbənə ba nyoŋ atəw umə ighəy.

Filipi 3:8

Asiʼ ŋunə umə awu amə kwi unó jum wu nim da anó kyay zənə a boŋo chigə. Anó kyay wu amə umugə a kyay uŋu Asɨyisəg Yeso Kristo. Mə si zən kwi unó wu jum amə indoro da a chomo ni Kristo. Da uŋwən mə waʼ ughəy jum,

1 Tesaloniyans 1:1

Amə umugə Pol nə Sayilas foro Timoti mba ŋwaʼanayn aŋwaʼanayn zəŋ. Mba yə ŋwaʼanayn inen umbən ba Kristo mbənə mbən mə ungɨŋ ufere ŋunə umə Tesalonika, nu mbən mə ba Nwiye mbaʼ foro ba Asɨyisəg Yeso Kristo. Nwiye ghəy ichuŋ inen nibi naʼa aborobod inen.

1 Tesaloniyans 2:2

Mbən kyay umugə ba mbənə umə Filipi ghəy mba zəw ingəʼ nibi jimə ngwa. Asɨmə Nwiye naʼa ikay ina kwi mba ghayn ukən chuŋ inen. Ka di ma kwi cha ba nanaʼ kaba uma kwi mba ghayn ukən chuŋ wu.

2 Tesaloniyans 1:1

Amə umugə Pol nə Sayilas foro Timoti mba ŋwaʼanayn aŋwaʼanayn zəŋ. Mba yə ŋwaʼanayn inen umbən ba Kristo mbənə mbən mə ungɨŋ ufere Tesalonika nu mbən mə ba Nwiye ungwa Mbaʼ foro ba Asɨyisəg Yeso Kristo.

2 Tesaloniyans 1:10

Aney zənə umi zaʼa, ba ma mbi yere, ba ujum mbənə beni uŋwən mbi naʼa iwumini abú uŋwən. Kaba umbən, mbən yi mə aboʼo uŋwən damugə mbən beni anó zənə ba ghayn inen.

1 Timoti 1:2

Ayə ŋwaʼanayn inigə ungwə Timoti, nu amə uŋu ŋwə̂ asiʼ anji zənə mba beni Kristo. Nwiye Mbaʼ ni Asɨyisəg Yeso Kristo ghəy ichuŋ inen, idiri ngwən nibi naʼ aborobod inen.

1 Timoti 3:8

Ba mbənə umə were ungɨŋ ufere ba Kristo mə ba mbənə ba chini mə iwumini. Amə ba mbənə umə itəmə igun asiʼ. Akəma ba nu umə nayn inayn ibɨy ibɨy. Akəma ba nu umə inugə unoʼ azəd. Akəma ba nu umə zi adoʼ akə ukab.

Titus 1:1

Amə umugə Pol nu amə wa faʼa Nwiye nibə mə wa tom Kristo a ŋwaʼanayn aŋwaʼanayn zəŋ. Nwiye choʼo aŋu kwi a ghəy kwi ibeni ba mbənə u choʼo kara, foro kwi u kyay asiʼ ŋunə u ghəy kwi uŋwən chomo akə inji zənə Nwiye kaba.

Titus 1:7

Numugə atəw akə ufere ba Kristo amə wa nu umə faʼa abú Nwiye. Amə wa nu cha usaʼ moʼ igun ma. Ka wa nu umə jimə ba. Ka amə wa nu umə isə itəm. Ka amə wa nu umə nugə unoʼ ibigə. Ka amə wa nu umə zoŋo. Ka amə wa nu umə ighəy adoʼ akə ukab.

Filemon 1:1

Amə umugə Pol nu amə wa ndəŋ da Yeso Kristo nə Timoti nu amə ungwa unya anóm mba ŋwaʼanayn aŋwaʼanayn zəŋ. Mba yə ŋwaʼanayn inigə ungwə Filemon inja azi nu mba mə faʼa nə uŋwən.

