Filemon 1:7 - Aŋwaʼanayn Uso Fey

⁷ Unya, inji zənə ngwə wuʼi ba aghəy kwi ighaʼa sugi ungɨŋ nyi fiŋ. Numugə ngwə mə zure fiŋ ba Nwiye, si zi ikay abú úŋwən.

Filemon 1:7 Iomraidhean Croise

1 Korintiyans 16:18

Mbə́ ghəy inyi fiŋ zuti numugə mbə nibi ghəy itən fiŋ zuti. Yə boŋ kwi ba kyay kwi úŋwən mbə́ faʼa afaʼa chuŋ.

2 Korintiyans 7:13

Anó zəŋ si kwaʼa zi ikay ina. Amə anji zənə mbən zi ikay ina, Mba yə nibə kaŋa wuʼe ngwa numugə iwuʼi sugi ungɨŋ fiŋ Tayitus damugə umba jum aghəy fiŋ ma zuti.

2 Korintiyans 7:4

Inyi fiŋ yə kaŋa igun inen. A yə beʼere inyo da ngwən. Mbən kaŋa zi ikay iniŋ. Ayə noro kwaʼa inji chuŋ ungɨŋ ingəʼ jum, iwuʼi nu ichigə abugə sugi ungɨŋ inyi fiŋ da ngwən.

1 Tesaloniyans 1:3

Amaʼazənə mba mə chaʼara Nwiye ungwa mbaʼ, mba yə kono unó mbənə mbən mə ghəy anji zənə mbən zi fiŋ igun Kristo. Mba yə nibə kono umugə mbən mə faʼa akə ikay iywere ba damugə mbən wuʼi úŋwən. Mba yə nibə kono umugə mbən yimə fiŋ mə nəmə numugə zi fiŋ igun Asɨyisəg Yeso Kristo nu umi chi ngwən angəʼ.

1 Tesaloniyans 2:13

Mba yə nibə naʼa yə beni ayə abú Nwiye ighari jum da kwi amaʼazənə mba zaʼa inen nə inayn Nwiye, mbən zəw ibeni, akə ma ni kwi amə inayn ba inyoŋ atəw. Mbən kaŋa beni kwi amə inayn Nwiye. Inayn wu yə faʼa ungɨŋ inen umbən mbənə mbən beni Kristo.

1 Tesaloniyans 2:19

Amə da umbən nu mba mə siyə ita ikono ni nəmə, ni wuʼe ngwa komo iguwə ifigi Asɨyisəg Yeso amaʼazənə umi zaʼa.

1 Tesaloniyans 3:9

Amə ngiya amə ghəy mba kaŋa naʼ yə beni ayə abú Nwiye da ngwən, da itey iwuʼi zənə imə ina ifigi ungwa Nwiye da ngwən?

2 Timoti 1:16

Ayə chaʼara Asɨyisəg Yeso kwi u diri ba mbənə umə ungɨŋ unebey Onesiforus damugə mbə mə́ kaŋa zutə inyi fiŋ. Amə cha uŋwən nə indere atəw da aŋu numugə mə́ mə ana indəŋ.

Filemon 1:20

Anigə uŋu unya, ayə kaba kwi ngwə ghəy ichuŋ zəŋ iniŋ akə ukum Asɨyisəg. Kaŋa izwuri inyi fiŋ numugə mba mə akə ibumi nə Kristo.

2 Jon 1:4

Mə kaŋa iwuʼ aŋu izəw kwi u mbən buŋ moʼ mbə beni asiʼ aba anji zənə mbaʼ ghayn ina.