Filemon 1:6 - Aŋwaʼanayn Uso Fey

⁶ Ayə chaʼara Nwiye kwi numugə ngwə niŋi inji beni igun Kristo nu mba. Zəŋ ayi aghəy kwi injə atəw zayn kwi ngwə tana kyay ichuŋ jum zənə imə ina numugə mba mə akə anó feyn nə Kristo.

Filemon 1:6 Iomraidhean Croise

Matəw 25:16

Wa faʼa ŋunə yə num ubam gol itɨŋ ŋu gha iyuŋ ijəg injim ubam gol chini itɨŋ.

Matəw 5:16

Amə nibə nigə nu úŋwen zayn zayn yi tey ifigi ba da u zən unó chuŋ mbənə mbə mə aghəy anigə iyere úŋwen Mbaʼ ŋunə umə azobo.”

1 Korintiyans 14:25

Unó mbənə umə inoy ungɨŋ fiŋ ma umbi du asaŋ. Anigə yi gune sə wumine Nwiye ghayn kwi, “Amə asiʼ kwi Nwiye yə akəŋ aboʼo injən.”

1 Korintiyans 16:9

Ayi chomo awu damugə apan chuŋ du iniŋ kwi a faʼa afaʼa kyayn. Asɨmə cha ba nanaʼ mə kaba ma kwi a faʼa afaʼa wu.

Filipi 4:8

Umbuŋ unya, anó nu asi nwi amə kwi, anó moʼ be boŋ, anó moʼ bə mə awu amə tey kwi ba yere, mbən niŋi itən ikono igun unó wu. Ano nu amə iyi asiʼ, anó nu ba mi wumini, anó nu a koʼoro, anó nu azayn, anó nu ba wuʼi, anó nu aboŋo chigə, anó nu atey kwi ba yere, mbən niŋi itən ikono igun unó wu.

Kolose 1:9

Amə aton zənə iti Amaʼazənə mba zəw anó da ngwən, cha mba di si waʼ imə chaʼara Nwiye da ngwən. Mba yə chaʼara kwi Azugə ma aghəy mbən tana ikyay unó mbənə u kaba. Umbən utəw tana zəŋ mbən kyay unó wu anjim iwe zənə Azugə naʼa.

Kolose 3:10

Akinine mbən si num nyə̂ inyo fiy. Nwiye yi beŋe nyə̂ inyo fiy wu kwi itana kyay uŋwən nibi chomo ni uŋwən.

Titus 3:14

Nibi zən kwi umba ba kweme anó imə ghəy ichuŋ da iwere u mbənə ughəy ibəw abú úŋwən. Ka úŋwən mə uma ba nu umə ghəy unó nu cha udi ikoʼoro.

Hibru 6:10

Nwiye yə aghəy aba unó nu ukoʼoro. Cha uŋwən mi nyaba unó mbənə mbən si ighəy. Cha umi inyaba iwuʼi zənə mbən tey abú uŋwən akə inji zənə mbən mə were uma nibə ŋu imbey imə bugə were.

Jems 2:14

Umbuŋ unya, injim zənə wa mi jəg amə ingiya, ighari zənə ngwə ghayn kwi iyə nə ibeni asɨmə cha ngwə mə aghəy anó nu atey ibeni wu? Kə ibeni wu mi chi ayə angəʼ?

Jems 2:17

Anigə ibeni zənə cha anó chuŋ moʼ wa mə ighəy amə atəw ukow.

1 Pita 2:12

Itən ighəy unó akaʼa ba mbənə akə ma ba Jû ni boŋo, da ka ney udi ghayn ma kwi mbən mə ba mbənə umə ighəy unó iboŋ, umbi zən unó chuŋ mbənə mbən mə ighəy anigə iyere Nwiye anəy zənə umi wene izaʼa isaʼ isəg.

1 Pita 3:1

Anji zənə ba faʼa mi wumine mbaʼ faʼa uma, amə ichin ichin kwi mbə ayey wumini inom uma da abə mə kwi cha umoʼ akaʼa úŋwən beni ma inayn Nwiye, iyey uma mbi beŋe úŋwən akə ighəy unó ma nu cha u ghayn uma anó moʼ.

1 Pita 3:16

Mbən mə nə fiŋ zayn zayn boʼo atəw ni inded abú ba mbənə umə ghayn unó iboŋ da ichuŋ zənə imə inen numugə mbən mə ba Kristo,

2 Pita 1:8

Mbən mə unó mbənə mbən mi ighəy. Mbən ni ghəy nigə ŋuw imbey, da mbən yi sə faʼa anji chuŋ sə ghəy unó chuŋ nanaʼ. Zigə ayi tey kwi akə atəw ukoʼ mbən kyay Asɨyisəg Yeso Kristo.