Ŋwà’ne Jâŋ 9:3 - Nouveau Testament en Ngienboum

³ Yěsô tsɔ́’ ngie: Á té gwɔ́ pɔ́ ngie yé kà pʉ̀a pie é la zyé yé la fʉa tsɔ́ nò wɔ́. Àa fʉ̀ á gwɔ́ pɔ́ ngie e Ssé cʉa ná yé ńdá’te mefà’ mé.

Ŋwà’ne Jâŋ 9:3 Iomraidhean Croise

Matio 11:5

éshwóŋó yé ngie: Mefʉ̀ menÿɔ́g ne ńgyá jʉ’, pà pwɔ́’te mekwò ne ńgiŋe mbóŋo, megàŋ nkà’ ne ńzeŋe, pà mbǔ’ metuŋó ne ńjú’u jʉ’, mepfó ne ńzyeen, mé ne sá’a nkʉ̀ mbòŋo nò Ssé mbwó mefÿɔ́g

Ŋwà’ne Jâŋ 11:4

Yěsô jú’ pú’u, ńgɔɔn ngie, yɔɔn guɔ té gie á ge lɔgɔ yé wɔ́. Á ge gÿo mé ná mekù’ mbwo Ssé, ḿbiŋ ńcʉa mǒ ńná mekù’ mbwo Míŋ Ssé.

Ŋwà’ne Jâŋ 11:40

Yěsô tsɔ́’ɔ mbwo yé ngie: Mèŋ n ně tè gɔɔn né gù ngie ɔ̀ lɔɔn ńzáb ntʉ́m ná mèŋ, mbà ɔ̀ ge gyá legú’ Ssé wɔ́ le?

Megàŋ ntúm 28:4

Pʉ̀a lá’ ŋwɛ́ gyá pá’ nnú cʉŋé nà pwó yé, ésele ńgɔɔn tsetsɛ̀ɛ pɔ́b ngie: Nyìŋ wɔɔn ge gÿo lêkɔ́ wɔ́, é gwɔ́ fÿɛ́. À tsẅɛ̌ ntse tá’, messé gyǎ ngie pɔ́ té ge nyé yé à gwɔ́ wó wɔ́.

Megàŋ ntúm 4:21

Pàsá’ ntsaŋ é gíŋe ńnyɛte ḿbebe wɔ́b, ńnyé wɔ́b pɔ́ gʉa. Mbà pɔ̀ fǎ’ shÿo gẅie pɔ́ ge fó mǒ lɔg nyɛɛ wɔ́b ngɔ́’, pɔ́ té gyá ńtí lá’. Á nue pʉ̀a metsèm laa jʉ’ó, ńně ńgu’te Ssé nà mmó gie á ka cʉa.

1 Jâŋ 4:16

Á gʉa ná peg, mbà pɔ́ ne ńzsé pá’ Ssé kwoŋo wég pú’u, peg ka gyá yɛ̌ ntí nkwòŋe tà ńzẅíŋ. E Ssé gẅiin pɔ́ nkwòŋe, nyìŋ lɔɔn ńne ńkwoŋo pʉ̀a mesoŋ, mbà ngàŋ la nnɛ́ nà Ssé, e Ssé la nnɛ́ ná yé.

1 Jâŋ 4:9

Anò gie Ssé la lɔg ńnyɛɛ wégè ngie à kwoŋo wégè à yɔɔn: À la túm ndà’ Míŋ we wémɔ’ɔ́ tsɛ̀ɛ njÿó ngie pege cʉa nzèm yé ńgwɔ́ wó.