Filemon 1:10 - Aŋwaʼanayn Uso Fey

¹⁰ Ayə boʼo ubugə inigə da uŋu ŋwə̂ Onesimus nu amə mbaʼ ma numugə amə andəŋ.

Filemon 1:10 Iomraidhean Croise

Ukən chuŋ da Yeso Kristo anji zənə Mak ŋwaʼanayn 9:17

Anom moʼ mə akaʼa ikwiy ba wu u ywiri kwi, “Ataʼa ba mə num inyi ajoŋ zaʼa inigə damugə Azugə iboŋ ayə ungɨŋ ma ighəy cha umə inayn.

Roman 12:1

Umbuŋ unya, ayə boʼo ubugə inen kwi, numugə Nwiye diri ngwa, mbən naʼa injən inyo abú uŋwən nə aghəy ifaʼ zənə amə ikay, imə uzayn uzayn nu umi wuʼ. Zəŋ amə inji zənə ikoʼoro kwi mbən ki wumine Nwiye.

1 Korintiyans 4:14

Cha amə ŋwaʼanayn ŋu anó mbəŋ inen da inaʼ idere atəw inen. Ayə ŋwaʼanayn da itaʼa ngwən numugə mbən mə umbəŋ buŋ nu awuʼi kwaʼa ingəʼ.

1 Korintiyans 4:15

Ka di ma kwi mbən yə ni achuʼ ba ighum nu umə nəmə ngwən damugə mbən mə ba Kristo, cha mbaʼ inen unanaʼ. Akə umugə mbən mə akə anó feyn ni Yeso Kristo, amə ungwən mbaʼ numugə mə num ukən uchuŋ zaʼa ghayn inen.

Galetiya 4:19

Umbəŋ buŋ nu a wuʼi kwaʼa azəd, ayə zəw ubuʼ nə ayey ŋunə u mə nomo ibə́. A yi zəw nigə pey amaʼazənə mbən mi chomo ni Kristo.

Kolose 4:9

Uŋwən yə zaʼa nə Onesimus, nu amə unya mba wuʼi kwaʼa azəd. Uŋwən yə faʼa akə fiŋ jum. Uŋwən amə wa Kolose ni umbən. Úŋwən umbi ghayn unó jum mbənə umə chigə akəŋ inen.

1 Timoti 1:2

Ayə ŋwaʼanayn inigə ungwə Timoti, nu amə uŋu ŋwə̂ asiʼ anji zənə mba beni Kristo. Nwiye Mbaʼ ni Asɨyisəg Yeso Kristo ghəy ichuŋ inen, idiri ngwən nibi naʼ aborobod inen.

Titus 1:4

Ayə ŋwaʼanayn inigə Tayitus nu amə uŋu wa asiʼ anji zənə umugə nə uŋwən mba beni Kristo. Nwiye Mbaʼ nə Yeso Kristo ŋunə yə chi ngwa angəʼ aghəy chuŋ inigə nibi naʼa aborobod inigə.

Filemon 1:11

Akə amaʼa moʼ, amə cha afaʼa moʼ abú uŋwən ifaʼ inigə, asɨmə akinine, uyə nə afaʼa ifaʼ inigə foro iniŋ.

Filemon 1:13

Mə mi wuʼ isiy uŋwən akəŋ aboʼo inyi da uni ywere aŋu faʼa iniŋ akə injə asin numugə amə andəŋ da ukən chuŋ ŋunə amə ghayn.

3 Jon 1:4

Cha iwuʼi chini ungɨŋ inyi fiŋ chigə akə umugə azəw kwi umbəŋ buŋ mbə yeŋ akə asiʼ.