Filemon 1:16 - Aŋwaʼanayn Uso Fey

¹⁶ I num ayə uŋwən aba ni isob, num uŋwən ni wa ŋunə u chigə ma akə isob. Uŋwən amə unya nu a wuʼi kwaʼa azəd. Mə wuʼ uŋwən asɨmə mə kyay kwi ngwə wuʼ uŋwən chigə yə akə inji zənə a wuʼi. Wuʼ uŋwən ni isob nibi wuʼ uŋwən nə unya numugə mba mə akə ibumi nə Kristo.

Filemon 1:16 Iomraidhean Croise

Matəw 23:8

“Ka mbən beni ngwən kwi ba ki tiya ngwən kwi, ‘Ataʼa ba’ Damugə umbən ujum mbən mə unya anóm anigə mbən yə abá nə ataʼa ba feyn.

Afaʼa ba tom Kristo 9:17

Anigə Ananiyas ŋú inyi ungɨŋ na wu. Yi niŋe ubugə ma igun ma ghayn kwi uŋu unya anóm Sol, Asɨyisəg Yeso ŋunə yə buw inigə anji Amaʼazənə ngwə mə zaʼa akəŋ cha aŋu da ngwə mi gha zən usin anigə Azugə zayn zayn sugi ungɨŋ inji inyo.

1 Korintiyans 7:22

Wa ŋunə Asɨyisəg tiya uŋwən nu amə isob cha uŋwən di ni bere ma sob numugə uŋwən si siy akə anó feyn nə Asɨyisəg. Amə ichin ichin kwi wa ŋunə Asɨyisəg tiya uŋwən nu akə ma sob, uŋwən amə isob Kristo.

Kolose 3:22

Isob mbə wumini umbən mbaʼ faʼa igun isəg akə unó jum. Ka mbən mə wumini úŋwən aba Amaʼazənə umə iney ngwən da uwuʼe ngwən. Mbən faʼa abú úŋwən akə itən fiŋ jum, ni faʼa goro Asɨyisəg.

1 Timoti 6:2

Ka isob tənə mbaʼ afaʼa uma mə ba nu u beni Kristo tebe uma mbaʼ afaʼa wu damugə úŋwən uma jum si məŋi ba Kristo. Asɨmə umbi faʼa abú úŋwən kwaʼa anji chuŋ chigə umugə umi faʼ abú mbaʼ mbənə cha udi beni Kristo. U mbi ghəy nigə damugə ba mbənə umi jəg injim akə afaʼa wu amə ba nu u beni Kristo nu uwuʼi kwaʼa azəd. Ngwə ni tey unó mbəŋ nibi zən kwi ba Kristo beni unó wu.

Hibru 3:1

Umbəŋ unya zayn zayn nu Nwiye nibi tiya, mbən tana ikono Yeso nu mba beni kwi uŋwən amə wa tom foro atəw igun ba mbənə umə faʼa ambəŋ Nwiye.

1 Jon 5:1

Wa ŋunə u beni kwi Yeso mə wa ŋunə Nwiye zoʼo, amə wa Nwiye. Wa ŋunə u wuʼi mbaʼ yə nibi wuʼe ŋwə̂ mbaʼ fən.