Ŋwà’ne Jâŋ 8:25 - Nouveau Testament en Ngienboum

²⁵ Pɔ́ zɛ́te yé ngie: Ɔ̀ gwɔ̌ pɔ́ wɔ̌? Yěsô tsɔ́’ɔ mbwo pɔ́b ngie: Mèŋ n gee nyìŋ wá gẅie n dà lá’ ńzye léshwóŋó gẅi tà fó nzyeté la.

Ŋwà’ne Jâŋ 8:25 Iomraidhean Croise

Lukase 22:67

Pɔ́ zɛ́te yé ngie: Ɔ̀ lɔɔn ńgwɔ́ *Nzà’nkÿo, ɔ̀ shwóŋó wég. Yěsô tsɔ́’ɔ mbwo pɔ́b ngie: Mèŋ shwóŋó gẅi pi é le zẅíŋ,

Ŋwà’ne Jâŋ 1:19

Jâŋ gÿo ńgɔɔn nò ńtí Yěsô. Á gwɔ́ tsɔ́ fʉ̀’, pàsá’a lá’ pà Yuda pie ée Yerósalem túm pànuŋe pwɔ́’ lâ pʉ̀a nà ngẅɛ̀ Lěvi, ńgie pɔ́ gʉa ńzɛ́te Jâŋ ngie: À gwɔ́ pɔ́ wɔ̌?

Ŋwà’ne Jâŋ 1:22

Pɔ́ leen ńké ńgɔɔn né yé ngie: Shwóŋo wég nyìŋ gẅie ɔ́ɔ wɛ̌, ńzsé ngie peg ge gẅiin nò gie peg ge tó shwóŋ pʉ̀a pie pɔ́ ně ńtúmo wég. Kwà’ gù lê twó ɔ́, ɔ̀ kwǎŋ ngie ɔ́ɔ wɔ̌?

Ŋwà’ne Jâŋ 10:24

Pà Yuda leen ńké ńtÿɔ́’ɔ Yěsô ńnéŋe sòŋ, ńzɛ́te yé ngie, peg ge zẅí’te tà kú pɔ́ fʉ̀’ʉ kɔ́ tá ɔ̀ shwóŋó wég nyìŋ gẅie ɔ́ɔ yé? Ɔ̀ lɔɔn ńgwɔ́ *Nzà’nkÿo, ɔ̀ zyɛ́b zyɛ̌b shwóŋó wég.

Ŋwà’ne Jâŋ 19:9

MÀbiŋe ndá, ńzɛ́te Yěsô ngie: Ɔ̀ɔ nyìŋ zsɔ̌? Tá Yěsô fó tè tsɔ́b.

Ŋwà’ne Jâŋ 8:12

Yěsô gíŋe ńzye lézí’i mmó mbwo lá’, ńgɔɔn ngie: Akyɛ̀’ gie á kyɛ’ɛ jʉ’ náa né pʉ̀a mesoŋ tsɛ̀ɛ njÿó á gwɔ́ pɔ́ mèŋ. Nyìŋ lɔɔn ńcʉ́me nzèm mèŋ, mbà ngàŋ tě ńdá’a ńgiŋe tsɛ̀ɛ nzěm wɔ́. Mbà à gẅǐin kyɛ̀’ gie áa kyɛ̀’ɛ mánzsè kwà’ le gwɔ́.

Ŋwà’ne Jâŋ 8:24

Áa mmó gie á ně ńgÿo tá mèŋ n gɔɔn né pi ngie: Pi ge gÿo kwé tsɛ̀ɛ menò tepòŋ mí. Á nue pi lɔɔn tè zẅíŋ ngie nyìŋ gẅie mé tóŋo yé lê N gee gwɔ́ à gwɔ́ pɔ́ mèŋ wɔ́, mbà pi ge kwé tsɛ̀ɛ menò tepòŋ mí.

Ŋwà’ne Jâŋ 8:26

Mèŋ n gẅiin menò mie mèŋ n ge gɔɔn né pi tà é gyɔ́ɔn gyɔ̌ɔn, mbɔɔ mie mèŋ n ge ŋaga gẅi mǒ. Tá’ n gɔɔn mbwo pʉ̀a tsɛ̀ɛ njÿó pɔ́ mmó gie n da jú’u mbwo nyìŋ gẅie à la túmo wɔ̀ɔn. Àa ńké shwóŋó yé pɔ́ nò nénʉ́.