Hibru 13:23

Mbən kyay kwi mbə́ si chi ungwa unya Timoti a ndəŋ. U bə yaba zaʼa pey akəŋ, ayi zaʼa izən ngwən nə uŋwən.

Jems 1:1

Amə umugə Jems nu amə wa afaʼa Nwiye ni Asɨyisəg Yeso Kristo ŋwaʼanayn aŋwaʼanayn zəŋ. Ayə ŋwaʼanayn inen inebey ba Jû ighum cho bigə nu u saŋa igun isəg ujum. Mə chaʼara ngwen.

1 Pita 2:25

Mbən chomo ni injəg tənə isi faba, asɨmə akinine mbən si gha ŋu abú anəmə injəg ŋunə umə nəmə ngwən.

2 Pita 1:1

Amə umugə Sayimon Pita wa faʼa foro wa tom Yeso Kristo á ŋwaʼanayn aŋwaʼanayn zəŋ. A yə ŋwaʼanayn inen umbən mbənə mbən mə nə ibeni nu imə ichin ichin ni inja, anjim ichuŋ ungwa Nwiye nə Asɨyisəg Yeso Kristo ŋunə u chi ba angəʼ Uŋwən yə ghəy unó nu ukoʼoro.

Aŋwaʼanayn zənə Jud aŋwaʼanayn 1:1

Amə umugə Jud nu amə wa faʼa Yeso Kristo nibi mə unya anóm Jems ŋwaʼanayn aŋwaʼanayn zəŋ. A yə ŋwaʼanayn abú ba mbənə Nwiye Mbaʼ wuʼi kwaʼa azəd anigə itiya úŋwən kwi amə umbi ba, nibi ni nəmə úŋwən pey anəy zənə Yeso Kristo mi wənə izaʼa.

Uney inwi 1:1

Aŋwaʼanayn zəŋ amə da unó mbənə Nwiye aghəy abú Yeso Kristo kwi u tey abú ba faʼa ma unó mbənə umə sə baʼa inum usin. Yeso Kristo tom angəd abú wa faʼa ma nu ukum ma mə Jon. Yə́ tom uŋwən kwi u aghəy ba kyay unó mbəŋ.

Uney inwi 1:20

Anó zənə cha ba kyay da itəni sambigə tənə ngwə zənə inyi abugə jəgi foro da ughəy mbənə umə niŋe anam igun amə kwi: Itəni sambigə təŋ amə mbə angəd mbənə umə iney ifere ba Kristo sambigə wu, ughəy sambigə mbənə umə niŋe anam igun nu u tana akə gol amə ifere ba Kristo sambigə wu.”

Uney inwi 19:10

Mə zəw ney igow ughəw ma iwumini uŋwən. Asɨyisəg yə ghayn iniŋ kwi, “Ighəy ayə nigə! Amə wa faʼa ni ungwə foro nə unya mbi mbənə umə ghayn asiʼ da Kristo. Wumini Nwiye!” Ayə ghayn ney damugə asiʼ da Yeso amə aghəy zənə amə ghəy kwi ba ukən u ghayn ukən Nwiye.

Uney inwi 2:12

Asɨyisəg nibi ghayn iniŋ kwi, “Ŋwaʼanayn abú angəd ŋunə umə iney ufere ba Kristo ŋunə umə Pegamum kwi, ‘Inayn zəŋ noʼo abú wa ŋunə umə nə ubey berd uba bigə.’

Uney inwi 2:8

Asɨyisəg nibi ghayn iniŋ kwi, “Ŋwaʼanayn abú angəd ŋunə umə ungɨŋ ufere ba Kristo ŋunə umə Smaina kwi, inayn zəŋ noʼo abú wa ŋunə amə iti nibə amə inwi, uŋunə yə kuw igha zəmə ghayn kwi:

Uney inwi 22:9

Asɨmə yə ghayn iniŋ kwi, “I aghəy yə nigə! Amə wa faʼa ni ungwə, nə unya mbənə amə ba ukən Nwiye foro u mbənə umə aghəy unó mbənə umə ungɨŋ aŋwaʼanayn zəŋ. Wumini Nwiye!”