Filemon 1:17 - Aŋwaʼanayn Uso Fey

¹⁷ Anigə ngwə bə kono kwi amə wa faʼa nə ngwə, num uŋwən anji zənə ngwə mi num aŋu.

Filemon 1:17 Iomraidhean Croise

Matəw 10:40

Yeso ŋu imbey ghayn kwi, “Wa moʼ ŋunə u num ngwən anji chuŋ yə nibi num aŋu anji chuŋ. Wa moʼ ŋunə u num aŋu anji chuŋ yə nibi num wa ŋunə u tom aŋu.

Matəw 18:5

Anigə wa ŋunə u num ŋwə̂ kuŋe moʼ ni ŋwə̂ uŋu anji chuŋ akə uŋú ukum yə num aŋu anji chuŋ.”

Matəw 25:40

“Ufon wu yi ywiri abú úŋwən kwi, ‘Ayə ghayn asiʼ inen kwi, mbən bə ghəy unó mbəŋ kaba abú Ŋwə̂ Wa moʼ akaʼa umbəŋ ba, mbən ghəy iniŋ.’”

Afaʼa ba tom Kristo 16:15

Amaʼazənə uŋwen foro ba mbənə mbə́ mə́ ungɨŋ na ma si num une, yə kaʼa ngwa kwi, “Mbən bə sob kwi mə beni Asɨyisəg akə asiʼ anigə mba zaʼa chomo inyi na. Yə komo ngwa anigə mba ŋuw chomo boʼo uŋwən.”

2 Korintiyans 8:23

Amə́ da Tayitus, uŋwən yə faʼa nə umugə anji zənə mba mə faʼa inen unoŋ. Amə da umba unya, amə ifere ba Kristo i tom uŋwən. Imə ghəy kwi Kristo mə nə iwumini.

Efesus 3:6

Anó zənə yə́ paʼa amə kwi, anjim ukən chuŋ ba mbənə akə ma ba Jû si bumə nə ba jû si mə nə uneʼe nu Nwiye naʼa abú úŋwən. Mbə si məŋi amə nyə̂ inyo feyn. Anigə úŋwən uma jum umbi mə nə ughəy mbənə Nwiye chigə anjim Yeso Kristo ikaʼ.

Filipi 1:7

Yə kaŋa koʼ kwi a kono nigə da umbən jum damugə mə kaŋa wuʼe ngwən ungɨŋ inyi fiŋ azəd. Nwiye yə aghəy ichuŋ ina uma jum akə inji zənə mba mə faʼa abú uŋwən. U yə aghəy nigə akinine ŋunə amə andəŋ, numugə amə ghayn kwi ukən chuŋ amə asiʼ akə ma unó figi. Foro akə Amaʼazənə mə́ mə aghəy kwi ba beni unó mbənə umə ungɨŋ ukən chuŋ.

1 Timoti 6:2

Ka isob tənə mbaʼ afaʼa uma mə ba nu u beni Kristo tebe uma mbaʼ afaʼa wu damugə úŋwən uma jum si məŋi ba Kristo. Asɨmə umbi faʼa abú úŋwən kwaʼa anji chuŋ chigə umugə umi faʼ abú mbaʼ mbənə cha udi beni Kristo. U mbi ghəy nigə damugə ba mbənə umi jəg injim akə afaʼa wu amə ba nu u beni Kristo nu uwuʼi kwaʼa azəd. Ngwə ni tey unó mbəŋ nibi zən kwi ba Kristo beni unó wu.

Filemon 1:10

Ayə boʼo ubugə inigə da uŋu ŋwə̂ Onesimus nu amə mbaʼ ma numugə amə andəŋ.

Filemon 1:12

Ayi gha cha uŋwən inigə, uŋwən mə kaŋa inyi fiŋ.

Filemon 1:18

Abə mə kwi yə gow anó moʼ inigə kə uyə yimə ayə nə aghəy moʼ ŋwaʼanayn aghəy wu akə uŋu ukum.

Hibru 3:1

Umbəŋ unya zayn zayn nu Nwiye nibi tiya, mbən tana ikono Yeso nu mba beni kwi uŋwən amə wa tom foro atəw igun ba mbənə umə faʼa ambəŋ Nwiye.

Hibru 3:14

Mba yə akə anó feyn nə Kristo amaʼazənə mba bə yimə anó zənə mba beni nibi beni nigə ŋu pey akə inwi.

Jems 2:5

Umbuŋ unya nu a wuʼi kwaʼa azəd, mbən zwaray! Nwiye choʼo ba mbənə amə ba ukwaŋ ungɨŋ isəg, da uŋwən mə ba imbon numugə u beni Yeso Kristo. Anigə umbi jəg anó fon zənə Nwiye kaʼa abú ba mbənə u wuʼi uŋwən.

1 Pita 5:1

“Amə wa nu amə cha ufere ba Kristo. Amə uzənə anji zənə Kristo zən ingəʼ. Amə nibi wa moʼ akaʼa ba mbənə umi zən uzayn zayn amaʼazənə Kristo mi gha zaʼa. Anigə ayə boʼo ubugə inen umbən mbənə mbən mə cha ifere ba Kristo kwi,

1 Jon 1:3

Anó zənə mbá zən nibi zəw amə azənə mba mə ghayn inen, da mbən foro akə anó feyn ni uma numugə mba mə akə anó feyn ni mbaʼ foro ni ŋwə̂ ma Yeso Kristo.