Filemon 1:22 - Aŋwaʼanayn Uso Fey

²² Anó chini amə kwi ngwə tana atəw na iniŋ damugə ayə nə ikono kwi anjim achaʼara Nwiye zənə mbən mə chaʼara, Nwiye yi ywere igha cha aŋu inen.

Filemon 1:22 Iomraidhean Croise

Afaʼa ba tom Kristo 27:24

ighayn iniŋ kwi, ‘Pol imə goro ayə damugə ngwə yə ŋu təm ifigi Kayisa. Nwiye ghəy ichuŋ inigə. Yə si ghəy kwi ba jum mbənə umə yeŋ nə ngwə cha umoʼ mi nim.’

Afaʼa ba tom Kristo 28:23

Mbə́ sey anəy kwi umbə ŋu zən Pol. Amaʼazənə aney wu koʼo, mbə́ du kwaʼa uma nanaʼ iŋu asin zənə Pol mə chomo. Iti afəfəb iŋu pey afəb, yə́ mə́ toʼoro anó da anó ufon Nwiye abú úŋwen. Yə num unó ungɨŋ aŋwaʼanayn unoʼo Mose nibi num ungɨŋ uŋwaʼanayn mbənə ba ukən Nwiye ŋwaʼanayn, ighəy úŋwen kyay kwi unó mbənə umə ghayn da Yeso amə unó asiʼ.

Roman 15:24

mə kaŋa kono ungɨŋ inyi fiŋ kwi, ayi zaʼa izən ngwən amaʼazənə amə chigə ŋuw a Spen. Abə zaʼa, ayi chomo nə umbən akə ŋwə̂ amaʼ moʼ da mbən wyere cha aŋu amaʼazənə amə ŋuw.

2 Korintiyans 1:11

anji zənə mbən mə chaʼara Nwiye igun ina. Zigə ayi aghəy kwi ba nanaʼ naʼa yə beni ayə abú Nwiye da ngwa, damugə u yi ywiri chaʼara ba nanaʼ anigə, inaʼ ughəy mbənə umə chaʼara uŋwən igun.

Filipi 1:19

Ayə ghayn damugə mə kyay kwi anjim achaʼara Nwiye zənə mbən mə chaʼara foro anjim awere zənə a noʼo abú Azugə Yeso Kristo, Nwiye yi chi aŋu angəʼ koŋ.

Filipi 2:24

Mə kyay kwi Asɨyisəg bə beni, a yi yabi zaʼa inen umugə mboŋ.

Hibru 13:19

Ayə kwaʼa boʼo ubugə inen kwi mbən chaʼara Nwiye kwi u yabi cha aŋu inen.

Hibru 13:23

Mbən kyay kwi mbə́ si chi ungwa unya Timoti a ndəŋ. U bə yaba zaʼa pey akəŋ, ayi zaʼa izən ngwən nə uŋwən.

Jems 5:16

Anigə mbən beni umbən unó iboŋ umbən umbən, ichaʼara Nwiye abú umbən unya, da Nwiye ghəy kwi mbən boro. Achaʼara Nwiye wa ŋunə u təm ikoʼoro ayə ni ikay kyay ighəy anó zənə u chaʼara Nwiye igun.

2 Jon 1:12

A yə nə unó nanaʼ ighayn inen. Asɨmə, cha ami ŋwaʼanayn ungɨŋ aŋwaʼanayn. Mə kono amə kwi a yi zaʼa zən ngwən inayn ni wa feyn feyn da i wuʼi sugi ungɨŋ ita fiŋ.

3 Jon 1:14

Mə kono kwi ayi yabi zaʼa izən ngwən. Amaʼazənə a zaʼa, mba yi nayn amə inayn.